Mateo 26:61 - AHYERƐLƐ KRONGRON

⁶¹ na bɛhane kyɛ, “Sɔ akoaa he hane kyɛ, ‘Ngɔhora ngobubu Nyameɛ asɔneyɛɛ sua ne, ná mafa ɛlɛsa masi.’ ”

Mateo 26:61 Iomraidhean Croise

Gyenesise 19:9

Nakoso besele ye kyɛ, “Dwɔso berɛ kɔ dɔ!” Na besa bɛhane kyɛ, “Sɔ akoaa he te amanvraniɛ yeɛ waatena wa ɔ, nakoso wayɛ ye nwo ndɛenbualɛniɛ! Bɔ yɛkɔfa yɛkɔyɔ wɔ ne, ɔkɔtra bɛ deɛ ne!” Afei bɛhɔle Lɔto so, na bɛhɔle anoa ne anwo kyɛ bɛkwaatu ye bo.

1 Ahemvo 22:27

Na kã kyire bɛ kyɛ, ‘Nana nwa nyoo: Ɛ́mɔfa akoaa he bɛto kuku nu, na ɛmɔte ye aleɛ ne ye nzue so, kɔpem kyɛ ngofi koɛ ye noa ngosa ngɔwa asomdwee nu ɔ.’ ”

2 Ahemvo 9:11

Yehu sa wale ye mene ye safohene nemɔ anwo berɛ ne, bebisale ye kyɛ, “Nikyee biala te bɔkɔɔ de? Nzu ati yeɛ akoaa bɔnamvoɛ ne wale wɔ berɛ ɔ?” Yehu buale bɛ kyɛ, “Naa ɛmɔse sɔ biaa ne, ɔne kyɛbɔ osi kekã ye dwirɛ ɔ.”

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Mateo 12:24

Nakoso Farasiifoɛ nemɔ tele sɔ dwirɛ nen, bɛhane kyɛ, “Sɔ biaa he, sunzummɔne mɔ panyi Beɛsebul tumi yeɛ ɔfa tutu sunzummɔne mɔ ɔ.”

Mateo 26:62

Na ɔsɔfo panyi paa ne dwɔso gyinane sele Yesu kyɛ, “Engobua ye nwo bie? Nzikyɛ anwo yeɛ mmenia hemɔ bédi adanzeɛ bétia wɔ ye?”

Mateo 26:71

Na ofili berɛ hɔle ngurolo ne anu dɔ ne, afaneɛ foforɛ nwuni ye, na osele bɛ bɔ bɛwɔ berɛ ne kyɛ, “Akoaa he, né ye koso ɔne Yesu Nasarɛteniɛ ne yeɛ bɛnate ɔ.”

Mateo 27:40

kyɛ, “Wɔ bɔ edwiri asɔneyɛɛ sua ne gua, ná ɛfa ɛlɛsa si ne, de wɔ nwo e! Sɛ Nyameɛ Awa ne ole wɔ a, fi mmeamudua ne aso dwu ase!”

Mateo 27:5

Na ɔtole ɛdwetɛ ne guale asɔneyɛɛ sua ne anu berɛ, ofili berɛ hɔle, na ɔɔbɔle ye kɔme.

Marko 14:58

“Yɛtele kyɛ ɔka kyɛ, ‘Ngobubu asɔneyɛɛ sua he bɔ bafa asaa yeɛ basi ne, na ngɔfa ɛlɛsa ngosi foforɛ bɔ nna asaa yeɛ bɛfa besili ɔ.’ ”

Marko 15:29

Na bɛ bɔ bɛɛpɛle nu berɛ ne, bɛwosole bɛ ti bɛkekane dwirɛ betiale ye kyɛ, “Eh, wɔ bɔ ebubu asɔneyɛɛ sua ne gua, ná ɛfa ɛlɛsa si ne!

Luka 23:2

Na bɛhyɛle ye bo bɛbɔle ye kwaadu kyɛ, “Akoaa he, yɛhyele ye kyɛ ɔbɔ yɛ maen ne anwo tokuro, na ɔbera mmenia kyɛ nnɛmaa betua toɔ bɛma Kaesare; afei koso, ɔnwa ye ala ole Ɛhene Kristo ne.”

Yohane 9:29

Yɛse kyɛ Nyameɛ dwudwo hyirele Mose, nakoso sɔ biaa he de, yɛnze nekaa bɔ ofi ɔ!”

Asomafoɛ 17:18

Na nwomanimfoɛ fekue nyɔ bie bɔ bɛfrɛ bɛ Epikurofoɛ ne Setokifoɛ koso ne ye suli aporowaa. Ebiemɔ hane kyɛ, “Akoaa he bɔ ɔnze hwee ye, nzu yeɛ okyire ye?” Na biemɔ koso hane kyɛ, “Osoma kyɛ ɔ́ka mmosoen ɛwɔfoɛ biemɔ nwo dwirɛ.” Bɛhane sɔ, ɔnate kyɛ né Pɔɔlo ka Yesu ne ewutingyelɛ nwo dwirɛ.

Asomafoɛ 18:13

Na besele Galio kyɛ, “Sɔ biaa he afa atee bɔ otia Yudafoɛ mmeraa so ɔma mmenia sɔne Nyameɛ.”

Asomafoɛ 22:22

Ɛlɔen ne tiele Pɔɔlo tonn maa oodwuli edwirɛ he aso, na afei bɛteateane nu kyɛ, “Behu sɔ akoaa he befi aseɛ ye aso! Ɔnate kyɛ ɔmvata kyɛ ɔtena ase ɔ.”