Mateo 24:31 - AHYERƐLƐ KRONGRON

³¹ Na ɔkɔsoma ye abɔfo mɔ maa bɛkɔfa totorobɛndohulɛ akomvi piri bɛkɔwa, na bɛkɔboaboa bɛ bɔ waneanea nu waye bɛ nemɔ noa bekofi mvrama nna nemɔ anu, kofi anwuro noa koodwu ye noa.

Mateo 24:31 Iomraidhean Croise

Edwein 22:27

Ofi aseɛ ti kɔka ye ti, bɛkɔkaye, ná basa bawa AWURADE berɛ; na maen maen mɔ so mmusua amukoraa, bɛkɔkoto wɔ ye nyunu.

Edwein 67:7

Nyameɛ koyira yɛ, na odi kyɛ bɛ bɔ bɛwɔ aseɛ so nekaa biala besuro ye.

Edwein 81:3

Ɛmɔhu totorobɛndo wɔ ɛsraen foforɛ aluolue ne, mmerɛ bɔ ɛsraen kɔyɛ mumua ne, wɔ y’aluolue kyẽa ne.

Ɛksadɔso 19:16

Ye ɛlɛsa ne aso, ngyerɛmɔ, wɔ bokaa ne aso: agralaa tetele, Nyameɛ ne bobɔle nu kurudududu, munungum kumɔnn wale, na totorobɛndo ne teane nu serɛserɛ. Yiti mmenia mukoraati bɔ né bɛwɔ asikyeleɛ berɛ ne, bɛ nwo wosowosole bɛ.

Yesaya 11:12

Ɔkɔfa frangaa kɔpena berɛ kɔma maen maen mɔ, bɛ bɔ bapɛ b’asue bafi Yisrael ne, ɔkɔboaboa bɛ noa, yeɛ bɛ bɔ babɔ aya bafi Yuda ne, ɔkɔboaboa bɛ noa kofi aseɛ ndweasoɛ nna ne aso.

Yesaya 13:5

Befi dedeede aseɛ bie aso ne ewienu noa dɔ paa yeɛ bɛ́ba ɔ, AWURADE ne ye ahonehulɛ akodeɛ ne, kyɛ ɔbaasɛkye aseɛ amukoraa.

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Yesaya 42:10

Ɛmɔ bɔ ɛmɔkɔ ɛpo, ɔne ɛpo nu nningyein amukoraa, yeɛ supɔ mɔ nu ama, ɛ́mɔto dwein foforɛ bɛ́ye AWURADE ayɛ, ɛ́mɔto ye ayɛyelɛ dwein ne béfi ewiase noa dɔ paa.

Yesaya 43:6

Ngɔhã ngohyire sorɔ dɔ kyɛ, ‘Ma bɛ ate!’ Yeɛ ngɔhã ngohyire ngwaen dɔ kyɛ, ‘Nnɛsi bɛ ate!’ Fa me mma mmienzua mɔ fi dededede bra, ná fa me mma mmrasua mɔ fi aseɛ noa dɔ paa bra;

Yesaya 45:22

“Aseɛ so maen maen amukoraa, ɛ́mɔsa bɛ si bɛ́bra me berɛ beenya ngoa! Ofikyɛ me yeɛ nde Nyameɛ ɔ, na ebiala nne berɛ ko.

Yesaya 49:18

To wɔ nye anwuro nea bra yia, ɛhemɔ amukoraa baboa bɛ noa bɔ bɛ́ba wɔ berɛ ɔ. AWURADE nwa nyoo, kyɛ nde ase ye de, ɛkɔfa bɛ mukoraa ɛkɔhyehyɛ wɔ nwo kyɛ mbembenanneɛ, ɛkɔfa ekosiesie wɔ nwo kyɛbɔ atɔmvorɛ braa ɔyɔ ne ala.

Yesaya 60:4

To wɔ nye anwuro nea bra yia, bɛ mukoraa baboa bɛ noa, bɛ́ba wɔ berɛ; wɔ mma mmienzua befi dedeede yeɛ bɛ́ba ɔ, na wɔ mma mmrasua koso, badodo bɛ yeɛ bɛ́ba ɔ.

Daniel 7:2

Daniel nwa nyoo, “Nwuni ye wɔ me nyekyire ne anu kɔngɔen ne, yieee, nyameɛso mvrama nna nemɔ betuli ɛpo piri ne aso bɛmaa ɔyɛle bagyabagya.

Sakaria 14:5

Ɛmɔkɔnwati bɛkɔhɔ me mmokaa nemɔ bɛ bɔnza ne anu, ofikyɛ mmokaa nemɔ bɔnza ne kɔtrɛ alaa koodwu Asal. Amba, ɛmɔkɔnwati, kyɛbɔ aseɛwosolɛ maa ɛmɔnwatili wɔ Yuda hene Yusia aberɛ so ne. Na afei AWURADE me Nyameɛ kɔwa, bɔ krongronfoɛ amukoraa bɛboka ye so ɔ.

Sakaria 2:6

Huuu, huuu! Ɛ́mɔnwati béfi sorɔ dɔ aseɛ ne aso oo, AWURADE noa dwirɛ ɛne; ofikyɛ mabɔ ɛmɔ masande kyɛ anwuro mvrama nna ne, AWURADE noa dwirɛ ɛne.

Sakaria 6:5

Na abɔfo ne buale me kyɛ, “Ɛhemɔ ole nyameɛso sunzum nna ne, bɔ begyinagyina aseɛ amukoraa Mene ye nyunu berɛ beyie a befi berɛ bɛkɔ ne.

Sakaria 9:10

Ngonua teaseɛnam mɔ boso ngofi Efraim, ngonua mbɔngɔ boso ngofi Yerusalem, yeɛ ngonua koɛhonɛ agyaen boso. Ɔkɔhã asomdwee dwirɛ kohyire maen maen mɔ, ye ahennie kofi ɛpo kɔɔhã ɛpo, okofi asue ne kɔɔhã aseɛ noa dɔ.

Sakaria 9:14

Afei AWURADE kɔye ye nwo ali wɔ bɛ so, ye agyaen ne kɔhɔ kyɛ agralaa, AWURADE Nyameɛ kohu totorobɛndo, na ɔkɔfa ngwaen dɔ mvrama bɔ ɔpɛ ye nwo ne anu yeɛ ɔkɔhɔ ɔ.

Mateo 13:41

Sona Awa ne kɔsoma ye abɔfo mɔ, na bɛkɔboaboa bɔ ɔte sundidua amukoraa ne bɔnefoɛ amukoraa bekofi ye ahennie ne anu;

Mateo 24:22

Na sɛ bande sɔ ngyẽa ne aso a, ahaa bengole sona biala ngoa; nakoso ɔnate bɛ bɔ baneanea nu baye bɛ ne ati, bɛkɔte sɔ ngyẽa ne aso.

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Mateo 24:32

“Borɔdoma bakaa nwo anyandera ne, ɛ́mɔma ɔyɛ nikyeesualɛ ma ɛmɔ: Sɛ ye mmaen nemɔ nya yɛ frɔmfrɔm, ná ɔfefɛ a, né ɛmɔse kyɛ ahuhuro mmerɛ apingye.

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Marko 13:27

Na ɔkɔsoma ye abɔfo mɔ maa bɛkɔɔboaboa bɛ bɔ waneanea nu waye bɛ nemɔ bekofi mvrama nna nemɔ anu, kofi aseɛ noa koodwu anwuro noa.

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Yohane 11:52

nna kyɛ maen ne ngome, na mmom kyɛ ɔkɔboaboa Nyameɛ mma bɔ bato bapete aseɛ mɔ so noa ɔkɔyɛ bɛ mmenia ko ɔ.

Romanfoɛ 10:18

Nakoso mebisa kyɛ, bennya bɛttele anaa? Amba, bate, ofikyɛ, “Bɛ komvi adwu aseɛ so nekaa biala, na bɛ dwirɛ adwu wiase nekaa biala.”

1 Korintofoɛ 15:52

Na mvum nu, kyɛ ɛbɔ wɔ nye perɛ ne, totorobɛndo bɔ ɔpɛ ye bo ne kohu. Ofikyɛ bekohu totorobɛndo ne, na bekotingye awufoɛ bɛkɔhɔ tebea bɔ bɛmborɔ ɔ nu, na yɛ de yɛkɔkakyi.

Ɛfesofoɛ 1:10

Na sɔ nhyehyɛleɛ ne kyire kyɛ mmerɛ ne adwu kyɛ ɔkɔboaboa abɔdeɛ amukoraa bɔ bɛwɔ nyameɛso ne aseɛ so noa ɔkɔbɔ nu wɔ Kristo nu.

Deuteronomi 30:4

Sɛ ewiase aseɛ noa dedeede dɔ po yeɛ bɛhyele wɔ nnure bɛhɔle a, AWURADE wɔ Nyameɛ kɔboaboa wɔ noa kofi berɛ, na ɔkɔɔfa wɔ kofi dɔ kɔwa.

Deuteronomi 4:32

“Wɔ de, kaye daa tete mmerɛ bɔ wapɛ nu wahɔ ne, fite mmerɛ bɔ Nyameɛ bɔle kuro sona tole aseɛ so ɔ, ná bisa fite ewiase ye ti kɔha ye ti nea, sɛ edwirɛ pirikua sɔaa bie asi le, anaakyɛ bate ebie nwo mbopoleɛ po le a?

1 Tɛsalonikafoɛ 4:16

Ofikyɛ Awurade bɔbɔ kɔfa esebɔlɛ, abɔfo panyi komvi ne Nyameɛ totorobɛndo komvi kofi nyameɛso kodwu kɔwa, na Kristo nu awufoɛ bekoli moa bekodwɔso,

2 Tɛsalonika 2:1

Aliɛmaa mɔ, bɔ ɔfa y’Awurade Yesu Kristo walɛ ne ne nwo, ɔne yɛ noa boalɛ bɔ yɛkwaafa yɛyia ye ne nwo de, yɛsrɛ kyɛ nnɛmɔma ɔyɛ ɛmɔ ti anu kesenee,

Hebrifoɛ 12:19

nekaa bɔ bɛtele totorobɛndo hulɛ ne, ɔne komviɛ totohyia bɔ ɔmaa bɛsrɛle kyɛ nnɛma Nyameɛ dwudwo kyire bɛ ko ne.

Nyekyire 1:20

Na nzramaa nzoo bɔ enwuni bɛ wɔ me sa famaa nu, ɔne sikaa kɔkorɛ kanea bakaa nzoo ne, bɛ nwo mvealeɛ nu dwirɛ ɛhe: Nzramaa nzoo ne bɛte asɔre nzoo nemɔ b’abɔfo mɔ, yeɛ kanea bakaa nzoo bɔ enwuni bɛ ne bɛte asɔre nzoo ne.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 7:1

Na ɛhemɔ asi ne, nwuni abɔfo nna kyɛ begyigyi aseɛ ndweasoɛ nna ne aso, bɔ né basi aseɛ so mvrama nna nemɔ ate, kyɛbɔ ɔkɔyɛ bɔ mvrama biala ngotu ngɔfa aseɛ anaa ɛpo anaa bakaa biala so ɔ.

Nyekyire 8:2

Na nwuni abɔfo nzoo bɔ begyigyi Nyameɛ nyunu ne, na bɛmane bɛ totorobɛndo nzoo.