Mateo 24:30 - AHYERƐLƐ KRONGRON

³⁰ na afei Sona Awa ne, ye sɛngyerɛnneɛ kɔla ali wɔ ewienu; na aseɛ so mmusua kure amukoraa bɛkɔbɔ awuye, na bekonwu Sona Awa ne kyɛ ɔ́ba wɔ nyameɛso munungum nu wɔ tumi ne animnyam kandinga nu ɔ.

Mateo 24:30 Iomraidhean Croise

Daniel 7:13

Kɔngɔen nu nyekyire nemɔ anu, nwuni ebie bɔ ɔte kyɛ Sona Awa, kyɛ ɔnate nyameɛso munungum nu ɔba ɔ, ɔhɔle Bɔ Ɔwɔ Berɛ Fi Tetetete ne nwo berɛ, na bɛmaa ɔhɔle ye nyunu berɛ.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Sakaria 12:11

Sɔ kyẽa ne, awuyebɔlɛ piri paa kɔwa Yerusalem bɔ ɔte kyɛ Hadadrimon awuyebɔlɛ wɔ Megido bɔnza nu ne.

Mateo 24:3

Né Yesu te Olive Bokaa ne aso, na asuafoɛ nemɔ wale ye berɛ ahameɛ beesele ye kyɛ, “Kã kyire yɛ, kyinzu yeɛ ɛhemɔ bɛkɔwa nu ɔ? Na nzikyɛ yeɛ ɔkɔyɛ wɔ walɛ ne ne ewiase ayieleɛ ne nwo sɛngyerɛnneɛ?”

Mateo 24:37

Na kyɛbɔ Nowa aberɛ so deɛ ne yɛle ne, sɔ ala koso yeɛ Sona Awa ne walɛ ɔkɔyɛ ɔ.

Mateo 24:39

na né bɛnze bɔ ɔbaasi ɔ maa oodwuli kyɛ nzueyilɛ ne wale oopiane bɛ mukoraa hɔle ɔ; na sɔ ala yeɛ Sona Awa ne walɛ ɔkɔyɛ ɔ.

Mateo 26:64

Na Yesu buale ye kyɛ, “Ye ala yeɛ ahã ne, nakoso mekã mekyire ɛmɔ kyɛ, ofi ɛnɛ bɔ ɔkɔ ɔ, ɛmɔkonwu Sona Awa ne kyɛ ɔte Tumi sa famaa so, na ɔ́ba anwuro munungum so ɔ!”

Marko 13:26

Na afei mmenia konwu Sona Awa ne kyɛ ole tumi piri ne animnyam ɔ́ba wɔ munungum nu ɔ.

Marko 13:4

“Kã kyire yɛ, kyinzu yeɛ ɛhe kosi ɔ? Yeɛ nzɛngyerɛnneɛ beni yeɛ okohyire mmerɛ bɔ ɛhemɔ amukoraa bɛkɔwa nu ɔ?”

Luka 21:27

Na afei mmenia konwu Sona Awa ne kyɛ ole tumi ne animnyam piri ɔ́ba wɔ munungum nu ɔ.

Luka 22:69

Na ofi ɛnɛ bɔ ɔkɔ ɔ, Sona Awa ne kɔtena Nyameɛ tumi ne sa famaa so.”

Asomafoɛ 1:11

na besele bɛ, “Galileafoɛ, nzu ati yeɛ ɛmɔgyi wa bɛnea anwuro ye? Yesu he ala bɔ bafa ye bafi ɛmɔ nwo bahɔ nyameɛso ne, kyɛbɔ ɛmɔnwu ye kyɛ ɔ́kɔ nyameɛso ne, sɔ ala yeɛ okosa kɔwa ɔ.”

2 Tɛsalonika 1:7

ná ɔkɔma ɛmɔ bɔ ɛmɔwɔ amaneɛ nu ne, ɛmɔ ne yɛ yɛkonya nwomelelɛ, kyẽa bɔ bɛkɔla Awurade Yesu ne ye abɔfoɛ anwoserɛfoɛ ali bekofi nyameɛso, wɔ see wuronyiwuronyi nu ne,

Nyekyire 1:7

Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.

Nyekyire 12:1

Na sɛngyerɛnneɛ piri bie lale ye nwo ali wɔ nyameɛso: Braa bie bɔ wafa eyia wahera, bɔ ye gya gyigyi ɛsraen so, ná nzramaa buru ne nyɔ abotire bobɔ ye ti ɔ.