Mateo 23:17 - AHYERƐLƐ KRONGRON

¹⁷ Ɛmɔ, ngwaseafoɛ ne anyesiniwaafoɛ! Beni yeɛ odi mu ɔ? Esikaa kɔkorɛ ne, anaakyɛ asɔneyɛɛ sua ne bɔ ɔma sikaa kɔkorɛ ne nwo te ne?

Mateo 23:17 Iomraidhean Croise

Edwein 94:8

Ao, maen ne anu mmenia bɔ ɛmɔ adwene te nganga ɔ, odi kyɛ ɛmɔte ye bo, ngwaseafoɛ, kyinzu yeɛ ɛmɔkonwu nworɛ ɔ?

Mateo 23:18

Yeɛ ɛmɔnwa, ‘Sɛ ebie fa afɔleɛ bokyea ne ɔta ndaen a, ɔndo ndaen; nakoso sɛ ebie fa ayɛyɛdeɛ bɔ ogua so ne ɔta ndaen de a, ɔto ndaen.’

Mateo 23:19

Anyesiniwaafoɛ! Beni yeɛ odi mu ɔ? Ayɛyɛdeɛ ne, anaakyɛ afɔleɛ bokyea ne bɔ ɔma ayɛyɛdeɛ ne nwo te ne?

Hebrifoɛ 2:11

Na bɔ ɔte mmenia nwo fi bɛ bɔne nwo ne, ɔne mmenia bɔ ɔte bɛ nwo ne amukoraa bɛ Baba te ko; na ɔnate sɔ ne ati, ɔnyɛ ye nya kyɛ ɔkɔfrɛ bɛ oliɛma mɔ ɔ.