Mateo 25:10 - AHYERƐLƐ KRONGRON

¹⁰ Na bɛhɔle kyɛ bɛkwaatɔ bie nen, atɔmvorɛ biaa ne wale; na bɛ bɔ né baboaboa bɛ nwo basie ne, bɛ ne ye hɔle atɔmvorɛ ne abo, na bɛtole anoa ne anu.

Mateo 25:10 Iomraidhean Croise

Gyenesise 7:16

Kaka biala nyii ne beleɛ fole nu, kyɛbɔ Nyameɛ hyɛle Nowa ne, na afei AWURADE tole Nowa anoa nu.

Edwein 95:11

Yiti mvɛle yaa ndale ndaen kyɛ, “Bengowura me nwomelelɛ ne anu bie.”

Mateo 24:42

Yiti ɛ́mɔwɛne, ofikyɛ ɛmɔnze kyẽa horɛ bɔ ɛmɔ Awurade kɔwa ɔ.

Mateo 24:43

Na ɔsɛ kyɛ ɛmɔnwu ye kyɛ, sɛ né awuro mene ne ɔse kɔngɔen mmerɛ horɛ bɔ awueniɛ ne kɔwa a, ahaa ɔkɔwɛne, bɔ ahaa ɔngɔma ongootu ye anoa bo ongoowua ye ɔ.

Mateo 24:44

Yiti ɛmɔ koso, ɛ́mɔboaboa ɛmɔ nwo bésie, ɔnate kyɛ mmerɛ bɔ ɛmɔnzusu ɔ nu yeɛ Sona Awa ne kɔwa ɔ.

Mateo 25:6

“Na abunnamu yeɛ ebie teane nu kyɛ, ‘Ɛ́mɔtie, atɔmvorɛ biaa ne awa oo! Ɛmɔbra beeyia ye oo!’

Mateo 7:21

“Nna ebiala bɔ ose me kyɛ ‘Awurade, Awurade’ ne, yeɛ ɔkɔhɔ nyameɛso ahennie ne anu ɔ, na mmom sana bɔ ɔyɔ me Baba bɔ ɔwɔ nyameɛso ne ye apɛdeɛ ɔ.

Luka 12:35

“Ɛ́mɔmia ɛmɔ abɔsoɛ nu ná ɛ́mɔma ɛmɔ kanea ogye,

Luka 13:25

Na sɛ awuro ne mene dwɔso to anoa ne anu pɛ a, yeɛ ɛmɔkɔhyɛ ye bo bekogyina ye si ɔ, na ɛmɔkɔbɔ anoa ne anu bɛkɔhã kyɛ, ‘Yɛ Mene, Yɛ Mene, bukye anoa ne ma yɛ.’ Na okobua ɛmɔ kyɛ, ‘Menze nekaa bɔ ɛmɔfi ɔ.’

Kolosefoɛ 1:12

ná yafa asennaa yama Baba ne bɔ wamaa yafata kyɛ yɛnya kyɛfa wɔ anwoteefoɛ bɔ bɛwɔ kanea nu b’agyapadeɛ ne bie ɔ.

2 Timoteo 4:8

Na bɔ waha bɔ ɔla berɛ ma me ole tenenee abotire bɔ Awurade, ndɛenbualɛniɛ tenenee ne ɔkɔfa kɔbɔ m’aba so sɔ Kyẽa ne ɔ; bɔ nna me ngome, na mmom bɛ bɔ bekuro ye nwo aliyelɛ ne amukoraa koso ɔkɔbɔ b’aba so bie.

1 Petro 1:13

Yiti ɛ́mɔsiesie ɛmɔ adwene ma osi pi, ɛ́mɔma ɛmɔ nye la berɛ, ná ɛ́mɔma ɛmɔ anyelasoɛ amukoraa ówura adom bɔ Yesu Kristo kɔfa kɔbrɛ ɛmɔ wɔ ye nwo aliyelɛ ne anu.

Nyekyire 1:7

Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.

Nyekyire 19:7

Ɛ́mɔma yɛ nye gye ná yɛli ahurusi, ná yɛhyɛ ye animnyam, ofikyɛ Boaen Ba n’atɔmvorɛfalɛ ne wadwu, na ɔye ne asiesie ye nwo wayie.

Nyekyire 22:20

Bɔ odi edwirɛ hemɔ nwo adanzeɛ ne, ɔnwa, “Amba, méba ndɛndɛ!” Amen. Awurade Yesu, bra!