Mateo 26:67 - AHYERƐLƐ KRONGRON

⁶⁷ Afei bɛfefele nwɔserɛ beguale ye nyunu, bɛbobɔle ye, yeɛ ebiemɔ bobɔle ye nye so

Mateo 26:67 Iomraidhean Croise

1 Ahemvo 22:24

Yeɛ Kenaana awa Sedekia ɔwale Mikaya nwo berɛ ɔɔbɔle ye so anu, na obisale kyɛ, “Aso AWURADE Sunzum kosa me nwo kodwudwo kohyire wɔ?”

Yesaya 50:6

Mvale me si mane bɛ bɔ befi me mbire ne, mvale me so taa nu mane bɛ bɔ betutu kanza ne. Beguale me nyunu ase, bɛfefele nwɔserɛ beguale me nyunu, nakoso mamva me nyunu mamvea.

Yesaya 52:14

Na kyɛbɔ ɔyɛle mmeni pee bɔ benwuni ye ne nwanwa, ofikyɛ ye nyunu mengyemengyele, bɔ né onzoma sona, bɔ né ye sona sue deɛ onzoma kuro sona deɛ ne ati,

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Yeremia 20:2

Yeɛ Pasure bole ngɔmhyɛlɛniɛ Yeremia, na ɔbɔle ye panwu wɔ Benyamin anoa piri bɔ opingye AWURADE awuro berɛ ne, ye sorɔ dɔ.

Awuye 3:30

Odi kyɛ ɔkakyi ye so taa nu ma sona bɔ ɔkɔbɔ ye so anu ne, ná ɔmaa bɛbɔ ye alapaa pasaa.

Awuye 3:45

Amaa yakakyi kyɛ ewura ne fofoɛ wɔ maen maen mɔ b’afia.

Mika 5:1

Ao koɛhonɛfoɛ awa brasua, afei boa wɔ noa koɛhonɛfoɛ kure kure; watua yɛ kuro ne; Yisrael maenbulɛniɛ ne, bɛkɔfa bakaa bɛkɔbɔ ye mvoka.

Numeri 12:14

Nakoso AWURADE buale Mose kyɛ, “Sɛ ɔse fele nwɔserɛ guale ye nyunu a, aso ahaa ye nyunu ngogua ase ɛlɛsoo? Maa bɛye ye maa ɔɔtena asikyeleɛ ne asi dɔ ɛlɛsoo, ná ye si né basa bafa ye bawa asikyeleɛ ne anu.”

Mateo 26:68

hane kyɛ, “Kã kyire yɛ e, Kristo! Nwa yeɛ ɔbɔle wɔ ne?”

Mateo 27:30

Bɛfefele nwɔserɛ beguale ye nwo, na belele ye sa nu elemmire ne bɛfa befifini ye ti anu.

Mateo 5:39

Nakoso me de, mekã mekyire ɛmɔ kyɛ, nnɛma ɛmɔfa bɔne betua ebie bɔ wayɔ ɛmɔ bɔne ɔ so kerɛ. Sɛ ebie pakye wɔ nye famaa so a, kakyi bɛen ne koso ma ye.

Marko 10:34

Bɛkɔgoro ye nwo, bɛkɔfefe nwɔserɛ bekogua ye nwo, bekofi ye mbire, ná bahu ye, na ye ɛlɛsa ne aso okotingye.”

Marko 14:65

Na ebiemɔ hyɛle ye bo bɛfefele nwɔserɛ beguale ye nwo, bɛkatale ye nye, na bɛbobɔle ye, na besele ye kyɛ, “Hyɛ ngɔm!” Na asomvoɛ nemɔ bobɔle ye nye so.

Marko 15:19

Yeɛ bɛfale mbire befifini ye ti anu, bɛfefele nwɔserɛ beguale ye nwo, na beguale ndwerɛ bɛbɔle bɛ ti ase wɔ ye nyunu.

Yohane 18:22

Na Yesu hane sɔ nen, asomvoɛ mɔ bɔ begyigyi berɛ ne, bɛ nu ko bɔle ye nye so, na ɔhane kyɛ, “Sɔ yeɛ ɛ́ma ɔsɔfo panyi paa ne mmuayɛɛ ɔ?”

Yohane 19:3

Bɛwale ye nwo berɛ, na besele kyɛ, “Yudafoɛ Hene, wɔ ngoa so oo!” Na bɛbobɔle ye nye so.

1 Korintofoɛ 4:13

Bɛsɛkye yɛ dumaa a, yɛne bɛ nyaka. Yayɛ kyɛ ewiase fiɛ, na yayɛ nningyein mukoraa boso wura maa waadwu ɛnɛ.

Deuteronomi 25:9

ye de ɔsɛ kyɛ oliɛma n’aye ne kogyina ye nwo berɛ wɔ mbanyi nemɔ nyunu berɛ, ná opuro biaa ne gya nu mbaboa, ná ɔ́fe nwɔserɛ gua ye nyunu, ná ɔka kyɛ, ‘Sona bɔ onguro kyɛ ɔboka ma oliɛma bɔ wawu nya bosofoɛ ne, bɔ bɛfa bɛyɔ ye hɔ ɛne.’

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.