Mateo 24:5 - AHYERƐLƐ KRONGRON

⁵ Ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole Kristo ne,’ na bɛkɔlakalaka mmenia pee.

Mateo 24:5 Iomraidhean Croise

Yeremia 14:14

Na AWURADE sele me kyɛ, “Ngɔmhyɛlɛfoɛ nemɔ bɛfa me dumaa bɛhyɛ ngɔndorɔ. Nnzomane bɛ, mmmane bɛ ahyɛdeɛ biala, yeɛ nngane edwirɛ biala nngyirele bɛ. Ngondombo nyekyire, ngonyaayelɛ, edwirɛ mbaen mbaen ne bɛ bɔbɔ bɛ ti anu dwirɛ yeɛ bɛhyɛ ye nwo ngɔm bekyire ɛmɔ ɔ.

Yeremia 23:21

Nnzomane sɔ ngɔmhyɛlɛfoɛ nemɔ, nakoso bele amirika; nngane edwirɛ nngyirele bɛ, nakoso bɛhyɛle ngɔm.

Yeremia 23:25

Ngɔmhyɛlɛfoɛ bɔ bɛfa me dumaa bedi ngɔndorɔ ne, mate bɔ bɛkekã ɔ. Bɛnwa, ‘Mahye laleɛ, mahye laleɛ!’

Yeremia 37:9

AWURADE nwa nyoo: Nnɛma ɛmɔlakalaka ɛmɔ nwo bɛkã kyɛ, “Kaldeafoɛ nemɔ bekofi yɛ nwo wa bɛkɔhɔ,” ofikyɛ bengofi wa bɛngɔhɔ.

Mateo 24:11

Na ngɔmhyɛlɛfoɛ ngondombofoɛ pee bekodwɔso, ná balakalaka mmenia pee.

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Yohane 5:43

Me Baba dumaa nu yeɛ mmale ɔ, nakoso ɛmɔnne me bɛndo nu; na sɛ ebie ba ye bɔbɔ ye dumaa nu a, ye de ɛmɔkole ye bɛkɔto nu.

Yohane 8:24

Ye sɔ ati yeɛ nzele ɛmɔ kyɛ, ɛmɔkowu ɛmɔ bɔne nu ne; na sɛ ɛmɔanne banni kyɛ me ole ye a, ɛmɔkowu ɛmɔ bɔne nu.”

Yohane 8:28

Yiti Yesu hane kyɛ, “Sɛ ɛmɔnya bɛma Sona Awa ne so a, yeɛ ɛmɔkonwu kyɛ me ole ye ɔ; na memva me bɔbɔ me tumi menyɔ nikye fee, na mmom kyɛbɔ Baba ne hyirehyirele me ne, sɔ ala yeɛ mekã ɔ.

1 Yohane 2:18

Me mma mɔ, ayieleɛ mmerɛ ne apingye. Na kyɛbɔ ɛmɔate ye daa kyɛ antikristo ne ɔ́ba ne, sɔ ala yeɛ kekesaala ye antikristo pee bawa ɔ; na ɛhe maa yɛnwu ye kyɛ ayieleɛ ne ala ɛne.

1 Yohane 2:22

Nwa yeɛ ɔte ngondomboniɛ ɔ? Sona bɔ onne Yesu ndo nu kyɛ ye ole Kristo ne. Sɔ sona ne te antikristo, ofikyɛ onne Baba ne ɔne Baa ne ndo nu.

1 Yohane 4:3

Nakoso sunzum biala bɔ onne ndo nu kyɛ Yesu Kristo awa anwoɔnaen nu ne, ɔtte Nyameɛ deɛ, na mmom ɔte antikristo bɔ ɛmɔate kyɛ ɔba ná wanya wawa wiase ne deɛ.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.