Mateo 24:9 - AHYERƐLƐ KRONGRON

⁹ “Afei bɛkɔye ɛmɔ bɛkɔma maa ɛmɔkonwu amaneɛ, bekohũhũ ɛmɔ, na ɔnate me dumaa ti maen maen amukoraa bɛkɔpɔ ɛmɔ.

Mateo 24:9 Iomraidhean Croise

Anyandera 29:27

Amumuyɛɛniɛ te teneneeniɛ akyiwadeɛ, yeɛ sona bɔ ye bra te sannwuu ne, ɔte bɔnefoɛ akyiwadeɛ.

Daniel 11:33

Na maen ne anu mmenia bɔ b’adwene nu pi ne, bekohyirehyire nu bekohyire mmeni pee maa bɛkɔte ye bo; ɔwɔ nu kyɛ bɛkɔtotɔ ngrandɛ noa de, bɛkɔyera bɛ, bɛkɔhye bɛ nnure, yeɛ bɛkɔbɔ bɛ nningyein apaa mmerɛ kãa.

Mateo 22:6

yeɛ bɛ ngaa ne wora bɛhyele ye somvoɛ nemɔ beguale bɛ nyunu ase, na behuni bɛ.

Mateo 23:34

Yiti, ɛ́mɔtie, mésoma ngɔmhyɛlɛfoɛ ne nworɛfoɛ ne ahyerɛlɛfoɛ maa bɛba ɛmɔ berɛ, na ɛmɔkohũ bɛ nu biemɔ bɛkɔbɔ bɛ mmeamudua nu, yeɛ ɛmɔkofi bɛ nu biemɔ mbire wɔ ɛmɔ nyianu sua mɔ nu, ná ɛmɔatane bɛ nye bafi kuro so bahɔ kuro so.

Luka 11:49

Na ɛhe ati koso yeɛ Nyameɛ Nworɛ ne kã kyɛ, ‘Ngɔsoma ngɔmhyɛlɛfoɛ ne asomafoɛ maa bɛkɔhɔ bɛ berɛ; na bekohu biemɔ, ná batane ebiemɔ anye.’

Luka 21:12

Nakoso anzana ɛhemɔ amukoraa bekosisi ne, bekoli moa bɛkɔhye ɛmɔ, ná batane ɛmɔ nye, bɛkɔhye ɛmɔ bɛkɔhɔ nyianu sua mɔ nu ne kuku nu, na ɔnate me dumaa ti bɛkɔfa ɛmɔ bekogyina ahemvo ne amrado mɔ nyunu.

Yohane 15:18

“Sɛ wiase pɔ ɛmɔ a, ɛ́mɔnwu ye kyɛ wali moa wapɔ me koraka yeɛ ɔpɔ ɛmɔ ɔ.

Yohane 15:21

Na ɔnate me dumaa ti bɛkɔfa ɛhemɔ amukoraa bekoli ɛmɔ, ofikyɛ bɛnze bɔ ɔsomane me ne.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Asomafoɛ 28:22

Nakoso yɛpena kyɛ ekyire yɛ w’adwene, ɔnate kyɛ yɛse kyɛ nekaa biala mmenia dwudwo tia sɔ som he.”

Asomafoɛ 7:59

Na bɛwɔ so bɔ bɛboro Setefano nyɔboɛ ne, ɔhɔle so bɔle mbaeɛ kyɛ, “Awurade Yesu, de me sunzum!”

1 Petro 4:16

Nakoso sɛ ebie te Kristoniɛ ti, ná onwu amaneɛ a, nnɛmaa ɔyɛ ye nya; na mmom maa ɔhyɛ Nyameɛ animnyam kyɛ sɔ dumaa ne la ye so ɔ.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 2:13

[Mese wɔ nnwumaa], mese nekaa bɔ ɛte ɔ, nekaa bɔ Satan ahennie bia gyi ne; nakoso atira me dumaa ne anu bum, na ambo me gyidie ne, mmerɛ bɔ behuni m’adanzeniɛ nahorɛniɛ Antipa wɔ ɛmɔ berɛ ne po, nekaa bɔ Satan te ne.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.