Mateo 25:16 - AHYERƐLƐ KRONGRON

¹⁶ Na berɛ ne ala, ko bɔ onyane talɛnde nnu ne, ɔfale ye sikaa ne ɔɔyɔle adwuma, na onyane mvasoɛ talɛnde nnu.

Mateo 25:16 Iomraidhean Croise

1 Aberɛso Dwirɛ 28:2

Na Nana Dawide dwɔso gyinane sele kyɛ, “Nniɛma mɔ ne me maen, ɛ́mɔtie. Nyɛle m’adwene kyɛ ngosi sua bɔ ɔkɔyɛ nekaa bɔ AWURADE apam alaka ne okole ye nwome, bɔ ɔkɔyɛ yɛ Nyameɛ gya bo ndiasoɛ ɔ. Na mbenane suasilɛ nwo nningyein nguale berɛ.

Yesaya 23:18

Nakoso ye dwaa nningyein ne ye mvasoɛ ne, ɔkɔyɛ krongron kɔma AWURADE. Bɛngɔfa ngosie, yeɛ bɛngɔfa ngɔfea, na mmom ye dwaa nningyein ne kɔyɛ bɛ bɔ bɛwɔ AWURADE nyunu ɔ bɛ deɛ, na ɔkɔmaa bekonya aleɛ pee bekoli, ɔne ɛtena paa bɛkɔhera.

Yesaya 49:23

Ahemvo mɔ, bɛkɔyɛ wɔ baba mɔ bɔ bɛtete wɔ ɔ, yeɛ bɛ hemmaa mɔ kɔyɛ wɔ maame mɔ bɔ bɛma wɔ nyɔfone ɔ. Bɛkɔfa bɛ nyunu bekobutu ase bekobu ndwerɛ wɔ wɔ nyunu, ná batafe wɔ gya bo mvuture. Na afei ekonwu kyɛ me ole AWURADE, na bɛ bɔ bɛfa bɛ nye bɛto me so ne, bɛ nyunu ngogua ase.”

Mateo 18:24

Na ɔhyɛle ngondaabulɛ ne abo nen, bɛfale ko bɔ ɔma ye kerɛ talɛnde apee buru ɔ bɛwale ye berɛ.

Mateo 25:17

Sɔ ala yeɛ bɔ onyane talɛnde nyɔ ne koso onyane nyɔ bokale so ɔ.

Luka 19:13

Na ɔfrɛle ye ngoaa nemɔ anu buru, na ɔmane bɛ mina buru, na osele bɛ kyɛ, ‘Ɛ́mɔfa he bɛ́yɔ adwuma kɔpem kyɛ ngɔwa ɔ.’

Asomafoɛ 13:36

Ofikyɛ, Dawide de, ɔsole Nyameɛ wɔ ye aberɛ so yiele nen, ɔlale, na besiele ye wɔ nekaa bɔ ye nana mɔ la ɔ, na ɔporɔle kumaa nu.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

2 Timoteo 2:6

Kuaniɛ bɔ ɔyɔ adwuma ne, ye yeɛ ɔsɛ kyɛ odi moa di nu aleɛ ne bie ɔ.