Mateo 26:27 - AHYERƐLƐ KRONGRON

²⁷ Yeɛ ɔfale kulie, ɔlale ase, ɔfa mane bɛ, na ɔhane kyɛ, “Ɛmɔ amukoraa bɛ́no bie;

Mateo 26:27 Iomraidhean Croise

Edwein 116:13

Ngɔma ngoalelɛ kulie ne aso, ná mabɔ AWURADE dumaa masɔne ye.

Edwein Nu Dwein 5:1

Nniɛma brasua, m’atɔmvorɛ braa, mawa me turo ne anu, méboaboa me korobo ne m’ayirefona ne noa, médi me woɛ bɔ ɔwɔ ye nzasameɛ nu ɔne me woɛ ne, méno me nzaa ne me nyɔfonesue ne. Me mmango mɔ, ɛ́mɔdidi ná ɛ́mɔno, adɔfo mɔ, ɛ́mɔno ma ɛmɔ ko yi.

Edwein Nu Dwein 7:9

na wɔ noa nwo felɛ te kyɛ bobe nzaa paa bɔ ɔfa bɛ komvi yɔɔ, bɔ ɔnate bɛ noa ne bɛ gye so yɔɔ ɔ.

Yesaya 25:6

Bokaa he aso yeɛ Asafo AWURADE kɔto poen kɔma maen amukoraa ɔ: Ɔkɔma bɛ aleɛ paa, nzaa paa, naen bɔ bowue nu fonyi wɔ nu, yeɛ nzaa bɔ basongyi so ɔ.

Yesaya 55:1

“Huuu, ɛmɔ bɔ nzuhɔen ku ɛmɔ ee, ɛmɔbra nzue ne anwo oo; ɛmɔ bɔ ɛmɔlle sikaa po ne, ɛmɔbra bɛɛtɔ ná beli oo! Ɛmɔbra bɛɛtɔ nzaa ne nyɔfonesue bɔ ɛmɔngɔfa sikaa yeɛ bɛkɔtɔ ɔ, bɔ nyɔboɛ biala ɔlla so ɔ.

Mateo 15:36

Afei ɔfale paanoo nzoo ne ne tiré ne, ɔlale ase, na obubuli nu, ɔfa mane ye asuafoɛ nemɔ, na asuafoɛ nemɔ koso bɛfa bɛmane ɛlɔen ne.

Mateo 26:26

Bɛwɔ so bɔ bedidi nen, Yesu fale paanoo, oyirale so, obubuli nu, ɔfa mane asuafoɛ nemɔ, na ɔhane kyɛ, “Ɛ́mɔle beli; ɛhe te me nwonaen.”

Mateo 26:28

ofikyɛ ɛhe yeɛ ɔte me mogya bɔ ogyi berɛ ma apam bɔ mmenia pee ti béhwie bégua bɛ́ma bɔnefakyɛ ɔ.

Luka 22:20

Sɔ ala yeɛ bedidili beyiele ne, ɔfale kulie, na ɔhane kyɛ, “Kulie he bɔ ɛmɔ ti béhwie bégua ye, ɔte apam foforɛ wɔ me mogya nu.

1 Korintofoɛ 10:16

Yɛda Awurade Adidie kulie bɔ bayira so ne nwo ase a, aso ongyire kyɛ yɛne Kristo mogya ne afa abiɛngoɛ anaa? Paanoo bɔ yɛbubu ne, aso ongyire kyɛ yɛne Kristo nipadua ne afa abiɛngoɛ anaa?

1 Korintofoɛ 11:28

Yiti sɛ ebiala ɔbaali paanoo ne bie, ná ɔno kulie ne noa bie a, maa ɔpɛnzɛpɛnzɛ ye nu ɔnea koraka.