Mateo 26:41 - AHYERƐLƐ KRONGRON

⁴¹ Ɛ́mɔwɛne ná ɛ́mɔbɔ mbaeɛ, ná ɛmɔangɔ nzɔhwɛ nu. Sunzum ne kuro de, nakoso anwoɔnaen ne yɛ mmerɛ.”

Mateo 26:41 Iomraidhean Croise

Edwein 119:1

Bɛ bɔ bɛ bra te sannwuu, ná bedi AWURADE mmeraa so ne, benya saleɛ.

Edwein 119:115

Bɔnefoɛ, ɛ́mɔfi me so bɛhɔ maa nni me Nyameɛ mmeraa dwirɛ ne aso.

Edwein 119:117

Sɔ me nu ma nya me ti nnidi nu, na daa biala ngoli w’ahyɛdeɛ ne aso.

Edwein 119:32

Ngɔfa wɔ mmeraa dwirɛ atee ne aso wɔ anwokekanɛ nu, ofikyɛ ɛtrɛ me nimdeɛ nu.

Mateo 24:42

Yiti ɛ́mɔwɛne, ofikyɛ ɛmɔnze kyẽa horɛ bɔ ɛmɔ Awurade kɔwa ɔ.

Mateo 25:13

“Yiti ɛ́mɔwɛne, ɔnate kyɛ ɛmɔnze kyẽa ne anaa dɔnhwere ne [bɔ Sona Awa ne kɔwa ɔ.]”

Mateo 26:38

Afei osele bɛ kyɛ, “Me kra wora abɔ paa kɔ ewue nu. Ɛmɔtena wa, ná ɛmɔ ne me wɛne.”

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Marko 14:38

Ɛ́mɔwɛne ná ɛ́mɔbɔ mbaeɛ, ná ɛmɔangɔ nzɔhwɛ nu. Sunzum ne kuro de, nakoso anwoɔnaen ne yɛ mmerɛ.”

Luka 11:4

ná fa yɛ bɔne kyɛ yɛ, ofikyɛ yɛ koso yɛfa ebiala bɔ ɔfõ yɛ ɔ ye deɛ yɛkyɛ ye. Na nnɛfa yɛ kɔ nzɔhwɛ nu.’ ”

Luka 21:36

Yiti ɛmɔwɛne ná ɛ́mɔbɔ mbaeɛ daa, amaa ɛmɔanya anwoserɛ bafa banwati bafi bɔ ɔbaasisi ne amukoraati nu, ná ɛmɔahora bagyina Sona Awa ne nyunu.”

Luka 22:40

Na odwuli berɛ nen, osele bɛ kyɛ, “Ɛ́mɔbɔ mbaeɛ ná ɛmɔangɔ nzɔhwɛ nu!”

Luka 22:46

Na osele bɛ kyɛ, “Nzu ati yeɛ ɛmɔdafe ye? Ɛ́mɔdwɔso bɛ́bɔ mbaeɛ ná ɛmɔangɔ nzɔhwɛ nu.”

Luka 8:13

Nyɔbotaen so deɛ ne ole mmenia bɔ bɛte dwirɛ ne a, bede bɛto nu anigye so; nakoso bendira ndii, bede bedi mmerɛ kãa bie, na sɛ nzɔhwɛ mmerɛ ba a, bɛyakyi bɛ gyidie nu.

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

1 Korintofoɛ 10:13

Nzɔhwɛ biala nne berɛ bɔ wato ɛmɔ bɔ sona nnwuni bie le ɔ. Nakoso ɔnate kyɛ Nyameɛ di nahorɛ ne ati, ɔngɔma ate ngɔma nzɔhwɛ bɔ ɔbo ɛmɔ anwoserɛ so ngɔto ɛmɔ. Na mmom, okohyire ɛmɔ atee bɔ ɛmɔkɔfa so bekɔnwati bekofi nzɔhwɛ ne anu ɔ, amaa ɛmɔahora bagyina ye noa.

1 Korintofoɛ 16:13

Ɛmɔwɛne, ɛmɔgyina pindinn wɔ gyidie nu, ɛ́mɔma ɛmɔ ahone yɛ se, ná ɛ́mɔmia ɛmɔ nye.

1 Korintofoɛ 9:27

Na mmom mehyɛ me nipadua ne anyeborolɛ maa odi yealɛ, ama nzɛmba bɔ mekã mekyire amanvoɛ ye, me bɔbɔ mambɛ me nwo manhwere nu saleɛ.

Galatiafoɛ 5:24

Na bɛ bɔ bɛte Kristo Yesu deɛ ne, babɔ anwoɔnaen ne ne ye akɔnnɔ, ɔne bɔ ɔhyɛ anwoɔnaen ne aso mmeamudua nu.

Ɛfesofoɛ 6:18

Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.

2 Petro 2:9

né nzaade Awurade se atee bɔ ɔfa so ɔpepɛ de bɛ bɔ besuro ye ɔ fi nzɔhwɛ nu, ɔne kyɛbɔ ɔtwe bɛ bɔ bɛndengyɛ so ɔfa nwondɛ ndɛenbualɛ kyẽa ne ɔ,

Nyekyire 16:15

(“Tie! Méba kyɛ awueniɛ. Na sona bɔ ɔwɛne ná ɔnea ye ndaadeɛ so, ná wamva ye nwo wando so wannate ma bannwu ye nwo ne, onya saleɛ.”)

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.