Mateo 27:14 - AHYERƐLƐ KRONGRON

¹⁴ Nakoso wamma ye mmuayɛɛ wɔ kwaadu komapɛ po anwo, na ɛhe yɛle amrado ne nwanwa paa.

Mateo 27:14 Iomraidhean Croise

Edwein 71:7

Mayɛ kyɛ anwanwadeɛ wɔ mmenia pee nye so, nakoso wɔ yeɛ ɛte m’anwoserɛ afealeɛ ɔ.

Yesaya 8:18

Ɛ́mɔtie, me ne me mma bɔ AWURADE afa bɛ ama me ne, yɛte sɛngyerɛnneɛ ne kɔkɔbɔlɛ bɔ ofi Asafo AWURADE bɔ ɔte Sion bokaa so ne berɛ yɛma Yisrael.

Sakaria 3:8

Afei tie, ɔsɔfo panyi Yosua, ɛne wɔ mmango bɔ bɛtete wɔ nyunu berɛ ne, ofikyɛ bɛte anwanwafoɛ. Na tie, mebaafa MMAEN bɔ ɔte me somvoɛ ne meba.

Mateo 26:63

Nakoso Yesu yɛle dinn. Yeɛ ɔsɔfo panyi paa ne sele ye kyɛ, “Mefa Nyameɛ teasefoɛ ne meta ndaen megua wɔ so kyɛ, sɛ wɔ ole Kristo ne, Nyameɛ Awa ne a, kã kyire yɛ.”

Mateo 27:12

Nakoso kwaadu bɔ asɔfo mbanyi ne maen mbanyi nemɔ bɛbɔle ye ne de, wammua ye nwo bie.

Mateo 27:13

Yeɛ Pilato bisale ye kyɛ, “Aso ɛnde kwaadu worawora bɔ bɛ́bɔ wɔ ye?”

Marko 15:5

Nakoso Yesu ammukye ye noa ko, na ɛhe yɛle Pilato nwanwa.

Luka 23:9

Yiti Herode bisale ye dwirɛ pee, nakoso wamma ye mmuayɛɛ biala.

Yohane 19:9

Osa wurale amrado aluo berɛ, na obisale Yesu kyɛ, “Efi nisua?” Nakoso Yesu amma ye mmuayɛɛ.

1 Korintofoɛ 4:9

Ofikyɛ ɔyɛ me kyɛ Nyameɛ wafa yɛ asomafoɛ wasie berɛ kyɛ mmenia bɔ babua bɛ kumfɔ ɔ, ɔnate kyɛ yayɛ ahyerɛ yama ewiase ne abɔfo mɔ ne adasa mmaa.