Mateo 26:39 - AHYERƐLƐ KRONGRON

³⁹ Na ɔhɔle ye nyunu moa kãa nen, ɔfale ye nyunu butuli berɛ bɔle mbaeɛ kyɛ, “Me Baba, sɛ ɔkɔyɛ yee a, ma sɔ kulie he ofi me so hɔ! Nakoso nna bɔ mepena hɔ ɔ, na mmom bɔ ɛpena ɔ.”

Mateo 26:39 Iomraidhean Croise

Gyenesise 17:3

Afei Abram fale ye nyunu butuli berɛ, na Nyameɛ sele ye kyɛ,

2 Samuel 15:26

Nakoso sɛ ɔka kyɛ, ‘Ɛnzɔ me nye’ a, mepene so. Bɔ okuro biala, maa ɔfa yɛ me.”

1 Aberɛso Dwirɛ 21:16

Dawide mane ye ti so, na onwuni AWURADE abɔfo ne kyɛ ogyi nyameɛso ne aseɛ b’afia, bɔ watengyɛ ye ngrandɛ wɔ Yerusalem so ɔ. Na Dawide ne ye mbanyi mɔ bɔ baherahera ɛsɛen tena ɔ, bɛfale bɛ nyunu bebutubutuli berɛ.

Yesaya 50:5

AWURADE Nyameɛ abukye me so, manyɛ lɔen, yeɛ mangakyi me si mamma ye.

Yesaya 53:12

Yiti ngɔfa ye kyɛfa ngɔma ye wɔ atitirefoɛ nu, na ɔne anwoserɛfoɛ bɛkɔhyɛ koɛ nu nzesadeɛ ne, ofikyɛ ɔfale ye kra tole berɛ mane ewue, bɛhale ye bɛfrale mmeraatolɛfoɛ; nakoso ɔfale menni pee bɛ bɔne tole ye nwo so, na olili mmeraatolɛfoɛ bɛ ti dwirɛ mane bɛ.

Hesekiel 1:28

Na kyɛbɔ nyangondoen bɔ ɔwɔ munungum nu, wɔ kyẽa bɔ esue tɔ ɔ osi te ne, sɔ ala yeɛ ye nwo bɔ né wata hyireinn wabra wayia ne, ɔte ɔ. Ye sɛso ne, osoma AWURADE animnyam ne. Na nwuni ye ne, mvale me nyunu mmutuli berɛ, na ndele bɔ odwudwo ne komvi.

Numeri 14:5

Yeɛ Mose ne Aarɔn fale bɛ nyunu bebutubutuli ase wɔ Yisrael maen amukoraa bɔ babɔ dwaa ne nyunu.

Numeri 16:22

Na Mose ne Aarɔn fale bɛ nyunu bebutubutuli ase, na besele kyɛ, “O Nyameɛ, anwoɔnaen amukoraa bɛ sunzum Nyameɛ, aso sona ko yɔ bɔne maa ɔnate so ɛfɛ maen ne amukoraa so yaa anaa?”

Mateo 20:22

Nakoso Yesu buale kyɛ, “Ɛmɔnze bɔ ɛmɔbisa ɔ. Kulie bɔ mebaano (ye noa) ne, aso ɛmɔkɔhora bɛkɔno anaa? [Yeɛ, asubɔlɛ bɔ bɛbaafa bɛbɔ me ne, ɛmɔkɔhora maa bɛkɔfa ebie bɛkɔbɔ ɛmɔ anaa?”] Na bebuale ye kyɛ, “Yɛkɔhora.”

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Mateo 26:42

Osa hɔle ye pɛen nyɔ so ɔɔbɔle mbaeɛ kyɛ, “Me Baba, sɛ sɔ kulie he ngɔhora ngofi me so ngɔhɔ, ná sana meno a, ye de, bɔ ekuro yeɛ ɔyɛ berɛ ɔ.”

Marko 13:22

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mɔ, na sɛ ɔkɔyɛ yee a, bɛkɔlakalaka bɛ bɔ Nyameɛ aneanea nu waye bɛ ne po.

Luka 17:16

na ɔfale ye nyunu butuli ase wɔ Yesu gya bo lale ye ase. Né ye de, ɔte Samarianiɛ.

Yohane 11:41

Yiti bɛyele nyɔboɛ ne. Na Yesu neane anwuro hane kyɛ, “Baba, meda wɔ ase kyɛ atie me ɔ.

Yohane 14:31

Nakoso kyɛbɔ Baba ne fale ahyɛdeɛ mane me ne, sɔ ala yeɛ meyɔ ɔ, amaa ɔnate so ewiase anwu kyɛ mekuro Baba ne dwirɛ. Ɛ́mɔdwɔso, ɛ́mɔma yɛfi wa yɛhɔ!”

Yohane 18:11

Na Yesu sele Petro kyɛ, “Fa wɔ ngrandɛ ne wura ye bɔha ne anu! Kulie bɔ me Baba afa ama me ne, aso onni kyɛ meno anaa?”

Yohane 5:19

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, Baa ne bɔbɔ ngora nyɔ hwee, sana bɔ onwu Baba ne kyɛ ɔyɔ ɔ; ofikyɛ nikyee biala bɔ ɔyɔ ne, ebie ala yeɛ Baa ne koso ɔyɔ ɔ.

Yohane 5:30

“Me de, mengora memva me tumi menyɔ hwee; kyɛbɔ mete ne, yeɛ mebua ndɛen ɔ, na me ndɛenbualɛ te turoloo. Ɔnate kyɛ nna me bɔbɔ m’apɛdeɛ yeɛ mepena ɔ, na mmom bɔ ɔsomane me n’apɛdeɛ.

Yohane 6:38

Ɔnate kyɛ mvi nyameɛso mawa ase, nna kyɛ mebaayɔ me bɔbɔ m’apɛdeɛ, na mmom bɔ ɔsomane me n’apɛdeɛ.

Asomafoɛ 10:25

Na mmerɛ bɔ Petro yɛle kyɛ owura awuro ne anu ne, Kɔneleo hɔle ooyiale ye, na ɔtole ye nwo yele ye gya bo sɔnene ye.

Filipifoɛ 2:8

Benwuni ye kyɛbɔ kuro sona osi soma ɔ, ɔbrɛle ye nwo ase, na ɔyɛle asoɛmmerɛlɛ fa hɔle ewue nu, mmeamudua ne aso wue nu po.

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”