Mateo 26:7 - AHYERƐLƐ KRONGRON

⁷ braa bie bɔ otira towaa nyɔboɛ serɛ bɔ sakyeɛfona nyɔboɛ serɛ wɔ nu ɔ wale Yesu nwo berɛ. Na Yesu tenane ase bɔ odidi nen, otutuli sakyeɛfona ne fa guale Yesu ti so.

Mateo 26:7 Iomraidhean Croise

2 Ahemvo 9:1

Na ngɔmhyɛlɛfoɛ fekue ne, ngɔmhyɛlɛniɛ Elisa frɛle bɛ nu ko sele ye kyɛ, “Bɔ w’abɔsoɛ, fa sɔ ngoo towaa he tira, na kɔ Ramote Gileade.

Edwein 133:2

Ɔte kyɛ ngoo nyɔboɛ serɛ bɔ ogua sona ti so, bɔ osongyi gua ye kanza nu, ɔte kyɛ bɔ osongyi gua Aarɔn kanza nu, bɔ ɔtengyɛ gua ye ataadeɛ kɔme anu ɔ.

Nworɛ Dwirɛhanɛniɛ 10:1

Kyɛbɔ nwɔsea fuin ma sona bɔ ɔyɔ sakyeɛfona ye sakyeɛ ne bo mvamva ne, sɔ ala yeɛ ngwaseasɛm kãa bie sɛkye nworɛ ne animnyam ɔ.

Nworɛ Dwirɛhanɛniɛ 9:8

Mmerɛ biala, wura anigye ataadeɛ, yeɛ nnɛma sakyeɛfona pa wɔ ti so.

Edwein Nu Dwein 1:3

Wɔ sakyeɛ ne bo fona paa, yeɛ wɔ dumaa te kyɛ sakyeɛfona bɔ béhwie ɔ; ye sɔ ati yeɛ ndaluwa kuro wɔ ye.

Yesaya 57:9

Etuli atee ɛɛfale anaatere mane Moleke, ɛfale ayirefona pee yɛle wɔ nwo; ɛsomane wɔ bɔfoɛ mɔ maa bɛhɔle dedeede, na ɛsomane bɛ maa bɛhɔle ɛborɔ po.

Mateo 26:8

Nakoso asuafoɛ nemɔ nwuni ye sɔ nen, wanyɛ bɛ fɛ, na bɛhane kyɛ, “Ɛhe bɔ asɛkye ye e, ye bo ole sɛɛ?

Marko 14:3

Na mmerɛ bɔ né Yesu wɔ Betania, wɔ Simɔn kwataniɛ n’awuro berɛ, bɔ ɔtenane ase kyɛ odidi nen, braa bie bɔ otira towaa nyɔboɛ serɛ, bɔ sakyeɛfona nyɔboɛ serɛ wɔ nu ɔ wale berɛ. Ɔbɔle towaa ne, na otutuli sakyeɛfona ne guale Yesu ti so.

Luka 7:46

Amva olive ngoo ambopa me ti so, nakoso ye de, wafa sakyeɛfona wapopa me gya bo.