Mateo 26:31 - AHYERƐLƐ KRONGRON

³¹ Yeɛ Yesu sele bɛ kyɛ, “Me nwo kɔyɛ sundidua kɔma ɛmɔ amukoraa ɛnɛ kɔngɔen ye, ofikyɛ bahyerɛ ye kyɛ, ‘Ngopura mmoaenneafoɛ ne, na mmoaen bɔ bɛwɔ kure ne anu ne, bɛkɔbɔ aya.’

Mateo 26:31 Iomraidhean Croise

Edwein 38:11

M’adɔfo mɔ ne me mmango mɔ, baye bɛ nye wɔ amaneɛnwunɛ ne anwo, na m’abusuafoɛ mɔ bahwe bɛ nwo baagyina dedeede.

Edwein 69:20

Alapaa ama me wora abɔ, maa ɔnate so wabɔ me anwonyerɛ. Ahaa mepena sona bɔ ɔkɔdodo me ɔ, nakoso mbaen ɔ; yeɛ ahaa mepena aworakyekyerɛfoɛ, nakoso mannya ko po.

Edwein 88:18

Ama m’adɔfo mɔ ne me damvo mɔ bapo me; na awosii yeɛ ɔte mmiɛngo ɔ.

Yesaya 53:10

Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.

Awuye 1:19

“Mvrɛfrɛle bɛ bɔ mekuro bɛ nemɔ, nakoso bɛlakalakale me. M’asɔfo ne me mbanyi mɔ, bɛtotɔle wɔ kuro ne anu, mmerɛ bɔ né bɛpena bɛ noa aleɛ ma bɛ kra mɔ nwo tɔ bɛ ne.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Mateo 11:6

Na sona bɔ nnde sundidua mma ye ne, wanya saleɛ.”

Mateo 26:24

Sona Awa ne ɔ́kɔ kyɛbɔ bahyerɛ bafa ye nwo ne, nakoso kuro sona bɔ ɔkɔye Sona Awa ne kɔma ne de, ye yaakɔ! Sɛ banwo sɔ sona ne po a, ahaa ɔte paa ma ye!”

Mateo 26:56

Na ɛhe amukoraa asi, amaa ɔnate so bɔ ngɔmhyɛlɛfoɛ nemɔ bahã ye wɔ Ahyerɛlɛ ne anu ne wawa nu.” Yeɛ asuafoɛ nemɔ amukoraati bɛyakyili ye berɛ bɛnwatili.

Yohane 16:32

Ɛ́mɔtie, mmerɛ ne ɔ́ba, na wanya wawa, bɔ ɛmɔkɔbɔ aya, bɔ ebiala kɔhɔ ye kuro ɔ, na ɛmɔkɔyakyi me ngome nu; nakoso ɔhhale me ngome, ofikyɛ Baba ne boka me so.