Mateo 25:42 - AHYERƐLƐ KRONGRON

⁴² Ofikyɛ ɛhɔen huni me, nakoso ɛmɔamma me nikyee ma manni; nzuhɔen huni me, nakoso ɛmɔamma me nzue ma manno;

Mateo 25:42 Iomraidhean Croise

Amose 6:6

ɛmɔ bɔ ɛmɔno nzaa awaa bɔ wayi to, bɔ ɛmɔfa sakyeɛfona paa bɛpopa, nakoso ɔmva ɛmɔ nwo kyɛ Yosef ɔbɔ ɔ!

Mateo 12:30

“Ebiala bɔ ɔbboka me so nen, né otia me; yeɛ ebiala bɔ ɔne me mmoaboa ye noa nen, né ɔsande nu.

Mateo 25:35

Ofikyɛ ɛhɔen huni me, na ɛmɔmane me nikyee maa nnili; nzuhɔen huni me, na ɛmɔmane me nzue maa nnone; nyɛle wɔfoɛ, na ɛmɔsikyele me ɛmɔ awuro;

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 25:43

nyɛle ɛwɔfoɛ, nakoso ɛmɔanzikye me ɛmɔ awuro; me nwo lale so, nakoso ɛmɔangera me tena; me nwo yɛle me yea, yeɛ ngɔnale kuku nu, nakoso ɛmɔammannea me.’

Mateo 4:2

Ɔhyele hɔen eleburanna, eyia ne kɔngɔen, na ɛhɔen huni ye.

Yohane 14:21

Na sona bɔ ole m’ahyɛdeɛ ná odi so nen, ye yeɛ okuro me dwirɛ ɔ; na bɔ okuro me dwirɛ nen, me Baba kohuro ye dwirɛ, ngohuro ye dwirɛ, na ngɔye me nwo ali ngohyire ye.”

Yohane 5:23

kyɛ mmenia amukoraa beli Baa ne ni, kyɛbɔ bedi Baba ne ni nen. Na ebiala bɔ onni Baa ne ni nen, onni Baba ne bɔ ɔsomane ye ne koso ni.

1 Korintofoɛ 16:22

Sɛ ebie nguro Awurade Yesu Kristo dwirɛ a, musue to ye! Y’Awurade bra! (Maranata).

2 Tɛsalonika 1:8

na ɔkɔtɔ bɛ bɔ bɛnze Nyameɛ, ɔne bɛ bɔ bayɛ y’Awurade Yesu Kristo nzɛmba ne nwo asoserɛ nemɔ so wereɛ.

1 Yohane 4:20

Na sɛ ebie kã kyɛ “Mekuro Nyameɛ dwirɛ”, nakoso ɔpɔ oliɛma a, né ɔte ngondomboniɛ, ofikyɛ sɛ ebie nguro oliɛma bɔ onwu ye ne dwirɛ a, ɔkɔyɛ sɛɛ ná wahora wahuro Nyameɛ bɔ onnwu ye ne dwirɛ?