Mateo 24:7 - AHYERƐLƐ KRONGRON

⁷ Na maen kodwɔso kotia maen, ahennie kodwɔso kotia ahennie, yeɛ ɛhɔen ne [anwonyerɛ] ne aseɛwosolɛ kɔwa nekaa ahoroɔ.

Mateo 24:7 Iomraidhean Croise

2 Aberɛso Dwirɛ 15:6

Bɛ nu tetele. Maen ho tiale maen, yeɛ kuro ho tiale kuro, ofikyɛ Nyameɛ mane ɛhawo ahoroɔ wale bɛ so.

Yesaya 19:2

Ngɔkanyane Misraimfoɛ maa bekodwɔso bekotia Misraimfoɛ, bɛkɔho, aliɛmaa ne aliɛmaa bɛkɔho, abiɛngoɛ ne abiɛngoɛ bɛkɔho, kuro ne kuro bɛkɔho, na ahennie ne ahennie bɛkɔho.

Yesaya 29:6

Asafo AWURADE kɔɔpasa wɔ nwo: Ɔkɔfa agralaa, aseɛwosolɛ ne dededede kandinga, mvrama bɔ ɔpɛ ye nwo, mvrama piri ne see wuronyiwuronyi yeɛ ɔkɔwa ɔ.

Hesekiel 14:21

“AWURADE Nyameɛ nwa nyoo: Nzaade me ndɛenbualɛ suronyisuronyi nna, bɔ bɛ ole ngrandɛ, ɛhɔen, awerɔm ngaka aboyaa ne ewue anwonyerɛ ne, sɛ meprapra megua Yerusalem so mekũkũ so mmenia ne ngaka mefi so ɛ?

Hesekiel 21:27

Ngɔbɔ ye oo, ngɔbɔ ye oo, ngɔbɔ kuro ne, na ɛhe ngosi, kɔpem kyɛ bɔ ndɛenbualɛ wura ye sa ne kɔwa ɔ, na ye yeɛ ngɔfa ngowura ye sa ɔ.’

Sakaria 14:13

Sɔ kyẽa ne, AWURADE kɔma ahunundetelɛ piri kɔtɔ bɛ so, maa ɔnate so ebiala kɔpari kɔsɔ obiɛngo sa, na bɛkɔbobɔ bɛ nwo.

Luka 21:11

aseɛwosolɛ serɛserɛ kɔwa nekaa ahoroɔ, ɛhɔen ne anwonyerɛ ahoroɔ kɔwa; na nningyein suronyisuronyi ne nzɛngyerɛnneɛ mbiri mbiri kofi nyameɛso kɔwa.

Asomafoɛ 11:28

Bɛ nu ko bɔ bɛfrɛ ye Agabo fale Sunzum Krongron tumi so hyɛle ngɔm kyɛ ɛhɔen pirikua bie baawa ewiase amukoraa. Sɔ hɔen ne wale Klɔdio Kaesare aberɛ so.

Asomafoɛ 2:19

Na ngɔma anwanwadeɛ kɔwa nyameɛso wɔ anwuro, yeɛ nzɛngyerɛnneɛ wɔ aseɛ so wɔ ase; mogya, see ne nwosina munguu kɔwa;

Hebrifoɛ 12:27

Na sɔ dwirɛ he: “Woso ye bieku” ne kyire kyɛ abɔdeɛ mɔ kɔwoso ná baye bɛ bafi berɛ, amaa nningyein bɔ bɛngora bɛnwoso ne bahɔ so batena berɛ.

Nyekyire 6:12

Na ɔtele nzɔanoɛ bɔ ɔtɔ so nzia ne noa ne, nneane, na yieee, aseɛ wosole serɛserɛ; na eyia yɛle tunn kyɛ brisie, na ɛsraen yɛle kyɛ mogya;

Nyekyire 6:5

Na ɔtele nzɔanoɛ bɔ ɔtɔ so nza ne noa nen, ndele kyɛ abɔdeɛ teasefoɛ bɔ ɔtɔ so nza ne ɔkã kyɛ, “Baanea!” Nneane, yieee, pɔngɔ bire bie, na né bɔ ɔte ye so ne otira tonyi.

Nyekyire 6:6

Na ndele komviɛ bie mvili abɔdeɛ teasefoɛ nna nemɔ b’afia berɛ kyɛ, “Aburoo kongo ko te denare ko, yeɛ atokoɔ kongo nza te denare ko; nakoso ngoo ne nzaa de, nnɛsɛkye bɛ.”

Nyekyire 6:8

Nneane, na nwuni pɔngɔ hoyaa bie; na bɔ ɔte ye so ne dumaa li Ewue, na Ɛborɔ li ye si. Na bɛmane bɛ tumi wɔ aseɛ ngyɛmuɛ nna nu ko so, kyɛ bɛfa ngrandɛ, ɛhɔen, anwonyerɛ ne aseɛ so ngaka aboyaa behũhũ bɛ.