Mateo 26:70 - AHYERƐLƐ KRONGRON

⁷⁰ Na ɔsale wɔ bɛ mukoraati bɛ nyunu berɛ kyɛ, “Bɔ ɛ́ka ne, menze ye nwo hwee.”

Mateo 26:70 Iomraidhean Croise

Anyandera 28:26

Ebiala bɔ ɔfa ye nwo to ye nworɛ so ne, ɔte kwaseaa, nakoso ebiala bɔ ɔfa nworɛ to ye brabɔlɛ nwo ne, okonya ngoa.

Anyandera 29:23

Sona ye anwomasoɛ brɛ ye ase, nakoso bɔ ɔte sunzum nu awiɛmvoɛ ne de, okonya animnyam.

Anyandera 29:25

Esuro sona a, né asua wɔ nwo ngaen, nakoso ebiala bɔ ɔfa ye wora wura AWURADE nu ne de, ye nwo sonn.

Yesaya 57:11

Nwa yeɛ ye nwo yɛ suro bɔ esuro ye ɔ, bɔ yiti anga nahorɛ ɔ, bɔ yiti angaye me ɔ, bɔ yiti andwene me nwo ɔ? Aso nna konn yeɛ mayɛ fi tetetete ɔ, bɔ ɔnate sɔ ati enzuro me ɔ?

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Mateo 26:51

Na yieee, bɛ bɔ né bɛ ne Yesu wɔ berɛ ne, bɛ nu ko tengyɛle ye sa hwene ye ngrandɛ, na ɔfa bɔle ɔsɔfo panyi paa n’akoaa pɛle ye so.

Mateo 26:56

Na ɛhe amukoraa asi, amaa ɔnate so bɔ ngɔmhyɛlɛfoɛ nemɔ bahã ye wɔ Ahyerɛlɛ ne anu ne wawa nu.” Yeɛ asuafoɛ nemɔ amukoraati bɛyakyili ye berɛ bɛnwatili.

Mateo 26:58

Nakoso Petro de, olili ye si wɔ nziɛ nziɛ oodwuli ɔsɔfo panyi paa n’aluo berɛ, owurale nu, na ɔne somvoɛ nemɔ bɛtenane ase kyɛ ɔnea edwirɛ n’ayieleɛ.

Mateo 26:69

Na Petro de, né ɔte aluo berɛ. Na afaneɛ bie wale ye nwo berɛ oosele ye kyɛ, “Wɔ koso, né ɛne Yesu Galileaniɛ ne yeɛ bɛnate ɔ.”

Mateo 26:71

Na ofili berɛ hɔle ngurolo ne anu dɔ ne, afaneɛ foforɛ nwuni ye, na osele bɛ bɔ bɛwɔ berɛ ne kyɛ, “Akoaa he, né ye koso ɔne Yesu Nasarɛteniɛ ne yeɛ bɛnate ɔ.”

Luka 22:57

Nakoso ɔsale kyɛ, “Mmobraa, menze ye oo!”

Romanfoɛ 11:20

Ɔte amba, bebubuli bɛ beguale, ofikyɛ né benne benni, nakoso wɔ de, wɔ gyidie ti yeɛ ɔmaa ɛtɛ mata bakaa ne nwo ɔ. Yiti nnɛhoahoa wɔ nwo, na mmom suro.

1 Korintofoɛ 10:12

Yiti ma ebiala bɔ ɔdwene kyɛ ogyi berɛ ne ɔ́nea yé ná wamvi ase.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”