Mateo 24:21 - AHYERƐLƐ KRONGRON

²¹ Ɔnate kyɛ, amaneɛnwunɛ piri bɔ ɔkɔwa ne, ofi mmerɛ bɔ Ɛdangama bɔle wiase bɔ ɔbaadwu ɛnɛ ɔ, ye sɛso ɔwwale le, na sɔ bieku koso ngɔwa le.

Mateo 24:21 Iomraidhean Croise

Hesekiel 5:9

Na ɔnate w’akyiwadeɛ yɔleɛ ne amukoraa ne ati, kyɛbɔ ngosi ngɔhwe wɔ so ne, nnyɔle sɔ bie le, yeɛ mengɔyɔ sɔ bie le ko.

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Daniel 9:26

Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Yoel 1:2

Ɛmɔ, mbanyi mɔ, ɛ́mɔtie ɛhe, ɛmɔ, aseɛ ne aso ama amukoraa, ɛ́mɔyɛ asoɛ betie! Aso sɔ dwirɛ he, wasi ɛmɔ aberɛ so le, anaa ɛmɔ nana mɔ b’aberɛ so po le?

Yoel 2:2

Ɔte awosii ne (ewienu) kusuuyɛlɛ kyẽa, munungum ne awosii kabii kyẽa; koɛhonɛfoɛ anwoserɛfoɛ pee bɛkɔwa, bɔ ɔte kyɛ awosii bɔ wakata mmokaa nemɔ aso ɔ; bɛ sɛso ɔwwale le, ná bɛ si koso, ebie ngɔwa ko, wɔ aworɛ ndoatoasoɛ pee bɛ mmerɛ so.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Mateo 24:20

Na ɛ́mɔbɔ mbaeɛ, ná ɛmɔ nwatilɛ ne wamma prakasua mmerɛ anaa afofikyẽa!

Mateo 24:29

“Na sɔ mmerɛ ne anu amaneɛnwunɛ ne asi ne, berɛ ne ala, eyia kɔkakyi awosii, na ɛsraen ngɔta, na nzramaa mɔ kotutu kofi anwuro kogua ase, na anwuro tumi mɔ kɔwoso;

Marko 13:9

Nakoso ɛmɔ de, ɛ́mɔla ɛmɔ nwo so, ofikyɛ bɛkɔye ɛmɔ bɛkɔma mbanyi badwa, na bɛkɔbo ɛmɔ wɔ nyianu sua mɔ nu. Na ɔnate me ti bɛkɔfa ɛmɔ bekoogyina amrado mɔ ne ahemvo nyunu, na ɛmɔkoli adanzeɛ bekohyire bɛ.

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!

Nyekyire 16:18

Na agralaa tetele, komviɛ bie wale, ɔbobɔle nu kurudududu; na aseɛwosolɛ kandinga wale, bɔ ofi mmerɛ bɔ mmenia wale aseɛ so ɔ, aseɛwosolɛ piri sɔa ebie ɔwwale le ɔ.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.