Mateo 24:39 - AHYERƐLƐ KRONGRON

³⁹ na né bɛnze bɔ ɔbaasi ɔ maa oodwuli kyɛ nzueyilɛ ne wale oopiane bɛ mukoraa hɔle ɔ; na sɔ ala yeɛ Sona Awa ne walɛ ɔkɔyɛ ɔ.

Mateo 24:39 Iomraidhean Croise

Gyenesise 7:23

Na nikyee biala bɔ ɔwɔ aseɛ ye aso bɔ ngoa wɔ ye nu ne, Nyameɛ nuane ye boso: kuro sona, ngaka, ngaka bɔ bɛtwe bɛ nwo ase, ewienu nnomaa, onuane bɛ boso fili aseɛ ye aso. Na ɔhale Nowa ngome ne bɛ bɔ bɛboka ye so ne ala.

Anyandera 23:35

Na ɛkɔhã kyɛ, “Bafa nikyee babɔ me, nakoso mambura, babo me, nakoso ɔnyɛ me yea. Mmerɛ beni yeɛ me nye so kɔtete me maa ngɔɔpena nzaa bieku ngɔno ɔ?”

Anyandera 24:12

ná sɛ ɛkã kyɛ, “Tie, né yɛnze” a, Nyameɛ bɔ ɔse sona ti anu dwirɛ ne, aso onnwuni wɔ anaa? Ye bɔ ɔnea wɔ kra so ne, aso ɔnze anaa? Aso ongotua ebiala kerɛ kyɛbɔ ye yɔleɛ te anaa?

Anyandera 29:7

Teneneeniɛ dwene bɛ bɔ bɛyɛ anwumvo ɔ nwo, nakoso bɔnefoɛ de, olle sɔ adwene ne.

Yesaya 42:25

Ye sɔ ne ati, ɔmane ye ahone huli Yisrael so paa, na ɔmane koɛ piri paa tole ye. Ye ahonehulɛ ne, ogyele kyɛ see fale ye nwo amu, nakoso wande ye bo, ɔyerale ye, nakoso wanzua nworɛ wamvi nu.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 24:3

Né Yesu te Olive Bokaa ne aso, na asuafoɛ nemɔ wale ye berɛ ahameɛ beesele ye kyɛ, “Kã kyire yɛ, kyinzu yeɛ ɛhemɔ bɛkɔwa nu ɔ? Na nzikyɛ yeɛ ɔkɔyɛ wɔ walɛ ne ne ewiase ayieleɛ ne nwo sɛngyerɛnneɛ?”

Mateo 24:30

na afei Sona Awa ne, ye sɛngyerɛnneɛ kɔla ali wɔ ewienu; na aseɛ so mmusua kure amukoraa bɛkɔbɔ awuye, na bekonwu Sona Awa ne kyɛ ɔ́ba wɔ nyameɛso munungum nu wɔ tumi ne animnyam kandinga nu ɔ.

Mateo 24:37

Na kyɛbɔ Nowa aberɛ so deɛ ne yɛle ne, sɔ ala koso yeɛ Sona Awa ne walɛ ɔkɔyɛ ɔ.

Mateo 24:40

Sɔ mmerɛ ne, mmienzua nyɔ bɔ bɛwɔ fieso ɔ, bɛkɔfa ko, né bayakyi ko berɛ.

Luka 19:44

bekodwiri wɔ bekogua ase, ɛne wɔ mma bɔ bɛwɔ wɔ nu ne, na bɛngɔyakyi nyɔboɛ bɔ ogyi nyɔboɛ so ɔ wɔ wɔ nu; ɔnate kyɛ annwu mmerɛ bɔ ɔlole wɔ ɔɔneane wɔ ne.”

Yohane 3:20

Ɔnate kyɛ, ebiala bɔ ɔyɔ bɔne ne, okyi kanea ne, na ɔmma kanea ne nwo, kyɛbɔ ɔkɔyɛ bɔ ye yɔleɛ ngɔla ali ɔ.

Asomafoɛ 13:41

‘Ɛmɔtie, ɛmɔ, ngorohoɛfoɛ, ɛ́mɔma ɔ́yɛ ɛmɔ nwanwa ná ɛ́mɔtu bemini; ɔnate kyɛ méyɔ adwuma bie wɔ ɛmɔ aberɛ so, adwuma bɔ sɛ ebie kã kyire ɛmɔ po a, ɛmɔngole bengoli ɔ.’ ”

Romanfoɛ 1:28

Bɛpole kyɛ bekonwu Nyameɛ nwo nimdeɛ, yiti Nyameɛ pole bɛ bɔbɔ b’adwene fiɛ ne mane bɛ, maa bɛyɔle nningyein bɔ ɔmvata ɔ.

2 Petro 3:5

Bɛboapa bɛyɛ kyɛ bɛnze kyɛ, ofi tetetete ne, né anwuro wɔ berɛ, na aseɛ fi nzue nu yeɛ ɔwale ɔ, ofi nzue nu yeɛ ootimuni berɛ ɔ, na ɔnate Nyameɛ noa dwirɛ so.

Maenbulɛfoɛ 20:34

Koɛhonɛfoɛ ahoneserɛfoɛ apee buru bɔ befi Yisrael maen ne anu amukoraa, bɛfale koɛ bɛɛtetale Gibea, na koɛ ne anu yɛle se paa. Nakoso Benyaminfoɛ bannwu ye kyɛ edwirɛ piri yeɛ wato bɛ ɔ.