Mateo 24:28 - AHYERƐLƐ KRONGRON

²⁸ Na nekaa bɔ efuin la ne, berɛ yeɛ mbɛtɛ bɛboa bɛ noa ɔ.

Mateo 24:28 Iomraidhean Croise

Yeremia 16:16

“Tie, ngɔsoma maa bɛkɔɔfrɛ mmenia pee bɔ bɛkye nzue nu naen ɔ bɛkɔwa, AWURADE noa dwirɛ ɛne, na bɛkɔɔhye bɛ. Na afei ngɔsoma maa bɛkɔɔfrɛ bɔfoɛ mɔ pee bɛkɔwa, na bɛkɔhyehye mmenia ne wɔ bokaa biala so ne pambaa biala so ne nyɔbotaen nu ndokuro ngumaa nu.

Hesekiel 39:17

“Na wɔ, Sona awa, AWURADE Nyameɛ nwa nyoo: Se nnomaa ahoroɔ amukoraa ne eburo ngaka amukoraa kyɛ, ‘Ɛ́mɔhã bɛ nwo bɛbɔ nu bɛbra, ɛ́mɔboaboa ɛmɔ noa béfi nekaa biala bɛbra m’afɔleɛ poentolɛ bɔ meto mema ɛmɔ ne abo. Ɔte Yisrael mmokaa so afɔleɛ poentolɛ kandinga, na ɛmɔkoli naen bɛkɔno mogya.

Habakuku 1:8

Bɛ mbɔngɔ mɔ koso bɛ nwo yɛ nyera tra aboa, bɛte awerɔm bɛtra nɔsoa mbataku; bɛ pɔngɔhanɛfoɛ nemɔ behuru bɛpepe; amba, bɛ pɔngɔhanɛfoɛ nemɔ befi dedeede yeɛ bɛba ɔ; betu kyɛ kɔleɛ bɔ ɔpe ndɛen kɔkye naen di ɔ.

Luka 17:37

Yeɛ bebisale ye kyɛ, “Awurade, nisua ɔ?” Na obuale bɛ kyɛ, “Nekaa bɔ efuin la ne, berɛ yeɛ mbɛtɛ bɛboa bɛ noa ɔ!”

Deuteronomi 28:49

AWURADE kɔma maen bie bɔ ɔwɔ dedeede, bɔ ofi aseɛ noa dɔ ɔ, ɔkɔɔto kɔhye wɔ kyɛ kɔleɛ. Ɔkɔyɛ maen bɔ ɛnde ye dwudwolɛ ɔ,