Mateo 26:55 - AHYERƐLƐ KRONGRON

⁵⁵ Na sɔ mmerɛ ne anu ala, Yesu sele ɛlɔen ne kyɛ, “Yiti ngrandɛ ne mmopura yeɛ ɛmɔfa bɛbakye me ɔ, kyɛ awerɔm awueniɛ bɔ ɛmɔba ye so ɔ? Ndenane asɔneyɛɛ sua ne anu nyɛle ngyerɛkyerɛ daa biala, nakoso ɛmɔangye me.

Mateo 26:55 Iomraidhean Croise

Mateo 21:23

Yesu wurale asɔneyɛɛ sua ne anu, na ogu so ɔyɛ ngyerɛkyerɛ nen, asɔfo mbanyi ne maen mbanyi bɛwale ye berɛ beebisale ye kyɛ, “Tumi beni yeɛ egyi so bɔ ɛyɔ sɔ nningyein hemɔ ye? Na nwa yeɛ ɔmane wɔ sɔ tumi ne ɔ?”

Mateo 26:47

Na Yesu gu so bɔ odwudwo nen, Yudase bɔ ɔte asuafoɛ buru ne nyɔ nemɔ anu ko ne, ɔwale. Na né ɛlɔen bɔ betiratira ngrandɛ ne mmopura, bɔ befi asɔfo mbanyi ne maen mbanyi mɔ berɛ ɔ bɛboka ye so.

Marko 10:1

Afei Yesu fili berɛ hɔle Yudea manzini nu ne asue Yɔɔdan si dɔ; mmenia birikabirika wale ye berɛ bieku, na kyɛbɔ né ɔtaa yɔ ne, ɔyɛle ngyerɛkyerɛ hyirele bɛ bieku.

Marko 12:35

Mmerɛ bɔ né Yesu ɔyɛ ngyerɛkyerɛ wɔ asɔneyɛɛ sua ne anu ne, obisale kyɛ, “Ɔyɛle sɛɛ bɔ ahyerɛlɛfoɛ nemɔ bɛnwa Kristo ne te Dawide awa ɔ?

Luka 19:47

Na daa biala ɔyɛle ngyerɛkyerɛ wɔ asɔneyɛɛ sua ne anu. Né asɔfo mbanyi, ahyerɛlɛfoɛ ne maen mbanyi bɛpena kyɛ ahaa beku ye ɔ,

Luka 20:1

Na ɔwale kyɛ ɛlɛho bie, bɔ né Yesu ɔyɛ ngyerɛkyerɛ kyire mmenia wɔ asɔneyɛɛ sua ne anu, ná osa kã nzɛmba nen, asɔfo mbanyi ne ahyerɛlɛfoɛ ne maen mbanyi bɛwale ye berɛ,

Luka 4:20

Yesu bobɔle nwomaa ne, ɔfa mane somvoɛ ne, na ɔtenane ase; na bɛ bɔ bɛwɔ nyianu sua nu berɛ amukoraa betuli bɛ nye beguale ye so.

Yohane 7:14

Na bedwuli aluoluelilɛ n’afia nen, Yesu hɔle asɔneyɛɛ sua ne anu ɔɔyɛle ngyerɛkyerɛ.

Yohane 7:28

Na Yesu gu so bɔ ɔyɛ ngyerɛkyerɛ wɔ asɔneyɛɛ sua ne anu nen, ɔteane nu hane kyɛ, “Ɛmɔse me, yeɛ ɛmɔse nekaa bɔ mvi ɔ. Nakoso nna me bɔbɔ me tumi so yeɛ mva mmale ɔ; na bɔ ɔsomane me ne te nahorɛniɛ, na ɛmɔnze ye.

Yohane 8:2

Na aleɛ hyene ngyerɛmɔ tutututu ne, osa wale asɔneyɛɛ sua nu berɛ, na ɛlɔen ne amukoraa bɛwale ye berɛ, na ɔtenane ase yɛle ngyerɛkyerɛ hyirele bɛ.

Yohane 8:20

Mmerɛ bɔ né ɔyɛ ngyerɛkyerɛ wɔ asɔneyɛɛ sua ne anu, wɔ nekaa bɔ fotoɛ alaka nemɔ begyigyi ne yeɛ ɔhane sɔ dwirɛ nemɔ ɔ; nakoso ebiala angye ye, ofikyɛ né ye mmerɛ ne onnya oddwuli.