Mateo 24:6 - AHYERƐLƐ KRONGRON

⁶ Ɛmɔkɔte koɛ mɔ ne koɛ mɔ nwo ngunga. Nakoso nnɛma ɛmɔ kunu tete ɛmɔ, ofikyɛ odi kyɛ ɛhemɔ besi, nakoso né ayieleɛ ne onnya oddwuli.

Mateo 24:6 Iomraidhean Croise

Edwein 112:7

Onzuro ahunundetelɛ dwirɛ; ye adwene si ye pi, na ye wora wura AWURADE nu.

Yesaya 12:2

Amba, Nyameɛ te me ngoalelɛ, ngɔfa me wora ngowura ye nu, na mengosuro, ofikyɛ AWURADE Nyameɛ te m’anwoserɛ ne me dwein, na wayɛ me ngoalelɛ.”

Yesaya 7:4

ná se ye kyɛ, Gyina pindinn, yɛ konn, nnɛsuro, yeɛ nnɛma wɔ kunu tete wɔ wɔ gyetia nyɔ hemɔ bɔ begye monɛɛmonɛɛ ne anwo, bɔ bɛ ole Sirianiɛ Resin ɔne Remalia awa ne bɛ yaa hahii bɔ bafɛ ne.

Yeremia 47:6

Ao, AWURADE ngrandɛ, kyinzu yeɛ ɛkɔyɛ konn ɔ? Kowura wɔ bɔha nu, de wɔ nwome ná yɛ konn!

Hesekiel 21:28

“Na wɔ, Sona awa, hyɛ ngɔm ná kã kyɛ: Bɔ AWURADE Nyameɛ kã fa Amonfoɛ ne bɛ ngorohoɛ nwo ɛhe. Kã kyɛ, “ ‘Ngrandɛ, bahwe ngrandɛ kyɛ bɛ́fa behũhũ, bahwi ye nwo kyɛ oli awue, kyɛ ɔ́tete yerɛmyerɛm kyɛ agralaa;

Mateo 2:3

Na ɛhene Herode tele edwirɛ he nen, ɔhale ye, Yerusalemfoɛ amukoraa koso sɔ ala.

Mateo 24:14

Na bɛkɔhã ahennie ne nwo nzɛmba he wɔ ewiase amukoraa maa ɔkɔyɛ adanzeɛ kɔma maen maen amukoraa; koraka ná afei ayieleɛ ne awa.

Mateo 26:54

Na ɔkɔyɛ sɛɛ né Ahyerɛlɛ ne awa nu kyɛ, odi kyɛ sɔ yeɛ osi ɔ?”

Luka 21:19

Na ɛmɔ pindinn gyinalɛ nu yeɛ ɛmɔkonya ɛmɔ kra ɔ.

Luka 21:9

Na sɛ ɛmɔte koɛ mɔ ne basabasayɔlɛ nwo dwirɛ a, nnɛma ɛmɔsuro; ofikyɛ, odi kyɛ ɛhemɔ bedi moa besisi, nakoso ayieleɛ ne ngɔwa berɛ ne ala.”

Luka 22:37

Na mekã mekyire ɛmɔ kyɛ, sɔ dwirɛ he bɔ Ahyerɛlɛ ne ɔkã ne, ɔsɛ kyɛ ɔba nu wɔ me nwo kyɛ, ‘Bɛhale ye bɛfrale mmeraatolɛfoɛ.’ Ofikyɛ bɔ ɔfa me nwo ne, ye mmerɛ bɔ ɔsɛ kyɛ ɔba nu ne wadwu.”

Yohane 14:1

“Nnɛmɔma ɛmɔ wora bɔ! Ɛmɔ de, ɛmɔle Nyameɛ beli, ná ɛmɔle me koso beli.

Yohane 14:27

“Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so.

2 Tɛsalonika 2:2

Nyekyire, anaa edwirɛ anaa krataa bɔ ebiemɔ nwa ofi yɛ berɛ ne, bɔ okyire kyɛ Awurade kyẽa ne wawa nen, nnɛmɔma ɛmɔ ti anu yɛ ɛmɔ kesenee ndɛndɛ wɔ ye nwo, anaa nnɛmɔma ɔha ɛmɔ.

Nyekyire 6:4

Na pɔngɔ foforɛ kɔkorɛ gonn bie yele ye ti, na bɛmane bɔ ɔte ye so ne tumi kyɛ ɔye asomdwee fi aseɛ so, ná behũhũ bɛ nwo bɛ nwo, na bɛmane ye ngrandɛ pirikua bie.