Mateo 24:48 - AHYERƐLƐ KRONGRON

⁴⁸ Nakoso sɛ akoaa bɔnefoɛ ne de, ɔkã ye wɔ ye ti anu kyɛ, ‘Me mene kɔhyɛ koraka ná wawa,’

Mateo 24:48 Iomraidhean Croise

2 Ahemvo 5:26

Nakoso Elisa sele ye kyɛ, “Mmerɛ bɔ biaa bie huru fili ye teaseɛnam nu ooyiale wɔ ne, aso nna me sunzum ɔne wɔ yeɛ bɛhɔle ɔ? Aso sɔ mmerɛ ye yeɛ odi kyɛ ede esikaa ne ndaadeɛ, olive boo ne bobe boo, mmoaen ne nandwie mɔ, ngoaa ne afaneɛ mɔ ɔ?

Nworɛ Dwirɛhanɛniɛ 8:11

Na ɔnate kyɛ bɔne yɔleɛ nwo akatuaa ɔmma ndɛndɛ so ne ati, kuro sona ama bɔne yɔleɛ ali ye ti.

Yesaya 32:6

Ofikyɛ kwaseaa kekã ngwaseaa dwirɛ, na ɔdwene adwene tɛɛ bɔ ɔmaa ɔyɔ amumuyɛɛ ɔ, ɔkekã AWURADE nwo dwirɛ tɛɛ, ɔma bɔ ɛhɔen ku ye ɔ ye noa aleɛ bɔ ye, na ɔmma bɔ nzuhɔen ku ye ɔ nnya nzue nno.

Hesekiel 12:22

“Sona awa, anyandera he bɔ ɛmɔbu bɛfa Yisrael aseɛ nwo kyɛ, ‘Moa moa ala yeɛ ngyẽa ne ɔkɔ ɔ, nakoso nyekyire biala ɔmma nu’ ne, ye bo ole sɛɛ?

Hesekiel 12:27

“Sona awa, tie, Yisrael awuro ama mɔ bɛnwa: ‘Nyekyire bɔ onya ye ne, ɔkɔhyɛ paa koraka né wawa nu; yeɛ mmerɛ bɔ ɔwɔ moa moa nwo ngɔm yeɛ ɔhyɛ ɔ.’

Mateo 18:32

Yeɛ ye mene ne frɛle ye sele ye kyɛ, ‘Wɔ, akoaa atianuserɛniɛ! Mvale wɔ kerɛ ne amukoraa ngyɛle wɔ, ɔnate kyɛ ɛpale me kyerɛ.

Mateo 24:47

Nahorɛ nu, mekã mekyire ɛmɔ kyɛ, ɔkɔfa ye nningyein amukoraa kowura ye sa.

Mateo 24:49

ná ɔhyɛ ye bo ɔbo ye mmango ngoaa nemɔ, ná ɔne akɔnomnzafoɛ bedidi bɛno a,

Mateo 25:26

“Yeɛ ye mene ne buale ye kyɛ, ‘Akoaa atianuserɛniɛ ne ɛfoen sona! Yiti né ɛse kyɛ mebu nnɔbaeɛ wɔ nekaa bɔ nnnuale hwee ɔ, yeɛ meboaboa aleɛ noa wɔ nekaa bɔ nnnuale hwee ɔ?

Marko 7:21

Ofikyɛ sona nu, ye ahone nu yeɛ adwenemmɔne, adwamanbɔlɛ, awue, awuelilɛ, agyaasɛkyelɛ,

Luka 12:45

Nakoso sɛ sɔ akoaa ne kã ye wɔ ye ti anu kyɛ, ‘Me mene onnya ɔwwale,’ ná ɔhyɛ ye bo ɔbo ngoaa mmienzua ne ngoaa mmrasua nemɔ, ná odidi ná ɔno nzaa bo a,

Luka 19:22

Na osele ye kyɛ, ‘Wɔ akoaa atianuserɛniɛ! Wɔ bɔbɔ wɔ noa dwirɛ yeɛ ngogyina so ngobua wɔ foɛ ɔ! Ɛse kyɛ nde sona bɔ me dwirɛ yɛ se ɔ, bɔ mefa bɔ mamva mando berɛ ɔ, yeɛ mebu bɔ nnuale ɔ.

Yohane 13:2

Na nɔsoa bɔ bɛbaadidi nen, né abɔnzam anya afa awura Yudase Yiskariote, Simɔn awa ne, ye ti anu kyɛ ɔye Yesu ma.

Asomafoɛ 5:3

Na Petro bisale ye kyɛ, “Anania, nzu ati yeɛ ama abɔnzam ate maa walakalaka wɔ maa ali Sunzum Krongron ne ndurum, na afa aseɛ bɔ ɛtɔnene ne sikaa ne bie afea ɔ?

Asomafoɛ 8:22

Yiti sakyera w’adwene fi wɔ bɔne he nwo, na srɛ Awurade kyɛ sɛ ɔkɔyɛ yee a, ɔfa wɔ nzusuleɛ tɛɛ he hyɛ wɔ.

Deuteronomi 15:9

Nea yé né annya adwene tɛɛ bie kyɛ, ‘Afoɛ bɔ ɔtɔ so nzoo, bɔ ɔte kerɛ-fahyɛlɛ afoɛ ne apingye,’ ná amva eliɛma hianiɛ nwo dwirɛ tɛɛ anzie wɔ ti anu, kyɛ ɛngɔma ye hwee. Eliɛma ne kosũ kogua wɔ so kohyire AWURADE, na ɔkɔkakyi bɔne kotia wɔ.

Deuteronomi 9:4

“Na sɛ AWURADE wɔ Nyameɛ foa bɛ fi wɔ nyunu a, ɔyɛ a nnɛkã kyɛ, ‘Ɛtengyɛlɛ bɔ metengyɛ ti yeɛ AWURADE afa me wawa ɛwa kyɛ mmamva aseɛ ye ɔ.’ Na mmom, ɔnate maen hemɔ b’amumuyɛɛ ti yeɛ AWURADE ɔ́foa bɛ fi wɔ nyunu ɔ.