Mateo 25:41 - AHYERƐLƐ KRONGRON

⁴¹ “Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 25:41 Iomraidhean Croise

Edwein 119:115

Bɔnefoɛ, ɛ́mɔfi me so bɛhɔ maa nni me Nyameɛ mmeraa dwirɛ ne aso.

Edwein 119:21

Anwomasoɛfoɛ bɔ banoma bɛ, bɔ bedi wɔ mmeraa dwirɛ nwo makyebu ne, etwi bɛ nyunu.

Edwein 139:19

Ao Nyameɛ, sɛ ahaa ekohũhũ bɔnefoɛ, ná kodiawufoɛ bahwe bɛ nwo bafi me nwo a,

Edwein 6:8

Ɛmɔ amumuyɛɛfoɛ amukoraa, ɛ́mɔfi me so bɛhɔ, ofikyɛ AWURADE ate me suɛ ne.

Yesaya 66:24

“Na bekofite bɛkɔɔnea mmenia bɔ bayɛ me nwo lɔen nemɔ bɛ fuin, ofikyɛ bɛ nnɔboakoma nemɔ ngowu, bɛ see ne ngonua, na bɛkɔyɛ akyiwadeɛ bɛkɔma anwoɔnaen amukoraa.”

Yeremia 17:5

Bɔ AWURADE kã ɛhe: “Musue to sona bɔ ɔfa ye wora wura sona nu, ná ɔfa ye nwo to sona mmokalɛ so, ná ɔye ye adwene fi AWURADE so ɔ.

Mateo 13:40

Na kyɛbɔ betutuli ngyɛngyɛma ne ná bɛfale see bɛyerale bɛ ne, sɔ ala yeɛ ɔkɔyɛ wɔ ewiase ayieleɛ ne ɔ.

Mateo 13:42

na bekogyi bɛ bekogua see wuronyiwuronyi nu, nekaa bɔ mmenia kosũ ná banwose bɛ gye ɔ.

Mateo 13:50

ná bagyi bɛ bagua see wuronyiwuronyi nu, na berɛ yeɛ mmenia kosũ ná banwose bɛ gye ɔ.”

Mateo 18:8

“Sɛ wɔ sa anaa wɔ gya to wɔ sundidua a, pɛ ná gyi to! Na ɔte paa ma wɔ kyɛ ɛkɔfa asaa ko anaa agyirɛ ko ɛkɔhɔ ngoa nu tra kyɛ ɛkɔfa asaa nyɔ anaa agyirɛ nyɔ, ná bekogyi wɔ bɛkɔto daa see nu ɔ.

Mateo 25:42

Ofikyɛ ɛhɔen huni me, nakoso ɛmɔamma me nikyee ma manni; nzuhɔen huni me, nakoso ɛmɔamma me nzue ma manno;

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Mateo 3:12

Otira ye huhuamoa nu; ɔkɔprapra ye nekaa bɔ ɔboro aburoo ne monomono. Ɔkɔboaboa ye aburoo ne noa kogua pata so, nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”

Mateo 4:10

Yeɛ Yesu buale ye kyɛ, “Dwɔso berɛ kɔ dɔ, Satan! Ofikyɛ Bahyerɛ kyɛ, ‘Sɔne Awurade wɔ Nyameɛ, na ye ngome twe yeɛ so ye ɔ!’ ”

Mateo 5:22

Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.

Mateo 7:23

Na ɛhe yeɛ ngɔpakye nu ngose bɛ kyɛ, ‘Menze ɛmɔ koraa, ɛ́mɔfi me so bɛhɔ, ɛmɔ bɔ ɛmɔyɔ bɔ ɔndengyɛ ɔ!’

Luka 13:27

Na okose kyɛ, ‘Mekã mekyire ɛmɔ kyɛ, menze nekaa bɔ ɛmɔfi ɔ. Ɛ́mɔfi me so bɛhɔ, ɛmɔ amukoraa bɔ ɛmɔyɔ bɔ ɔndengyɛ ɔ!’

Luka 16:24

Na ɔteane nu kyɛ, ‘Ngya Abraham ee, nwu me anwumvoin oo, ná soma Lasarɔso maa ɔfa ye sa mmɛseka noa ɔbɔ nzue nu, ná ɔɔfa hã me temverema so ma so yɛ fɔnwoo; ɔnate kyɛ me nwo yerayera me wɔ see wuronyiwuronyi he anu!’

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

2 Tɛsalonika 1:7

ná ɔkɔma ɛmɔ bɔ ɛmɔwɔ amaneɛ nu ne, ɛmɔ ne yɛ yɛkonya nwomelelɛ, kyẽa bɔ bɛkɔla Awurade Yesu ne ye abɔfoɛ anwoserɛfoɛ ali bekofi nyameɛso, wɔ see wuronyiwuronyi nu ne,

2 Tɛsalonika 1:9

Ɔkɔtɔ sɔ mmenia nemɔ so wereɛ kɔsɛkye bɛ pasapasa afebɔɔ, ná afei wahwe bɛ wafi Awurade nyunu ne ye animnyam tumi nwo.

Hebrifoɛ 6:8

Nakoso sɛ ofifi mmowue ne ɛfone de a, ye de mvasoɛ biala nne ye so; ɔngyɛ né Nyameɛ apaye ye, na ye ayieleɛ ole kyɛ ɔfa see sɛkye ye.

2 Petro 2:4

Na sɛ Nyameɛ amva abɔfo mɔ bɔ bɛyɔle bɔne ne nwo wangyɛ bɛ, ná mmom ogyili bɛ guale ɛborɔ kumaa kuronguronn awosii kabii nu, ná ɔbɔle bɛ panwu kyɛ ɔfa nwondɛ ndɛenbualɛ ne a;

1 Yohane 3:10

Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.