Mateo 23:23 - AHYERƐLƐ KRONGRON

²³ “Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔtua ɛmeɛ, ɛmanyire ne ɛkaberɛ so buru nu ngyɛmuɛ ko, nakoso ɛmɔnni mmeraa ne anu dwirɛ bɔ ohia paa ne aso, bɔ ye ole pɛpɛɛpɛyɛlɛ, anwumvoinnwunɛ ne gyidie. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Mateo 23:23 Iomraidhean Croise

Anyandera 21:3

Tenenee bra ne pɛpɛɛpɛyɛlɛ, ɔsɔ AWURADE nye tra afɔleɛbɔlɛ.

Yesaya 28:25

Sɛ osiesie aseɛ ne maa ɔda so frɛtɛɛ a, aso ongua ɛmeɛ, ɔndo ɛkaberɛ mbete, aso onnua atokoɔ ɔnza ye folii wɔ so, aso ɔmva ayuo mmobɔ nu, aso onnua aburoo wɔ eboo ne noa?

Yeremia 22:3

Bɔ AWURADE kã ɛhe: Ɛ́mɔbua ndɛen turoloo, ná ɛ́mɔyɔ bɔ ɔtengyɛ ɔ. Na ebiala bɔ babɔ ye apoo ne, ɛ́mɔpepɛ bele ye béfi aminɛlilɛfoɛ bɛ sa nu. Nnɛma ɛmɔyɔ bɔne betia ɛwɔfoɛ, ayisiaa anaa kunaniɛ, yeɛ nnɛma ɛmɔsisi bɛ. Afei koso, nnɛma ɛmɔkã mogya bɔ odi be ɔ begua wɔ ɛwa.

Hosea 6:6

Ofikyɛ anwumvoinnwunɛ yeɛ mépena ɔ, na nna afɔleɛbɔlɛ ɔ; na Nyameɛ nwo nimdeɛ mmom yeɛ mekuro metra naen yeralɛ afɔleɛ mɔ ɔ.

Lewitikɔso 27:30

“Aseɛ ne aso aleɛ buru nu ngyɛmuɛ ko ne, kyɛ betu befili aseɛnwo oo, anaakyɛ ɔte mmakaammaa oo, ye mukoraa te AWURADE deɛ; bɛte krongron bɛma AWURADE.

Mika 6:8

Ao kuro sona, wala bɔ ɔte paa ɔ ali wahyire wɔ, nzikyɛ yeɛ AWURADE pena fi wɔ berɛ ɔ? Bɔ ɔpena ala ole kyɛ ɛkɔyɔ bɔ ɔtengyɛ, ekonwu anwumvoin, ɔne kyɛ ɛne wɔ Nyameɛ bɛkɔnate anwobrɛaseɛ nu ɔ.

Mateo 12:7

Na sɛ ɛmɔte edwirɛ he abo, kyɛ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ’ a, ahaa ɛmɔammua bɛ bɔ benni fɔ ne fɔ.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Mateo 9:13

Ɛmɔhɔ beesua kyɛbɔ edwirɛ he ye bo kyire ɔ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ.’ Ofikyɛ mamma kyɛ mebaafrɛ teneneefoɛ, na mmom bɔnefoɛ.”

Luka 11:42

“Ɛmɔ Farasiifoɛ, ɛmɔ yaakɔ! Ofikyɛ, ɛmɔfa ɛmeɛ, ɛmanyire ne nyaanyaa biala buru nu ngyɛmuɛ ko bɛma, nakoso ɛmɔbu bɛ nye begua pɛpɛɛpɛyɛlɛ ne Nyameɛ nwo dɔ so. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Luka 18:12

Dapɛn biala meyɛ akɔngyere pɛen nyɔ, na bɔ menya biala, meye so buru nu ngyɛmuɛ ko mema.’

1 Samuel 15:22

Nakoso Samuel hane kyɛ, “Aso AWURADE nye gye naen yeralɛ afɔleɛ ne afɔleɛ mɔ nwo tra kyɛ ekotie AWURADE dwirɛ ɔ? Nahorɛ nu, sotie te paa tra afɔleɛbɔlɛ, yeɛ asoɛ mmerɛlɛyɛlɛ te paa tra boaen nyii loe.