Mateo 23:19 - AHYERƐLƐ KRONGRON

¹⁹ Anyesiniwaafoɛ! Beni yeɛ odi mu ɔ? Ayɛyɛdeɛ ne, anaakyɛ afɔleɛ bokyea ne bɔ ɔma ayɛyɛdeɛ ne nwo te ne?

Mateo 23:19 Iomraidhean Croise

Ɛksadɔso 29:37

Fa ɛlɛsoo pata wɔ afɔleɛ bokyea ne aso, te ye nwo, na afɔleɛ bokyea ne kɔyɛ krongron paa, na nikyee biala bɔ ye nwo kɔha afɔleɛ bokyea nen, ɔkɔyɛ krongron.

Ɛksadɔso 30:29

Te bɛ nwo ma bɛyɛ krongron paa; na nikyee biala bɔ ye nwo kɔha bɛ ne, ɔkɔyɛ krongron.

Hagae 2:12

‘Sɛ ebie fa naen bɔ ɔte krongron ɔ owura ye tena nu, ná ɔfa ye tena ne kã paanoo, anaa aleɛ bɔ bato, anaa nzaa, anaa ngoo, anaa aleɛ biala a, aso sɔ nikyee ne kɔyɛ krongron anaa?’ ” Yeɛ asɔfo nemɔ buale kyɛ, “Daabi.”

Mateo 23:17

Ɛmɔ, ngwaseafoɛ ne anyesiniwaafoɛ! Beni yeɛ odi mu ɔ? Esikaa kɔkorɛ ne, anaakyɛ asɔneyɛɛ sua ne bɔ ɔma sikaa kɔkorɛ ne nwo te ne?

Mateo 23:18

Yeɛ ɛmɔnwa, ‘Sɛ ebie fa afɔleɛ bokyea ne ɔta ndaen a, ɔndo ndaen; nakoso sɛ ebie fa ayɛyɛdeɛ bɔ ogua so ne ɔta ndaen de a, ɔto ndaen.’

Mateo 23:20

Yiti ebiala bɔ ɔfa afɔleɛ bokyea ne ɔta ndaen ne, ɔfa ye ne bɔ ogua so amukoraa yeɛ ɔta ndaen ɔ;