Mateo 26:53 - AHYERƐLƐ KRONGRON

⁵³ Ɛdwene kyɛ mengɔhora ngɔsrɛ me Baba maa ɔngɔsoma abɔfo asafokure bɔ bɛbo buru ne nyɔ kekesaala ye maa bɛngɔɔboka me anaa?

Mateo 26:53 Iomraidhean Croise

2 Ahemvo 6:17

Yeɛ Elisa bɔle mbaeɛ kyɛ, “Ao AWURADE, mesrɛ wɔ, te ye nye maa onwu nikye bɔ ɔkɔ so ɔ.” Yiti AWURADE tele somvoɛ ne nye. Na onwuni kyɛ mbɔngɔ ne see teaseɛnam mɔ bayɛ mitimiti wɔ bokaa ne aso bapɛ Elisa nwo amukoraa bayia ɔ.

Daniel 7:10

See bɔ ɔsẽ kyɛ asue ɔ opu wale, opu fili ye nyunu berɛ wale, apee apee sole ye, yeɛ apee buru apee buru buburugyaa gyinagyinane ye nyunu; ndɛenbualɛ badwa ne tenane ase, na bebukyebukyele nwomaa nemɔ anu.

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Mateo 4:11

Yeɛ abɔnzam yakyili ye berɛ, na yieee, abɔfo mɔ wale bɛɛsole ye.

Marko 5:15

Bɛɛtole Yesu berɛ, na benwuni biaa bɔ mmerɛ bie né sunzummɔne wɔ ye so ne, bɔ ye dumaa li Ɛlɔen ne, kyɛ ɔte berɛ ɔ, kyɛ owura ataadeɛ, ná ye adwene wɔ berɛ ɔ, na besurole.

Marko 5:9

Afei Yesu bisale ye kyɛ, “Wɔ dumaa li sɛɛ?” Na obuale kyɛ, “Me dumaa li Ɛlɔen, ofikyɛ yɛsone.”

Luka 8:30

Na Yesu bisale ye kyɛ, “Wɔ dumaa li sɛɛ?” Na obuale kyɛ, ‘Ɛlɔen’; ofikyɛ né sunzummɔne pee bɛwɔ ye nu.

Yohane 10:18

Ebie nne mvi me sa nu, na mmom me bɔbɔ yeɛ mefa meto berɛ ɔ. Ye nwo tumi wura me sa kyɛ mefa meto berɛ ɔ, yeɛ ye nwo tumi wura me sa kyɛ mesa mefa ye bieku ɔ; na ahyɛdeɛ he yeɛ nya mvili me Baba berɛ ɔ.”

Yohane 18:36

Yesu buale kyɛ, “M’ahennie ne, offi wiase wa. Sɛ m’ahennie ne ofi wiase wa a, ahaa m’asomvoɛ mɔ bɛkɔho, bɔ ɔnate so bɛngɔfa me bengowura Yudafoɛ mɔ sa ɔ; nakoso m’ahennie ne offi wiase wa.”

2 Tɛsalonika 1:7

ná ɔkɔma ɛmɔ bɔ ɛmɔwɔ amaneɛ nu ne, ɛmɔ ne yɛ yɛkonya nwomelelɛ, kyẽa bɔ bɛkɔla Awurade Yesu ne ye abɔfoɛ anwoserɛfoɛ ali bekofi nyameɛso, wɔ see wuronyiwuronyi nu ne,

Yuda 1:14

Na sɔ mmenia nemɔ yeɛ Henɔke, bɔ ɔte aworɛ ndoatoasoɛ nzoo fi Adam so ne, ɔhyɛle ngɔm fale bɛ nwo kyɛ, “Tie, Awurade ne ye anwoteefoɛ apee apee bɛ́ba;