Mateo 26:63 - AHYERƐLƐ KRONGRON

⁶³ Nakoso Yesu yɛle dinn. Yeɛ ɔsɔfo panyi paa ne sele ye kyɛ, “Mefa Nyameɛ teasefoɛ ne meta ndaen megua wɔ so kyɛ, sɛ wɔ ole Kristo ne, Nyameɛ Awa ne a, kã kyire yɛ.”

Mateo 26:63 Iomraidhean Croise

1 Ahemvo 22:16

Nakoso Nana Ahabo bisale Mikaya kyɛ, “Pɛen nyɛɛ yeɛ odi kyɛ memaa ɛta ndaen kyɛ AWURADE dumaa nu edwirɛ nahorɛ ngome yeɛ ɛkɔhã kohyire me ɔ?”

2 Aberɛso Dwirɛ 18:15

Nakoso Nana Ahabo bisale Mikaya kyɛ, “Nea, pɛen nyɛɛ yeɛ odi kyɛ memaa ɛta ndaen kyɛ AWURADE dumaa nu edwirɛ nahorɛ ngome yeɛ ɛkɔhã kohyire me ɔ?”

Edwein 42:2

Me kra wora dɔ Nyameɛ, ye wora dɔ Nyameɛ teasefoɛ ne. Kyinzu yeɛ ngɔwa ngoodwu Nyameɛ nyunu ɔ?

Anyandera 29:24

Ebiala bɔ ɔne awueniɛ bekotu nu ne, ɔpɔ ye bɔbɔ ye kra, ɔte amoenwaa ne de, nakoso ɔnga nahorɛ.

Yesaya 53:7

Bɛfale ye bɛfale yealɛ nu, yeɛ bepurapurale ye, nakoso wammukye ye noa, kyɛ boaen bɔ bɛ ne ye kɔ akumyɛɛ ɔ, kyɛ boaen bɔ watɔ mumu wɔ bɛ bɔ bɛpepɛ ye nwiaa bɛ nyunu ɔ, sɔ ala yeɛ wammukye ye noa ɔ.

Daniel 3:16

Yeɛ Sadrake, Mesake ne Abedinego buale Nana kyɛ, “Nana Nebukadenesa, Onhia kyɛ yɛma wɔ mmuayɛɛ wɔ sɔ dwirɛ he anwo ɔ.

Lewitikɔso 5:1

“Sɛ ebie nye tua edwirɛ bie, anaakyɛ ɔte edwirɛ bie, ná bɛfrɛ ye kyɛ ooli ye nwo adanzeɛ, ná wangɔ maa ɔnate so ɔyɔ bɔne a, ye musue kɔbɔ ye ti so.

Mateo 16:16

Na Simɔn Petro buale kyɛ, “Wɔ ole Kristo ne, Nyameɛ teasefoɛ n’Awa ne.”

Mateo 26:62

Na ɔsɔfo panyi paa ne dwɔso gyinane sele Yesu kyɛ, “Engobua ye nwo bie? Nzikyɛ anwo yeɛ mmenia hemɔ bédi adanzeɛ bétia wɔ ye?”

Mateo 27:12

Nakoso kwaadu bɔ asɔfo mbanyi ne maen mbanyi nemɔ bɛbɔle ye ne de, wammua ye nwo bie.

Mateo 27:14

Nakoso wamma ye mmuayɛɛ wɔ kwaadu komapɛ po anwo, na ɛhe yɛle amrado ne nwanwa paa.

Mateo 27:40

kyɛ, “Wɔ bɔ edwiri asɔneyɛɛ sua ne gua, ná ɛfa ɛlɛsa si ne, de wɔ nwo e! Sɛ Nyameɛ Awa ne ole wɔ a, fi mmeamudua ne aso dwu ase!”

Mateo 27:43

Ɔfale ye nwo tole Nyameɛ so; sɛ okuro ye dwirɛ a, maa ɔpepɛ ole ye e; ofikyɛ ɔhane kyɛ, ‘Me ole Nyameɛ Awa ne!’ ”

Mateo 27:54

Na asraafoɛ ɛyaa so panyi ne bɛ bɔ bɛboka ye so, bɔ bɛwɛne Yesu ne, benwuni aseɛwosolɛ ne ne nningyein bɔ osisili nen, besurole paa, na bɛhane kyɛ, “Amba, Nyameɛ Awa ne ɛhe!”

Mateo 4:3

Na bɔ oso mmenia nea ne wale ye berɛ oosele ye kyɛ, “Sɛ wɔ ole Nyameɛ Awa ne a, hyɛ nyɔboɛ hemɔ ma paanoo.”

Marko 14:61

Nakoso Yesu yɛle dinn, na wammua ye nwo bie. Na ɔsɔfo panyi paa ne sa bisale ye kyɛ, “Wɔ ole Kristo ne, Bɔ Wanya Saleɛ n’Awa ne anaa?”

Yohane 1:34

Me bɔbɔ manwu ye, na medi adanzeɛ kyɛ ye ole Nyameɛ Awa ne.”

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 10:24

Yeɛ Yudafoɛ nemɔ bɛɛpɛle ye nwo beyiale, na bebisale ye kyɛ, “Ɛkɔmaa yɛkɔnwondɛ yɛkoodwu kyinzu? Sɛ wɔ ole Kristo ne a, kã ye pefee kyire yɛ.”

Yohane 10:30

Me ne Baba ne yɛte ko.”

Yohane 10:36

né nzu ati yeɛ bɔ Baba ne ayɛ ye krongron, ná wasoma ye maa wawa wiase ne, ɛmɔkã ye nwo dwirɛ kyɛ, ‘Ahã musue dwirɛ,’ ofikyɛ ngane kyɛ, ‘Nyameɛ Awa ne ole me?’

Yohane 18:37

Yeɛ Pilato bisale ye kyɛ, “Yiti ɛte ɛhene ɛne?” Na Yesu buale kyɛ, “Wɔ yeɛ ɛkã kyɛ nde ɛhene ɔ. Me de, ɛhe ati yeɛ bɛwole me ɔ, na ɛhe ati yeɛ mawa wiase ɔ, kyɛ mebaali nahorɛ ne nwo adanzeɛ. Na ebiala bɔ ofi nahorɛ ne anu ne, otie me dwirɛ.”

Yohane 19:7

Yeɛ Yudafoɛ nemɔ buale ye kyɛ, “Yɛ de, yɛle mmeraa, na yɛ mmeraa ne kyire kyɛ ɔsɛ kyɛ owu ɔ, ofikyɛ ɔyɛle ye nwo Nyameɛ Awa ne.”

Yohane 19:9

Osa wurale amrado aluo berɛ, na obisale Yesu kyɛ, “Efi nisua?” Nakoso Yesu amma ye mmuayɛɛ.

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 6:69

na yale yali, na yanwu ye kyɛ wɔ ole Nyameɛ ye Krongronniɛ ne.”

Yohane 8:25

Na bebisale ye kyɛ, “Nwa ole wɔ?” Yesu buale bɛ kyɛ, “Bɔ mvi ahyɛaseɛ ne nga ngyirele ɛmɔ ne ala.

2 Korintofoɛ 1:19

Ofikyɛ Nyameɛ Awa Yesu Kristo bɔ me ne Silwano ne Timoteo yɛhane ye nwo dwirɛ yɛhyirele ɛmɔ ne, ɔnga “Yoo” na wasa wahã “Daabi”; na mmom mmerɛ biala ɔma ye “Yoo” yɛ yoo.

1 Petro 2:23

Bɛpepɛle ye nzoaa nen, wangakyi wamma bɛ; mmerɛ bɔ né onwu amaneɛ nen, wannwunanwuna; na mmom ɔfale ye nwo wurale bɔ obua ndɛen turoloo ne sa.

1 Samuel 14:24

Yisraelfoɛ lili amia sɔ kyẽa ne, ofikyɛ Sɔɔlo tale ndaen guale koɛhonɛfoɛ nemɔ so kyɛ, “Ofi bekye bɔ ɔkwaadwu nɔsoa, kyɛ oodwu kyɛ ngɔtɔ me pɔfoɛ mɔ so wereɛ ne, ebiala bɔ okodidi ne, musue to ye.” Yiti koɛhonɛfoɛ nemɔ anu biala wamva aleɛ wanga ye noa.

1 Samuel 14:26

Bedwuli eburo berɛ nen, benwuni kyɛ woɛ pepe gua, nakoso ebiala amva bie wanga ye noa; ofikyɛ ndaen ne ati, né besuro.

1 Samuel 14:28

Na koɛhonɛfoɛ nemɔ anu ko sele kyɛ, “Wɔ baba tale ndaen guale koɛhonɛfoɛ nemɔ aso kyɛ, ‘Musue to sona biala bɔ okodidi ɛnɛ ɔ.’ Ye sɔ ne ati, ɛhɔen apɛ koɛhonɛfoɛ nemɔ.”