Mateo 23:11 - AHYERƐLƐ KRONGRON

¹¹ Bɔ ɔte titire wɔ ɛmɔ nu ne, ɔkɔyɛ ɛmɔ somvoɛ.

Mateo 23:11 Iomraidhean Croise

Mateo 23:10

Afei koso, nnɛmɔma bɛfrɛ ɛmɔ ‘meneɛ mɔ,’ ɔnate kyɛ ɛmɔ Mene te komapɛ, bɔ ye ole Kristo ne.

Marko 9:35

Yeɛ Yesu tenane ase, ɔfrɛle asuafoɛ buru ne nyɔ ne, na osele bɛ kyɛ, “Sɛ ebie pena kyɛ odi moa a, maa oli bɛ mukoraa bɛ si, ná ɔyɛ bɛ mukoraa bɛ somvoɛ.”

1 Korintofoɛ 9:19

Ɔwɔ nu kyɛ ebiala nni me so de, nakoso mayɛ me nwo akoaa mama mmenia mukoraa, amaa ɔnate so me sa ahã mmenia pee.

2 Korintofoɛ 11:23

Bɛte Kristo asomvoɛ anaa? Medwudwo kyɛ ebiaa nnne adwene de oo, metra bɛ: mayɔ adwuma serɛ matra bɛ, mala kuku nu somaa matra bɛ, babo me pee batra bɛ, yeɛ ewue ato afo me pee atra bɛ.

2 Korintofoɛ 4:5

Nna yɛ bɔbɔ yɛ nwo dawure yeɛ yɛbɔ ɔ, na mmom Kristo Yesu bɔ ɔte Awurade ne, ye nwo dawure yɛbɔ ɔ, na yɛsa yɛbɔ dawure kyɛ ɔnate Yesu ti yayɛ ɛmɔ ngoaa.

Galatiafoɛ 5:13

Aliɛmaa mɔ, bafrɛ ɛmɔ bawa fawɔnwodi nu; yiti nnɛmɔma fawɔnwodi ne diedie ɛmɔ kɔ anwoɔnaen akɔnnɔ nu, na mmom ɛ́mɔfa ɔdɔ so bɛso bɛ nwo ngoko ngoko.