Mateo 22:5 - AHYERƐLƐ KRONGRON

⁵ Na bɛ wora, bamva banyɛ dwirɛ, na besili nu bɛhɔle b’atee; ko hɔle ye fieso, ko oolili ye dwaa,

Mateo 22:5 Iomraidhean Croise

Gyenesise 19:14

Yiti Lɔto fitele oosele ye sia mmienzua bɔ bɛbaagyigya ye mma mmrasua nemɔ kyɛ, “Ɛ́mɔhã bɛ nwo befi wa, ofikyɛ AWURADE baasɛkye kuro ne.” Nakoso ye sia nemɔ dwenene kyɛ ɛhoaa bie yeɛ ɔ́to ɔ.

Gyenesise 25:34

Afei Yakob mane Yisɔ paanoo ne ngongo abomu ne bie. Odidili, ɔnone, na odwɔsole hɔle. Yiti Yisɔ ammu ye bamuɛbaa dibea ne huu.

Anyandera 1:7

AWURADE surolɛ yeɛ ɔte nimdeɛnyanɛ ye bohyɛlɛ ɔ, na ngwaseafoɛ de, bɛmva nworɛ ne ngyerɛkyerɛ bɛnyɛ huu.

Mateo 13:22

Na mmakaammaa bɔ beguale mmowue nu ne, ogyi berɛ ma ebiala bɔ ɔte edwirɛ ne, nakoso ewiase asetena nu adwenedwene ne anwonyadeɛ nnakannaka bemiamia edwirɛ ne, na onzu mmaa.

Mateo 22:4

Yiti osa somane somvoɛ foforɛ mɔ kyɛ, ‘Ɛmɔɔhã behyire bɛ bɔ mato me sa mafrɛ bɛ ne kyɛ: Ɛ́mɔtie, masiesie m’aleɛ ne mayie, mahu me nandwie nyii mɔ ne me nyɛmmoa bɔ balɔ ɔ, na mayie nikyee biala, yiti ɛmɔbra atɔmvorɛ ne abo.’

Mateo 22:6

yeɛ bɛ ngaa ne wora bɛhyele ye somvoɛ nemɔ beguale bɛ nyunu ase, na behuni bɛ.

Yohane 2:16

Na osele bɛ bɔ bɛtɔne mmorɔnoma ne kyɛ, “Ɛ́mɔfa ɛhemɔ befi wa! Nnɛma ɛmɔfa me Baba awuro bɛkakyi dwaalilɛ awuro!”

Asomafoɛ 2:13

Nakoso ebiemɔ koso serele bɛ bɛhane kyɛ, “Nzaa foforɛ yeɛ wabo bɛ ɔ!”

Asomafoɛ 24:25

Na Pɔɔlo wɔ so bɔ ɔkã tenenee ne anwohyɛsoɛ ne ndɛenbualɛ kyẽa bɔ ɔbaawa ne nwo dwirɛ nen, Felise kunu tetele ye, na osele ye kyɛ, “Kekesaala ye de, kɔ; na sɛ menya ye nwo a, ngɔmaa bɛkɔɔfrɛ wɔ bieku.”

Romanfoɛ 2:4

Aso ɛmva Nyameɛ paayɛlɛ mmorosoɛ ne ye aboterɛ pee ne nyɛ hwee hɔ ɔ? Ɛnze kyɛ Nyameɛ paayɛlɛ ne ɔboka wɔ maa ɛsakyera w’adwene hɔ ɔ?

Romanfoɛ 8:6

Sɛ ɛma anwoɔnaen nu adwenedwene bada wɔ so a, ɔne ewue yeɛ bɛnate ɔ; nakoso Sunzum nu adwenedwene de, ɔma ngoa ne asomdwee.

2 Timoteo 3:4

bɛ bɔ bɛye bɛ mmango mɔ bɛma, asobrakyeɛfoɛ, bekoli bɛ ti piri, ná bahuro anigye batra Nyameɛ;

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.