Mateo 27:1 - AHYERƐLƐ KRONGRON

¹ Na aleɛ hyene ne, asɔfo mbanyi ne maen mbanyi amukoraa bɛhɔle Yesu nwo agyina bɛbɔle porɛ kyɛ bekohu ye.

Mateo 27:1 Iomraidhean Croise

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Edwein 31:13

Ofikyɛ mate nwuhunwuhu bɔ mmenia bɛyɔ ne, anwunanwuna apɛ me nwo wayia: bɔ bɛbɔ me ti so porɛ, ná bɛpena me beku me ɔ.

Edwein 71:10

Ofikyɛ me pɔfoɛ mɔ kekã me nwo dwirɛ tɛɛ, na bɛ bɔ bɛtetɛ me beku me ne, bɛbɔ nu betu asure.

Mika 2:1

Bɛ bɔ besusu amumuyɛɛ nwo, ná bɛdwene bɔne nwo wɔ bɛ bɛen so ne, bɛ yaakɔ! Aleɛ kye a, bɛyɔ sɔ, ofikyɛ ye nwo tumi wura bɛ sa.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Marko 15:1

Na aleɛ baahye ne, ndɛndɛ so, asɔfo mbanyi ne maen mbanyi ne ahyerɛlɛfoɛ ne badwafoɛ ne amukoraa bɛhɔle agyina, na bɛkyekyele Yesu bɛfale ye beewurale Pilato sa.

Luka 13:1

Sɔ mmerɛ ne ala nu, né mmenia biemɔ wɔ berɛ, na bɛhane Galileafoɛ bɔ Pilato fale bɛ mogya frafrale b’afɔleɛ mɔ ne nwo dwirɛ behyirele ye.

Luka 22:66

Na aleɛ hyene ne, maen mbanyi ne asɔfo mbanyi ne ahyerɛlɛfoɛ nemɔ beyiale, na bɛfale ye bɛhɔle bɛ badwa ne anyunu, na besele ye kyɛ,

Yohane 18:28

Yeɛ bɛfale Yesu befili Kaifa berɛ bɛhɔle amrado n’aluo berɛ; na né ɔte ngyerɛmɔ tutuutu. Nakoso bɛ bɔbɔ de, bangɔ amrado n’aluo berɛ bie, kyɛbɔ ɔkɔyɛ bɔ bɛ nwo ngogua fiɛ, ná bahora bali Abɔtra (aleɛ) ne ɔ.

Asomafoɛ 5:21

Na bɛtele sɔ dwirɛ nen, bɛhɔle asɔneyɛɛ sua ne anu alebahyene, bɛɛyɛle ngyerɛkyerɛ. Na ɔsɔfo panyi paa ne, ɔne bɛ bɔ bɛboka ye so ne wale, na bɛtole asaa bɛfrɛle badwafoɛ nemɔ ne Yisrael mbanyi mukoraa maa beyiale, na bɛsomane mmenia kyɛ bɛɛye asomafoɛ ne befi kuku nu dɔ bɛbra.

Maenbulɛfoɛ 16:2

Bɛbɔle Gasafoɛ amaneɛ kyɛ, “Samson awa wa.” Yiti bɛpɛle sua ne anwo beyiale, yeɛ bɛtetɛle ye wɔ kuro berɛ pambim ne anu kɔngɔen ne amukoraa. Bɛyɛle konn kɔngɔen ne amukoraa na bɛdwenene ye nwo kyɛ, “Ɛmɔma yɛnwondɛ maa aleɛ hye, ná yahu ye.”

1 Samuel 19:11

Sɔɔlo tuli mmenia maa bɛhɔle Dawide awuro kyɛ bɛɛtɛ ye behũ ye ngyerɛmɔ. Nakoso Dawide tiale Mikal gya so kyɛ, “Sɛ annwati kɔngɔen ye a, ɛhema ngyerɛmɔ bekohu wɔ.”