Mateo 26:3 - AHYERƐLƐ KRONGRON

³ Yeɛ asɔfo mbanyi ne maen mbanyi beeyiale ɔsɔfo panyi paa bɔ bɛfrɛ ye Kaifa n’ahemvie,

Mateo 26:3 Iomraidhean Croise

Edwein 56:6

Bɛboa bɛ noa, bɛtetɛ me; beli me mvanvando, na bɛpena me ne ewue.

Yeremia 11:19

Nakoso né nde kyɛ boaen akrɔngrɔma brɛfo bɔ bɛ́fa ye bɛ́kɔ akumyɛɛ ɔ. Na né menze kyɛ babɔ me ti so porɛ kyɛ, “Ɛ́mɔma yɛsɛkye bakaa ne, ɔne ye mma ne, ɛ́mɔma yɛ́bu ye yɛ́fi ateasefoɛ aseɛ so, amaa ɔnate so bangaye ye dumaa ko!”

Yeremia 17:27

Nakoso sɛ ɛmɔandie me dwirɛ, ná ɛmɔanzie afofikyẽa ne krongron, ná mmom sɛ ɛmɔsoa nningyein bɛfa Yerusalem pambim nemɔ anu afofikyẽa a, ye de ngɔto ye pambim nemɔ anu see, na ɔkɔyera Yerusalem ahemvie mɔ bɔ see ne ngonua ɔ.’ ”

Mateo 26:69

Na Petro de, né ɔte aluo berɛ. Na afaneɛ bie wale ye nwo berɛ oosele ye kyɛ, “Wɔ koso, né ɛne Yesu Galileaniɛ ne yeɛ bɛnate ɔ.”

Mateo 27:27

Yeɛ amrado n’asraafoɛ fale Yesu bɛhɔle amrado n’aluo berɛ, na bɛmane asraafoɛ ne amukoraa bɛpɛle ye nwo kango.

Marko 14:54

Na Petro lili ye si wɔ nziɛ nziɛ oodwuli ɔsɔfo panyi paa n’aluo berɛ, na ɔne asomvoɛ nemɔ bɛtenane berɛ kyɛ ɔto see.

Marko 14:66

Né Petro wɔ aseɛnwo dɔ, wɔ aluo berɛ, na ɔsɔfo panyi paa n’afaneɛ nemɔ nu ko wale berɛ.

Marko 15:16

Asraafoɛ nemɔ fale ye bɛhɔle ahemvie berɛ, nekaa bɔ bɛfrɛ berɛ Amrado aluo ne; na bɛfrɛle asraafoɛ kure ne amukoraa maa beeyiale.

Luka 22:55

Behuane see wɔ aluo berɛ bɛtenane ye nwo, na Petro ɔɔtenane bɛ nwo berɛ bie.

Luka 3:2

Na mmerɛ bɔ né Anase ne Kaifa yeɛ bɛte asɔfo mbanyi paa ne, Nyameɛ lale ye dwirɛ ali hyirele Sakaria awa Yohane wɔ ɛserɛ so.

Yohane 11:57

Né asɔfo mbanyi ne Farasiifoɛ nemɔ bahyɛ mmeraa kyɛ, sɛ ebie se nekaa bɔ ɔwɔ a, ohyire bɛ ma bɛɛhye ye.

Yohane 18:24

Yeɛ Anase maa bɛfale nyamaa bɛkyekyele ye bɛfale ye bɛɛmane ɔsɔfo panyi paa Kaifa.

Yohane 18:28

Yeɛ bɛfale Yesu befili Kaifa berɛ bɛhɔle amrado n’aluo berɛ; na né ɔte ngyerɛmɔ tutuutu. Nakoso bɛ bɔbɔ de, bangɔ amrado n’aluo berɛ bie, kyɛbɔ ɔkɔyɛ bɔ bɛ nwo ngogua fiɛ, ná bahora bali Abɔtra (aleɛ) ne ɔ.