Mateo 26:10 - AHYERƐLƐ KRONGRON

¹⁰ Na Yesu nwuni ye sɔ nen, osele bɛ kyɛ, “Nzu ati yeɛ ɛmɔha braa ye ɔ? Bɔ wayɔ wama me ne, ɔte nikyee piri paa.

Mateo 26:10 Iomraidhean Croise

Nehemia 2:18

Ngane kyɛbɔ me Nyameɛ walo me wagyina me si, ɔne edwirɛ bɔ Nana Atasɛsɛse wahã wahyire mene ngyirele bɛ. Na bɛhane kyɛ, “Ɛ́mɔma yɛdwɔso yɛsi!” Yiti bɛfale bɛ nwo belele sɔ adwuma paa ne anu.

YOB NWOMAA NE 13:7

Aso Nyameɛ yeɛ ɛmɔgyi ye gya nu bɛka ngondombo dwirɛ ye? Ye yeɛ ɛmɔgyi ye gya nu bɛka nnakannaka dwirɛ ye?

Mateo 26:11

Ɛmɔ ne ehiafoɛ wɔ berɛ daa, nakoso me de, nna ɛmɔ ne me yeɛ bɛwɔ berɛ daa ɔ.

Mateo 26:9

Ahaa bɛkɔhora bɛkɔtɔne sakyeɛfona he nyɔboɛ serɛ, ná bafa sikaa ne bama ehiafoɛ!”

Marko 14:6

Nakoso Yesu sele kyɛ, “Ɛ́mɔyakyi ye! Nzu ati yeɛ ɛmɔha ye ɔ? Bɔ wayɔ wama me ne, ɔte nikyee piri paa.

Luka 8:49

Yesu noa wɔ so odwudwo nen, ɛbɔfoɛ bie fili nyianu sua nu panyi n’awuro wale oosele [ye] kyɛ, “Ɛwa brasua ne awu, nnɛha Kyerɛkyerɛniɛ ne ko.”

2 Korintofoɛ 9:8

Nyameɛ kora ma ɛmɔnya saleɛ amukoraa mmorosoɛ, amaa mmerɛ biala ɛmɔ sa ahã nikyee biala bɔ ɛmɔhia ɔ, na ɛmɔkonya ye mmorosoɛ na ɛmɔafa bie baboka adwuma paa.

Galatiafoɛ 1:7

Nakoso nzɛmba foforɛ biala nne berɛ; na mmom mmenia biemɔ wɔ berɛ bɔ bɛha ɛmɔ, bɔ bɛpena kyɛ bɛsesã Kristo nzɛmba ne ɔ.

Galatiafoɛ 5:12

Na sɛ ɔhale me ngome a, ahaa bɛ bɔ bɛsɛkye ɛmɔ adwene ne atutu bɛ bienzua bo bagua!

Galatiafoɛ 6:17

Ofi ɛnɛ bɔ ɔkɔ ɔ, nnɛma ebiala ha me; ofikyɛ manya Yesu etwa wɔ me nipadua nwo.

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Kolosefoɛ 1:10

Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.

2 Tɛsalonika 2:17

ɔ́kyekye ɛmɔ wora, ná ɔma ɛmɔ anwoserɛ wɔ edwirɛ ne adwuma paa mukoraa nu.

1 Timoteo 3:1

Edwirɛ nahorɛ ɛhe: Sɛ ebie kuro neafoɛ adwuma a, né wafa adwuma paa.

1 Timoteo 5:10

bɔ bedi ye ne ye nnwumaa paa nwo adanzeɛ: kyɛ watete mmaa, kyɛ waso ɛwɔfoɛ mɔ, kyɛ wanwunzi anwoteefoɛ gya bo, kyɛ waboka bɛ bɔ bɛwɔ anwokyere nu, ɔne kyɛ watu ye nwo wasie berɛ wama nnwumaa paa mukoraa ɔ.

2 Timoteo 2:21

Na sɛ sona te ye nwo fi bɔ bɛmva anidie bɛmma ye ne anwo a, ɔkɔyɛ nikyee bɔ bɛfa anidie bɛma ye ɔ, bɔ bate ye nwo, bɔ ye mene fa yɛ nikyee a ɔyɛ yé ɔ, ná wasiesie ye nwo wama adwuma paa biala.

Tito 1:16

Bekyire kyɛ bɛse Nyameɛ, nakoso bɛfa bɛ yɔleɛ bɛpo ye; bɛte akyiwadeɛyɔlɛ mmenia, asoserɛfoɛ, bɔ bɛngora bɛnyɔ nikye paa biala ɔ.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Tito 3:1

Kaye bɛ ma bɛbrɛ bɛ nwo ase bɛma maen mbanyi ne bɛ bɔ tumi wura bɛ sa ɔ, kyɛ bɛyɛ sotie, ná bésiesie bɛ nwo bɛ́ma nnwumaa paa biala;

Tito 3:14

Ma yɛ mmenia besua nnwumaa paa nwo mmɔdenbɔlɛ, ná bɛ́fa bɛ́boka bɛ bɔ behia mmokalɛ paa ɔ; na mmom ɔnzɛ kyɛ bɛyɛ foen bɔ mvasoɛ nne bɛ so ɔ.

Tito 3:8

Ɛhe te edwirɛ nahorɛ, na mekuro kyɛ esi edwirɛ hemɔ so paa, amaa ɔnate so bɛ bɔ bale Nyameɛ bali ne badwene kyɛbɔ bɛkɔbɔ nnwumaa paa nwo mmɔden ɔ. Sɔ nningyein nemɔ yeɛ ɔte paa ɔ, na mvasoɛ wɔ so ma sona.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.

1 Petro 2:12

Ɔwɔ nu kyɛ Amaenmaensofoɛ nemɔ bɛkekã ɛmɔ nwo dwirɛ kyɛ ɛmɔte bɔnefoɛ de, nakoso ɛ́mɔma ɛmɔ bra yɛ sannwuu wɔ bɛ nu, amaa banwu ɛmɔ bra paa ne, ná bahyɛ Nyameɛ animnyam wɔ kyẽa bɔ ɔkɔwa ne.