Mateo 25:21 - AHYERƐLƐ KRONGRON

²¹ Yeɛ ye mene ne sele ye kyɛ, ‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Mateo 25:21 Iomraidhean Croise

Anyandera 14:35

Akoaa bɔ ɔse nworɛ ne, ɛhene ne kɔlo ye, nakoso ɔfɛ bɛ bɔ bɛbɔ nyanzoen bra so yaa.

Anyandera 28:20

Nahorɛniɛ konya saleɛ pee, nakoso sona bɔ ɔpere ye nwo onya ye nwo ndɛndɛ ne de, ɔngɔfa ye nwo ngoli tɔtorɔtɔɔ.

Mateo 24:45

“Na nwa koraa ole akoaa nahorɛniɛ ne nworɛniɛ, bɔ ye mene afa ye awuro berɛ ngoaa mɔ wawura ye sa, kyɛ ɔma bɛ aleɛ wɔ mmerɛ bɔ ɔsɛ ɔ nu ɔ?

Mateo 24:47

Nahorɛ nu, mekã mekyire ɛmɔ kyɛ, ɔkɔfa ye nningyein amukoraa kowura ye sa.

Mateo 25:23

Yeɛ ye mene ne sele ye kyɛ, ‘‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Luka 12:44

Nahorɛ nu, mekã mekyire ɛmɔ kyɛ, ɔkɔfa ye nningyein amukoraa kowura ye sa.

Luka 16:10

“Ebiala bɔ odi nahorɛ wɔ nningyein mmaa mmaa nu ne, odi nahorɛ wɔ nningyein mbiri mbiri nu koso; yeɛ ebiala bɔ onni nahorɛ wɔ nningyein mmaa mmaa nu ne, onni nahorɛ wɔ nningyein mbiri mbiri nu koso.

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 14:3

Na sɛ mekɔ ná mekosiesie nekaa mema ɛmɔ a, ngosa ngɔwa, ná maafa ɛmɔ mahɔ me bɔbɔ me berɛ, ná nekaa bɔ nwɔ ne, ɛmɔ koso bawa berɛ bie.

Yohane 17:24

“Baba, bɛ bɔ afa bɛ ama me ne, mekuro kyɛ nekaa bɔ nwɔ ne, bɛ koso bɛbaboka me so wɔ berɛ, amaa ɔnate so banwu m’animnyam bɔ ɛfa mane me ne; ofikyɛ ehurole me dwirɛ koraka yeɛ ewiase ahyɛaseɛ ɔba ɔ.

Romanfoɛ 2:29

Na mmom Yudaniɛ kaenn ole sona bɔ ɔte Yudaniɛ wɔ ahone nu ɔ; ɔte sunzum nu nikye, na ɔtte anwoɔnaen nu nikye. Nna kuro sona, na mmom Nyameɛ yeɛ ɔye sɔ sona ne ayɛ ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

2 Korintofoɛ 10:18

Ofikyɛ nna sona bɔ ɔkamvo ye nwo ne yeɛ ɔsɔ Awurade nye ɔ, na mmom bɔ Awurade kamvo ye ne yeɛ ɔsɔ ye nye ɔ.

2 Korintofoɛ 5:9

Yiti yafa yasie yɛ nye so kyɛ, sɛ yɛwɔ anwoɔnaen he anu oo, sɛ yɛnne nu oo, yɛkɔsɔ Awurade nye.

Filipifoɛ 1:23

Ɛhe amaa mayɛ anianiani. Ahaa mekuro kyɛ ngofi wa me ne Kristo yɛkɔɔtena, ofikyɛ ɛhene mmom yeɛ ɔte paa koraa ɔ,

1 Timoteo 3:13

Ofikyɛ bɛ bɔ bɛyɔ somvoɛ adwuma ne yé ne, benya dumaa paa ne nyinasoɛ pindinn wɔ gyidie bɔ ɔwɔ Kristo Yesu nu ne anu.

2 Timoteo 2:12

sɛ yɛmia yɛ nye yɛtindim a, yɛne ye koli hene koso; sɛ yɛpo ye a, ye koso ɔkɔpo yɛ;

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 21:7

Ebiala bɔ odi ngonim ne, okonya ɛhemɔ amukoraa, na ngɔyɛ ye Nyameɛ, ná ye koso wayɛ mma.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.

Nyekyire 7:17

Ofikyɛ Boaen Ba bɔ ɔwɔ ahennie bia n’afia berɛ ne, ɔkɔyɛ bɛ Neafoɛ, ɔkɔyɛ bɛ taataa kɔhɔ ngoa asue mɔ ti, na Nyameɛ kokyikyi bɛ nye abo moen amukoraa.”