Mateo 25:6 - AHYERƐLƐ KRONGRON

⁶ “Na abunnamu yeɛ ebie teane nu kyɛ, ‘Ɛ́mɔtie, atɔmvorɛ biaa ne awa oo! Ɛmɔbra beeyia ye oo!’

Mateo 25:6 Iomraidhean Croise

Edwein 96:13

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, na ɔkɔfa ye nahorɛlilɛ yeɛ okobua maen maen mɔ ndɛen ɔ.

Edwein 98:9

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, yeɛ ɔkɔfa ye pɛpɛɛpɛyɛlɛ yeɛ okobua maen maen mɔ ndɛen ɔ.

Yesaya 25:9

Na sɔ kyẽa ne, mmenia kose kyɛ, “Ɛ́mɔnea, yɛ Nyameɛ bɔ yɛ nye la ye so kyɛ okole yɛ ne, ye ɛhe! AWURADE bɔ yafa yɛ nye yato ye so ne, ye ɛne. Ɛ́mɔma yɛ nye gye, ná yɛli ahurusi wɔ ye ngoalelɛ ne anu.”

Amose 4:12

“Ao Yisrael, yiti bɔ ngɔfa ngɔyɔ wɔ ɛhe; ao Yisrael, ɔnate kyɛ ngɔfa ɛhe ngɔyɔ wɔ ne ati, boaboa wɔ nwo koyia wɔ Nyameɛ.”

Mateo 24:31

Na ɔkɔsoma ye abɔfo mɔ maa bɛkɔfa totorobɛndohulɛ akomvi piri bɛkɔwa, na bɛkɔboaboa bɛ bɔ waneanea nu waye bɛ nemɔ noa bekofi mvrama nna nemɔ anu, kofi anwuro noa koodwu ye noa.

Mateo 24:44

Yiti ɛmɔ koso, ɛ́mɔboaboa ɛmɔ nwo bésie, ɔnate kyɛ mmerɛ bɔ ɛmɔnzusu ɔ nu yeɛ Sona Awa ne kɔwa ɔ.

Mateo 25:1

“Afei nyameɛso ahennie ne, yɛkɔfa yɛkɔto mmabunu buru biemɔ bɔ bɛfale bɛ nganea besili nu bɛhɔle kyɛ bɛkwaayia atɔmvorɛ biaa ne nwo.

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Mateo 25:5

Na ɔhyɛle bɔ né atɔmvorɛ biaa ne ɔmma ɔ, yiti bɛ mukoraa bɛ nye hone, na bɛlafelafele.

Mateo 25:7

Na sɔ mmabunu nemɔ amukoraa bedwɔsole, na bɛyɔle bɛ nganea nyamaa nemɔ yé.

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

Luka 12:46

ye de, sɔ akoaa ne mene kɔwa kyẽa bɔ okoofu ye nu ɔ, ɔne dɔnhwere bɔ ɔnze ɔ nu; na ɔkɔpepɛ akoaa ne nu ahuronzi ahuronzi, ná wamaa wanya asobrakyeɛfoɛ bɛ kyɛfa ne bie.

1 Tɛsalonikafoɛ 4:16

Ofikyɛ Awurade bɔbɔ kɔfa esebɔlɛ, abɔfo panyi komvi ne Nyameɛ totorobɛndo komvi kofi nyameɛso kodwu kɔwa, na Kristo nu awufoɛ bekoli moa bekodwɔso,

2 Petro 3:10

Nakoso Awurade kyẽa ne kɔwa kyɛ awueniɛ ba [kɔngɔen] ɔ. Na nu yeɛ anwuro kɔbɔ nu kurudududu serɛserɛ kotu komini. See kɔma ewienu abɔdeɛ mɔ kohuro, na aseɛ ne so nningyein amukoraa kɔyera.

Nyekyire 16:15

(“Tie! Méba kyɛ awueniɛ. Na sona bɔ ɔwɛne ná ɔnea ye ndaadeɛ so, ná wamva ye nwo wando so wannate ma bannwu ye nwo ne, onya saleɛ.”)