Mateo 23:35 - AHYERƐLƐ KRONGRON

³⁵ Ye sɔ ne ati, mogya tenenee amukoraa bɔ bahwie bagua aseɛ so, ofi teneneeniɛ Abel mogya so kodwu Barakia awa Sakaria, bɔ ɛmɔhuni ye wɔ nekaa krongron berɛ ne afɔleɛ bokyea ne b’afia ne, bɛ mogya ne nwo asotwe kɔwa ɛmɔ so.

Mateo 23:35 Iomraidhean Croise

Gyenesise 4:8

Na Kein sele oliɛma Abel kyɛ, “Maa yɛhɔ fieso.” Na bɛwɔ fie ne aso nen, Kein hɔle oliɛma Abel so, na ohuni ye.

2 Ahemvo 21:16

Asa koso, Manase hane mogya bɔ odi be ɔ pee guale, kɔpem kyɛ ɔhane mogya guale Yerusalem nekaa biala ɔ. Asora bɔne bɔ ɔhwehwene Yuda hɔle nu maa ɔnate so bɛyɔle bɔ ɔte bɔne wɔ AWURADE nyunu ne.

2 Ahemvo 24:4

ɔne mogya bɔ odi be bɔ ɔhã guale ne ati. Ofikyɛ ɔhane mogya bɔ odi be ɔ guale wɔ Yerusalem nu amukoraa, na né AWURADE ayɛ ye adwene kyɛ ɔngɔfa sɔ bɔne ne ngɔhyɛ.

Yesaya 14:21

Ɔnate bɛ se mɔ amumuyɛɛ ti, ɛ́mɔsiesie akumyɛɛ bɔ bekohu ye mma wɔ berɛ ɔ; amaa ɔnate so bandwɔso bamva aseɛ ne banni so tumi ná bangyekye nguro wɔ ewiase nekaa biala.”

Yesaya 26:21

Ofikyɛ AWURADE fi ye atenaleɛ berɛ ɔ́ba, kyɛ aseɛ so ama b’amumuyɛɛ ti ɔbaahwe bɛ so. Aseɛ kɔma mogya bɔ bahã bagua so ɔ nwo kɔla ali, na ɔngɔfa bɛ bɔ bahu bɛ wɔ so ne ngɔfea ko.

Yeremia 2:30

Ɛhwenɛ bɔ mahwe ɛmɔ mma mɔ bɛ so ne, wayɛ mbaen, bande fo. Ɛmɔ bɔbɔ ɛmɔ ngrandɛ yeɛ wahũ ɛmɔ ngɔmhyɛlɛfoɛ kyɛ gyata bɔ ye nye aboro ɔ.

Yeremia 2:34

Ehiafoɛ bɔ bedi be ɔ, bɛ mogya yeɛ wayɛ wɔ ndaadeɛ nu ɔ, ɔwɔ nu kyɛ angye bɛ kyɛ betu anoa bo de, nakoso ɛhe amukoraa si ne,

Yeremia 26:15

Na mmom, ɛ́mɔnwu ye kyɛ amba, sɛ ɛmɔku me a, mogya bɔ odi be ɔ yeɛ ɛmɔkɔmaa ɔkɔbɔ ɛmɔ bɔbɔ deinn, kuro he ɔne nu ama bɛ ti so ɔ. Ofikyɛ nahorɛ nu, AWURADE yeɛ ɔsomane me ɛmɔ berɛ kyɛ mmanga sɔ dwirɛ ye amukoraa ngyire ɛmɔ maa ɔhɔ ɛmɔ so anu ɔ.”

Yeremia 26:23

na bɛɛhyele Yuria befili Misraim bɛfale ye bɛbrɛle Nana Yehoakim. Ɔfale ngrande huni Yuria, na ogyili ye fuin ne tole maen asieleɛ so.

Yeremia 26:8

Na ɔwale kyɛ, Yeremia hane edwirɛ amukoraa bɔ AWURADE fale ahyɛdeɛ mane ye kyɛ ɔhã hyire maen ne amukoraa yiele nen, asɔfo nemɔ ne ngɔmhyɛlɛfoɛ ne maen ne amukoraa bɛhyele ye, na bɛhane kyɛ, “Ehunɛ ala yeɛ odi kyɛ yɛku wɔ ɔ!

Sakaria 1:1

Dario ahennie afoɛ bɔ ɔtɔ so nyɔ ne anu, ye bosome mmɔtwɛ ne anu, AWURADE lale ye dwirɛ ali hyirele ngɔmhyɛlɛniɛ Sakaria bɔ ye baba ole Berekia bɔ ye baba ole Yido ne kyɛ,

Numeri 35:33

Nnɛma ɛmɔfa efiɛ bɛka aseɛ bɔ ɛmɔte so ne, ofikyɛ mogya ma efiɛ ka aseɛ ne. Na mogya bɔ bɛkɔhã bekogua aseɛ ne aso ne, mbata biala ngɔhora ngɔte aseɛ ne anwo, sana sona bɔ waha sɔ mogya wagua ne, ye mogya ala.

Luka 11:51

ofi Abel mogya so kodwu Sakaria bɔ behuni ye wɔ afɔleɛ bokyea ne ne nekaa krongron berɛ b’afia ne, ye mogya so. Yoo, mekã mekyire ɛmɔ kyɛ, ye nwo asodie kɔla ɛnɛmmafoɛ so.

Asomafoɛ 5:28

“Aso yammera ɛmɔ kitii kyɛ nnɛma ɛmɔyɛ ngyerɛkyerɛ wɔ sɔ sona he dumaa nu anaa? Nakoso ɛmɔama ɛmɔ ngyerɛkyerɛ ne ato apete Yerusalem amukoraa, na ɛmɔpena kyɛ bɛma sɔ sona he wue ne bɔ yɛ ti so!”

Hebrifoɛ 11:4

Ɔnate gyidie so yeɛ Abel bɔle afɔleɛ paa bɔ ɔtra Kein deɛ ne, ná ɔsɔle Nyameɛ nye ɔ. Ɔnate ye gyidie so Nyameɛ buli ye kyɛ ɔtengyɛ, ofikyɛ Nyameɛ lili y’ayɛyɛdeɛ ne nwo adanzeɛ. Na ɔwɔ nu kyɛ Abel awu de, nakoso ɔnate ye gyidie so ɔtɛ dwudwo.

Hebrifoɛ 12:24

Ɛmɔawa Yesu bɔ ɔte apam foforɛ ne anu ndamgyinaniɛ, ɔne mogya bɔ bɛfa bɛpetene bɔ ɔkã nningyein paa nwo dwirɛ tra Abel deɛ ne berɛ.

Nyekyire 18:24

Na ye nu yeɛ benwuni ngɔmhyɛlɛfoɛ ne anwoteefoɛ ne mmenia amukoraa bɔ bahũ bɛ wɔ aseɛ so ɔ bɛ mogya ɔ.”