Mateo 23:9 - AHYERƐLƐ KRONGRON

⁹ Yeɛ nnɛma ɛmɔfrɛ ebiala ɛmɔ baba wɔ aseɛ ye aso, ɔnate kyɛ ɛmɔle Baba komapɛ, na ye yeɛ ɔwɔ nyameɛso ne.

Mateo 23:9 Iomraidhean Croise

2 Ahemvo 13:14

Afei mmerɛ bɔ Elisa bɔle anwonyerɛ bɔ ɔnate so maa nziɛ ye owuli ne, Yisrael hene Yoase hɔle ye berɛ, na oosuni wɔ ye nyunu berɛ sele kyɛ, “Me baba ee! Me baba ee! Yisrael teaseɛnam mɔ ne pɔngɔhanɛfoɛ ee!”

2 Ahemvo 2:12

Elisa hɔle so neane, na ɔteane nu kyɛ, “Me baba ee! Me baba ee! Yisrael teaseɛnam mɔ ne pɔngɔhanɛfoɛ ee! Na afei Elisa wannwu Elia ko ne. Elisa sɔle ye bɔbɔ ye ataadeɛ nu suale nu nyɔ.

2 Ahemvo 6:21

Yisrael hene nwuni Siriafoɛ nemɔ nen, obisale Elisa kyɛ, “Me baba, ngukũ bɛ anaa? Ngukũ bɛ anaa?”

Malaki 1:6

Baa di ɔse ni, yeɛ akoaa di ye mene ni. Na sɛ nde Seɛ de a, né nzaade m’anidie wɔ nisua? Na sɛ nde meneɛ de a, né nzaade esurolɛ bɔ besuro me ne ɔwɔ nisua? Ɛmɔ, asɔfo mɔ bɔ ɛmɔbu me dumaa animtia ɔ, bɔ Asafo AWURADE ose ɛmɔ hɔ ɛne. Nakoso ɛmɔbisa kyɛ, ‘Atee beni aso yeɛ yabu wɔ dumaa animtia ɔ?’

Mateo 23:10

Afei koso, nnɛmɔma bɛfrɛ ɛmɔ ‘meneɛ mɔ,’ ɔnate kyɛ ɛmɔ Mene te komapɛ, bɔ ye ole Kristo ne.

Mateo 6:32

Ofikyɛ ewiasefoɛ yeɛ bedi ɛhemɔ amukoraa si ɔ. Na ɛmɔ Baba bɔ ɔwɔ nyameɛso ne, ɔse kyɛ ɛmɔhia ɛhemɔ amukoraa.

Mateo 7:11

Na ɛmɔ po bɔ ɛmɔte bɔnefoɛ ɔ, sɛ ɛmɔse kyɛbɔ ɛmɔma ɛmɔ mma mɔ nningyein paa a, nzaade ɛmɔ Baba bɔ ɔwɔ nyameɛso ne, ɔkɔyɛ sɛɛ bɔ ɔngɔfa nningyein paa ngɔma bɛ bɔ bebisa ye ɔ?

Asomafoɛ 22:1

“Aliɛmaa mɔ ne ngya mɔ, ɛ́mɔtie edwirɛ bɔ mekã mefa mesa me nwo mekyire ɛmɔ ye.”

1 Korintofoɛ 4:15

Na sɛ ɛmɔle foɛtulɛfoɛ apee buru wɔ Kristo nu po a, ɛmɔ baba mɔ de, bɛnzone, ofikyɛ ɔnate nzɛmba ne aso mayɛ ɛmɔ baba wɔ Yesu Kristo nu.

2 Korintofoɛ 6:18

Ngɔyɛ ɛmɔ Baba na ɛmɔ wora ɛmɔayɛ me mma mmienzua ne mmrasua. Bɔ Tuminiɛ Awurade kã hɔ ɛne.”

Hebrifoɛ 12:9

Afei koso, yɛle seɛ mɔ wɔ aseɛ ye aso bɔ bɛtea yɛ ɔ, na yɛfa ebuo yɛma bɛ. Sɛ ɔte sɔ de a, aso onhia kyɛ yɛbrɛ yɛ nwo ase bɔ ɔtra so yɛma yɛ sunzum nu Seɛ ne na yanya ngoa anaa?

1 Yohane 3:1

Ɛ́mɔnea ɔdɔ sonongo bɔ Baba ne wafa walo yɛ ɔ, bɔ ɔmaa bɛfrɛ yɛ Nyameɛ mma ɔ, na yɛte ye mma koso amba. Na ɔnate ɛhe ati ewiase nze yɛ, ofikyɛ onnwuni ye.