Mateo 24:19 - AHYERƐLƐ KRONGRON

¹⁹ Na pemvoɛ mɔ ne bɛ bɔ bɛma mmaa nyɔfone wɔ sɔ mmerɛ ne anu de, bɛ yaakɔ!

Mateo 24:19 Iomraidhean Croise

2 Samuel 4:4

Né Sɔɔlo awa Yonatan le baa bienzua bubuaniɛ bie. Oli Mefibosɛte. Mmenia fili Yesreel bɛɛbɔle amaneɛ kyɛ Sɔɔlo ne Yonatan bawu nen, né Mefibosɛte ali afoɛ nnu. Baanealɛniɛ bɔ ɔnea ye ne pagyale ye nwatili. Na ndɛndɛ so bɔ ɔnwati nen, Mefibosɛte te tɔle, na ɔyɛle bubuaniɛ.

2 Ahemvo 15:16

Sɔ mmerɛ ne, Menahem sɛkyele Tifesa. Ohuhuni nu mmenia amukoraa, ɔne mmenia bɔ bɛwɔ ye mbɔtam fite Tisa bɔ ɔkɔ ɔ. Ɔnate kyɛ bammukye kuro berɛ pambim bamma ye ne ati, ohuhuni nu mmenia. Ɔpakyepakyele kuro ne anu pemvoɛ amukoraa bɛ kunu.

Awuye 4:10

Mmrasua bɔ bɛ kunu tete bɛ ɔ, bafa bɛ sa batõ bɛ bɔbɔ bɛ kunu mmaa bafa bakakyi bɛ noa aleɛ, wɔ me maen awa brasua ye amaneɛnwunɛ mmerɛ ne anu.

Hosea 13:16

Samaria kɔsoa ye foɛlilɛ, ofikyɛ wayɛ ye Nyameɛ nwo lɔen. Bɛkɔtotɔ ngrandɛ noa, bɛkɔtete bɛ mma nnɔma mɔ ti bɛkɔbobɔ berɛ, na bɛkɔpakyepakye bɛ pemvoɛ mɔ kunu.

Mateo 21:16

Yiti bebisale ye kyɛ, “Aso ɛte bɔ ɛhemɔ bɛ́kã ne?” Na Yesu buale bɛ kyɛ, “Yoo, aso ɛmɔkkenngale ye le kyɛ, ‘Ngwadaa ne nnɔma bɔ bɛno nyɔfone bɛ noa nu yeɛ asiesie ayɛyelɛ ɔ’ anaa.”

Mateo 24:18

yeɛ sona bɔ ɔwɔ fieso ne koso, onni kyɛ osa ye si kɔ kyɛ ɔkwaafa ye tena.

Mateo 24:20

Na ɛ́mɔbɔ mbaeɛ, ná ɛmɔ nwatilɛ ne wamma prakasua mmerɛ anaa afofikyẽa!

Luka 21:23

Na pemvoɛ mɔ ne bɛ bɔ bɛma mmaa nyɔfone wɔ sɔ mmerɛ ne anu de, bɛ yaakɔ! Ofikyɛ amaneɛnwunɛ piri kɔwa aseɛ ne aso, na ahonehulɛ kɔwa maen he aso.