Mateo 24:3 - AHYERƐLƐ KRONGRON

³ Né Yesu te Olive Bokaa ne aso, na asuafoɛ nemɔ wale ye berɛ ahameɛ beesele ye kyɛ, “Kã kyire yɛ, kyinzu yeɛ ɛhemɔ bɛkɔwa nu ɔ? Na nzikyɛ yeɛ ɔkɔyɛ wɔ walɛ ne ne ewiase ayieleɛ ne nwo sɛngyerɛnneɛ?”

Mateo 24:3 Iomraidhean Croise

Mateo 13:36

Yesu yakyili ɛlɔen ne ate, na ɔhɔle awuro. Na ye asuafoɛ nemɔ wale ye berɛ beebisale ye kyɛ, “Kyire yɛ ngyɛngyɛma anyandera ne abo.”

Mateo 13:49

Sɔ ala yeɛ ɔkɔyɛ wɔ ewiase ayieleɛ ne ɔ. Abɔfo mɔ kɔwa bɛkɔɔpa nu bɛkɔye bɔnefoɛ bekofi teneneefoɛ nu,

Mateo 15:12

Yeɛ ye asuafoɛ nemɔ wale beesele ye kyɛ, “Farasiifoɛ nemɔ bɛtele sɔ dwirɛ ne nen, aso ɛse kyɛ wanyɛ bɛ fɛ ɔ?”

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 16:28

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue kɔpem kyɛ bekonwu Sona Awa ne kyɛ ɔ́ba ye ahennie nu ɔ.”

Mateo 17:19

Na asuafoɛ nemɔ wale Yesu berɛ bɛ ne ye beetuli asure bebisale ye kyɛ, “Nzu ati yeɛ yɛ de yangora yandu ye ɔ?”

Mateo 21:1

Na mmerɛ bɔ bepingyele Yerusalem, ná bedwuli Betefage bɔ ɔwɔ Olive Bokaa ne anwo nen, Yesu somane asuafoɛ nemɔ nyɔ

Mateo 24:27

Na kyɛbɔ agralaa tete fi eyia afiteleɛ, ná ɔta kodwu eyia atɔleɛ ne, sɔ ala yeɛ Sona Awa ne walɛ ne koso ɔkɔyɛ ɔ.

Mateo 24:30

na afei Sona Awa ne, ye sɛngyerɛnneɛ kɔla ali wɔ ewienu; na aseɛ so mmusua kure amukoraa bɛkɔbɔ awuye, na bekonwu Sona Awa ne kyɛ ɔ́ba wɔ nyameɛso munungum nu wɔ tumi ne animnyam kandinga nu ɔ.

Mateo 24:37

Na kyɛbɔ Nowa aberɛ so deɛ ne yɛle ne, sɔ ala koso yeɛ Sona Awa ne walɛ ɔkɔyɛ ɔ.

Mateo 24:39

na né bɛnze bɔ ɔbaasi ɔ maa oodwuli kyɛ nzueyilɛ ne wale oopiane bɛ mukoraa hɔle ɔ; na sɔ ala yeɛ Sona Awa ne walɛ ɔkɔyɛ ɔ.

Mateo 24:43

Na ɔsɛ kyɛ ɛmɔnwu ye kyɛ, sɛ né awuro mene ne ɔse kɔngɔen mmerɛ horɛ bɔ awueniɛ ne kɔwa a, ahaa ɔkɔwɛne, bɔ ahaa ɔngɔma ongootu ye anoa bo ongoowua ye ɔ.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Luka 21:7

Na bebisale Yesu kyɛ, “Kyerɛkyerɛniɛ, kyinzu yeɛ ɛhemɔ kosi ɔ? Na sɛ ɛhemɔ bɛbaasi a, sɛɛ yeɛ ye nwo sɛngyerɛnneɛ kɔyɛ ɔ?”

Asomafoɛ 1:7

Na Yesu buale bɛ kyɛ, “Me Baba bɔbɔ yeɛ ole ye tumi wahyehyɛ mmerɛ ne ngyẽa ɔ, na onhia kyɛ ɛmɔkonwu mmerɛ bɔ ɛhemɔ kosi ɔ.

Hebrifoɛ 9:26

Na sɛ ɔtte sɔ de a, ahaa ɔsɛ kyɛ Kristo taa nwu amaneɛ fite kyɛ Ɛdangama bɔle aleɛ ɔ. Nakoso waye ye nwo ali komapɛ wɔ mmerɛ bɔ ewiase kɔ ye ayieleɛ ye, na wafa ye bɔbɔ ye nwo wabɔ afɔleɛ wakyikyi bɔne.