Mateo 23:5 - AHYERƐLƐ KRONGRON

⁵ Bɔ bɛyɔ amukoraa te bɔ mmenia konwu bɛ ɔ; ofikyɛ bɛyɛ bɛ ngayeɛ nwomaa ne tɛtrɛtɛɛ, yeɛ bɛyɛ bɛ ndaadeɛ noa bɔ banwo ne ndendenn.

Mateo 23:5 Iomraidhean Croise

2 Ahemvo 10:16

Yeɛ Yehu hane kyɛ, “Maa yɛhɔ kɔnea kyɛbɔ matu me nwo masie berɛ mama AWURADE ɔ.” Yiti ɔmane Yehonadabo tenane ye teaseɛnam ne anu bie.

Ɛksadɔso 13:9

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, ná wayɛ ngayeɛ wɔ wɔ nwoma so wama wɔ, amaa ɔnate so AWURADE mmeraa ne ala wɔ noa; ofikyɛ AWURADE nate tumi piri so yeɛ ɔyele wɔ fili Misraim ɔ.

Anyandera 3:3

Nnɛma pɛpɛɛpɛyɛlɛ ne nahorɛlilɛ bɛpa wɔ nwo, kyekye fa ya wɔ kɔme, ná kyerɛ ye wɔ w’ahone nu.

Lewitikɔso 13:32

Ye ɛlɛsoo ne aso, odi kyɛ ɔsɔfo ne nea anwonyerɛ kyeekyee ne; ná sɛ anwonyerɛ ne wandrɛ, ná sɛ nwiaa hoyaa ɔnne nu, ná sɛ anwonyerɛ kyeekyee ne wannidi wangɔ ye wereɛ nu a,

Mateo 9:20

Na yieee, braa bie bɔ mogya atu ye afoɛ buru ne nyɔ ɔ fale Yesu si, na ɔfale ye sa hane ye ataadeɛ noa bɔ banwo ne.

Luka 16:15

Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Luka 20:47

bɛ yeɛ bɛbɔ akunafoɛ mmrasua apoo bede bɛ nningyein ɔ, nakoso bɛpati bɛbɔ mbaeɛ tendenn bekyire. Na bɛ yeɛ bekobua bɛ foɛ piri paa ɔ.”

Yohane 12:43

ofikyɛ né bekuro mmenia nyunu animnyam bɛtra Nyameɛ nyunu animnyam.

Yohane 5:44

Ɔkɔyɛ sɛ né ɛmɔale bali, ɛmɔ bɔ ɛmɔhyehyɛ ɛmɔ nwo ɛmɔ nwo animnyam, bɔ ɛmɔmbena animnyam bɔ ofi Nyameɛ komapɛ ne berɛ ɔ?

Yohane 7:18

Ebiala bɔ ɔbɔ ye ti anu dwudwo ne, ɔpena ye bɔbɔ ye animnyam; nakoso bɔ ɔpena animnyam ma bɔ ɔsomane ye nen, ye ole nahorɛniɛ ne, na ngondombo biala nne ye nu.

Deuteronomi 11:18

“Yiti ɛ́mɔfa me dwirɛ hemɔ besie ɛmɔ ahone ne ɛmɔ ti anu, ná ɛ́mɔkyekye bɛ́bɔ ɛmɔ sa ma ɔyɛ sɛngyerɛnneɛ, ná ɛ́mɔfa bɛ́bɔ ɛmɔ nwoma so ma ɔyɛ ngayeɛ.

Deuteronomi 22:12

“Ɛtena bɔ ɛfa gurɔ wɔ nwo ne, nwo nikyee fa sosɔ ye ahinanan nemɔ aso.

Deuteronomi 6:8

Kyekye fa bɔ wɔ sa ma ɔyɛ sɛngyerɛnneɛ, ná fa bɔ wɔ nwoma so ma ɔyɛ ngayeɛ,

Filipifoɛ 1:15

Ɔte amba kyɛ, ebiemɔ wɔ berɛ bɔ bele sona nwo anyeboro ne apereapereɛ yeɛ bɛkã Kristo nwo dwirɛ ne ɔ, nakoso ebiemɔ de, bele adwene paa yeɛ bɛkã ɔ.

Filipifoɛ 2:3

Nnɛma ɛmɔfa pɛsɛmangomenya anaa nduhoɛ bɛyɔ nikyee biala, na mmom ɔsɛ kyɛ ɛmɔfa anwobrɛaseɛ adwene bebu ɛmɔ mmango mɔ bɛtra ɛmɔ bɔbɔ ɛmɔ nwo.

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.