Mateo 26:15 - AHYERƐLƐ KRONGRON

¹⁵ oobisale kyɛ, “Sɛ meye ye mema ɛmɔ a, nzikyɛ yeɛ ɛmɔkɔfa bɛkɔma me ɔ?” Na bɛhale ɛdwetɛ aburasa bɛfa bɛmane ye.

Mateo 26:15 Iomraidhean Croise

Gyenesise 38:16

Yiti ɔhɔle ye nwo berɛ wɔ atee ne anoa, na osele ye kyɛ, “Maa me ne wɔ yɛɛla,” ofikyɛ né ɔnze kyɛ ye sia ne ahɔ ɔ. Tamar bisale ye kyɛ “Sɛ ɛne me da a, nzikyɛ yeɛ ɛkɔfa kɔma me ɔ?”

Ɛksadɔso 21:32

Sɛ nandwie ne si kanganiɛ bienzua anaa brasua a, odi kyɛ nandwie mene ne tua ɛdwetɛ sekel aburasa ma kanganiɛ ne mene; na nandwie ne koso, ɔsɛ kyɛ bɛboro ye nyɔboɛ beku ye.

Yesaya 56:11

Amba, bɛte ngyea adifuu, na bɛnze ahoyire. Bɛte mmoaenneafoɛ bɔ nimdeɛ abɔ bɛ ɔ, bɛ mukoraa bali makyebu baafa bɛ bɔbɔ b’atee so, na bɛ nu biala ɔdwene ye ngome ye yeeyɛlɛ nwo.

Lewitikɔso 27:4

Sɛ sona ne te brasua a, ye ti nyɔboɛ te sekel aburasa.

Mateo 10:4

Kanaanniɛ Simɔn, yeɛ Yudase Yiskariote bɔ ɔyele Yesu mane ne.

Mateo 26:16

Na ofi sɔ mmerɛ ne, ɔpenane atee bɔ ɔkɔfa so kɔye ye kɔma ɔ.

Asomafoɛ 1:18

(Sɔ Yudase ne, ɔfale sikaa bɔ onya fili ye amumuyɛɛ ne anu tɔle aseɛ, na ye kɔme ɔɔwɔle berɛ nen, ye ko pakyele, na ye nyaa mukoraa tu guale.

1 Timoteo 3:3

ɔnzɛ kyɛ ɔyɛ akɔnomnzaniɛ, ahupoo, na mmom ɔsɛ kyɛ odwo; ɔnzɛ kyɛ okuro ngondii, anaa ɔma ye nye boro sikaa.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.

Maenbulɛfoɛ 16:5

Filistifoɛ mbanyi hɔle braa ne berɛ beesele ye kyɛ, “Dɛfɛdɛfɛ ye ná pena nikye horɛ bɔ ɔmaa ye nwo yɛ se sɔa ne, ɔne atee bɔ yɛkɔfa so yɛkoli ye so ngonim, amaa ɔnate so yafa nyamaa yakyekye ye yabrɛ ye ase. Sɛ ɛyɔ sɔ ma yɛ a, yɛ nu biala kɔma wɔ ɛdwetɛ apee ko ɛyaa ko.”

Maenbulɛfoɛ 17:10

Yeɛ Mika sele ye kyɛ, “Tena m’awuro wa. Maa mva wɔ nyɛ me baba ne me sɔfo, na ngɔma wɔ ɛdwetɛ buru afoɛnoa biala, yeɛ ndaadeɛ ne wɔ noa aleɛ.”