Mateo 26:11 - AHYERƐLƐ KRONGRON

¹¹ Ɛmɔ ne ehiafoɛ wɔ berɛ daa, nakoso me de, nna ɛmɔ ne me yeɛ bɛwɔ berɛ daa ɔ.

Mateo 26:11 Iomraidhean Croise

Mateo 18:20

Ofikyɛ nekaa biala bɔ mmenia nyɔ anaa nza koyia nu me dumaa nu nen, né nwɔ b’afia wɔ berɛ.”

Mateo 26:10

Na Yesu nwuni ye sɔ nen, osele bɛ kyɛ, “Nzu ati yeɛ ɛmɔha braa ye ɔ? Bɔ wayɔ wama me ne, ɔte nikyee piri paa.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Marko 14:7

Ofikyɛ ɛmɔ ne ehiafoɛ wɔ berɛ daa, na mmerɛ biala bɔ ɛmɔkuro ne, ɛmɔkɔhora bɛkɔboka bɛ; nakoso me de, nna ɛmɔ ne me yeɛ bɛwɔ berɛ daa ɔ.

Yohane 12:8

Na ehiafoɛ de, ɛmɔ ne bɛ wɔ berɛ daa; nakoso me de, nna ɛmɔ ne me yeɛ bɛwɔ berɛ daa ɔ.”

Yohane 13:33

Me ngwadaammaa, mmerɛ kãa bie yeɛ waha bɔ me ne ɛmɔ yɛkɔtena ɔ. Ɛmɔkɔpena me, na kyɛbɔ nga ngyirele Yudafoɛ ne kyɛ, ‘Nekaa bɔ mekɔ ne, ɛmɔngɔhora berɛ bie ba’ nen, sɔ ala yeɛ mekã mekyire ɛmɔ koso kekesaala ye ɔ.

Yohane 14:19

Waha kãa bie né wiase nnwu me ko, nakoso ɛmɔ de, ɛmɔkonwu me; ɔnate kyɛ nde ase, na ɛmɔ koso ɛmɔkɔtena ase.

Yohane 16:28

Baba ne berɛ yeɛ mvi mmale wiase ɔ; na afei de, méfi wiase, na mékɔ Baba ne berɛ.”

Yohane 16:5

“Afei de, mékɔ bɔ ɔsomane me ne berɛ; nakoso ɛmɔ nu biala mmisa me kyɛ, ‘Nisua yeɛ ɛ́kɔ ɔ?’

Yohane 17:11

Afei de, nne wiase ko, nakoso ɛhemɔ de bɛwɔ wiase wa; na me de, méba wɔ berɛ. Baba Krongron, bɛ bɔ afa bɛ ama me ne, fa bɛ sie wɔ wɔ dumaa nu, amaa ɔnate so bayɛ ko, kyɛbɔ yɛte ko ne.

Asomafoɛ 3:21

bɔ ɔsɛ kyɛ nyameɛso ode ye kɔpem mmerɛ bɔ bɛkɔhyehyɛ nningyein bɔ Nyameɛ nate ye ngɔmhyɛlɛfoɛ krongron noa dwirɛ so, fi tetete hane ne amukoraa foforɛ ɔ.

Galatiafoɛ 2:10

Bɛsrɛle yɛ nikyee komapɛ, kyɛ yɛkaye ehiafoɛ; na né ɛhe te nikyee bɔ mekuro kyɛ meyɔ ɔ.

Deuteronomi 15:11

Ɔyɛ sɛɛ ala a, mmenia bɔ bɛyɛ anwumvo ɔ ngɔpa aseɛ ne aso. Yiti méhyɛ wɔ kyɛ, eliɛngo bɔ ɔte ehianiɛ, bɔ ɔyɛ anwumvo wɔ w’aseɛ ne aso ne, ma wɔ sa so ye so.

1 Yohane 3:17

Nakoso sɛ ebie le wiase anwonyadeɛ, ná sɛ onwu kyɛ oliɛma nwo kyere ye, ná wannwu ye anwumvoin a, né Nyameɛ dɔ ne te ye nu sɛ?