Mateo 24:45 - AHYERƐLƐ KRONGRON

⁴⁵ “Na nwa koraa ole akoaa nahorɛniɛ ne nworɛniɛ, bɔ ye mene afa ye awuro berɛ ngoaa mɔ wawura ye sa, kyɛ ɔma bɛ aleɛ wɔ mmerɛ bɔ ɔsɛ ɔ nu ɔ?

Mateo 24:45 Iomraidhean Croise

Ɛksadɔso 36:4

Ye sɔ ne ati, adwiililɛfoɛ amukoraa bɔ né bɛ́yɔ nekaa krongron ne anwo adwuma ne, ebiala yakyili ye adwuma tole berɛ,

Anyandera 14:35

Akoaa bɔ ɔse nworɛ ne, ɛhene ne kɔlo ye, nakoso ɔfɛ bɛ bɔ bɛbɔ nyanzoen bra so yaa.

Anyandera 28:20

Nahorɛniɛ konya saleɛ pee, nakoso sona bɔ ɔpere ye nwo onya ye nwo ndɛndɛ ne de, ɔngɔfa ye nwo ngoli tɔtorɔtɔɔ.

Hesekiel 34:2

Sona awa, hyɛ ngɔm tia Yisrael mmoaenneafoɛ nemɔ. Hyɛ ngɔm ná se mmoaenneafoɛ nemɔ kyɛ, ‘AWURADE Nyameɛ nwa nyoo: Ɛmɔ yaakɔ! Yisraelfoɛ mmoaenneafoɛ bɔ ɛmɔ bɔbɔ ɛmɔ nwo yeɛ ɛmɔnea so ɔ! Aso nna mmoaen nemɔ so yeɛ odi kyɛ mmoaenneafoɛ bɛnea ɔ?

Hesekiel 46:24

Yeɛ osele me kyɛ, “Ɛhemɔ ole gyaale mɔ, nekaa bɔ awuro ne anu somvoɛ mɔ bɛkɔto mmenia nemɔ b’afɔleɛ bɔ bahu ye ne.”

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Mateo 13:52

Na osele bɛ kyɛ, “Ɛhe kyire kyɛ, ahyerɛlɛniɛ biala bɔ wanya ndeteyɛɛ wafa nyameɛso ahennie ne anwo ne, ɔte kyɛ awuro mene bie bɔ ɔye ye agyapadeɛ nu foforɛ ne daa deɛ fite ɔ.”

Mateo 24:46

Akoaa bɔ ye mene ba banwu ye kyɛ sɔ ala yeɛ ogu so ɔyɔ ne, onya saleɛ.

Mateo 25:2

Bɛ nu nnu te nworɛfoɛ, yeɛ nnu wora bɛte ngwaseafoɛ.

Mateo 25:21

Yeɛ ye mene ne sele ye kyɛ, ‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Mateo 25:23

Yeɛ ye mene ne sele ye kyɛ, ‘‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Mateo 7:24

“Yiti ebiala bɔ ɔte me dwirɛ he ná odi so nen, ngɔfa ye ngɔtoto nworɛniɛ bie bɔ osili ye sua wɔ nyɔbotaen so ɔ nwo.

Luka 19:17

Yeɛ osele ye kyɛ, ‘Mmo, akoaa paa! Ɔnate kyɛ ali kãa bie nwo nahorɛ ne ati, nea nguro buru so.’

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

1 Timoteo 1:12

Meda y’Awurade Kristo Yesu bɔ wama me anwoserɛ ne ase; ofikyɛ wabu me nahorɛniɛ wafa me wawura ɛsolɛ adwuma ne anu.

2 Timoteo 2:2

Na bɔ ɛte fili me berɛ wɔ adanzefoɛ pee bɛ nyunu ne, fa wura mmenia bɔ bedi nahorɛ bɔ bɛkɔhora bekohyirehyire ebiemɔ koso ɔ bɛ sa.

Hebrifoɛ 3:5

Mose de, olili nahorɛ wɔ Nyameɛ awuro mukoraa nu kyɛ somvoɛ, na olili nningyein bɔ né Nyameɛ baahã ye nwo dwirɛ ne nwo adanzeɛ.

Nyekyire 2:13

[Mese wɔ nnwumaa], mese nekaa bɔ ɛte ɔ, nekaa bɔ Satan ahennie bia gyi ne; nakoso atira me dumaa ne anu bum, na ambo me gyidie ne, mmerɛ bɔ behuni m’adanzeniɛ nahorɛniɛ Antipa wɔ ɛmɔ berɛ ne po, nekaa bɔ Satan te ne.

Rutu 2:6

Yeɛ somvoɛ bɔ ɔnea ayuotelɛfoɛ nemɔ aso ne buale kyɛ, “Moaboniɛ bɔ ɔne Naomi befili Moabo aseɛ so bɛwale ne, ye ɛne.