Mateo 22:4 - AHYERƐLƐ KRONGRON

⁴ Yiti osa somane somvoɛ foforɛ mɔ kyɛ, ‘Ɛmɔɔhã behyire bɛ bɔ mato me sa mafrɛ bɛ ne kyɛ: Ɛ́mɔtie, masiesie m’aleɛ ne mayie, mahu me nandwie nyii mɔ ne me nyɛmmoa bɔ balɔ ɔ, na mayie nikyee biala, yiti ɛmɔbra atɔmvorɛ ne abo.’

Mateo 22:4 Iomraidhean Croise

Nehemia 9:17

Bɛyɛle b’adwene kyɛ bengoli so, na anwanwadeɛ bɔ ɛyɔle mane bɛ ne, bangaye, na mmom bɛyɛle asoserɛ, yeɛ bɛyele sona maa ɔlale bɛ noa kyɛ besa bɛkɔ ngoaasolɛ nu wɔ Misraim. Nakoso ɛte Nyameɛ bɔ ɛfa bɔne kyɛ, ɛdo mmenia, yeɛ ɛse anwumvoin, w’ahone nhu ndɛ, wɔ ɔdɔ bɔ onni ngasi sone, na anye wɔ sa amvi bɛ bo.

Edwein 86:5

Ao AWURADE, ɛte paa, na ɛfa bɔne kyɛ; wɔ ɔdɔ bɔ onni ngasi ne ɔsone ma bɛ bɔ besu bɛfrɛ wɔ ɔ.

Anyandera 15:17

Sɛ edi mburuhu wɔ ɔdɔ nu a, ɔte paa tra kyɛ ekoli nandwie nyii bɔ walɔ ɔ wɔ ɛpɔen nu ɔ.

Edwein Nu Dwein 5:1

Nniɛma brasua, m’atɔmvorɛ braa, mawa me turo ne anu, méboaboa me korobo ne m’ayirefona ne noa, médi me woɛ bɔ ɔwɔ ye nzasameɛ nu ɔne me woɛ ne, méno me nzaa ne me nyɔfonesue ne. Me mmango mɔ, ɛ́mɔdidi ná ɛ́mɔno, adɔfo mɔ, ɛ́mɔno ma ɛmɔ ko yi.

Mateo 21:36

Osa somane somvoɛ mɔ bɔ bɛsone bɛtra bɛ bɔ beli moa ne ɔ; na sɔ ala yeɛ bɛyɛle bɛ ɔ.

Mateo 22:5

Na bɛ wora, bamva banyɛ dwirɛ, na besili nu bɛhɔle b’atee; ko hɔle ye fieso, ko oolili ye dwaa,

Mateo 22:8

Afei osele ye somvoɛ mɔ kyɛ, ‘Basiesie atɔmvorɛ ne bayie de, nakoso bɛ bɔ ndole me sa mvrɛle bɛ ne, bɛmvata.

Luka 14:17

Na adidie mmerɛ dwuli nen, ɔsomane ye somvoɛ kyɛ oose bɛ bɔ wato ye sa wafrɛ bɛ ne kyɛ, ‘Ɛmɔbra, na m’anwoboa atotɔ nu!’

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Asomafoɛ 13:46

Na Pɔɔlo ne Banaba sili b’ahone besele kyɛ, “Né ohia kyɛ ɛmɔ, Yudafoɛ yeɛ yɛdi moa yɛkã Nyameɛ dwirɛ ne yɛkyire ɛmɔ ɔ. Nakoso ɔnate kyɛ ɛmɔpo edwirɛ ne, ná ɛmɔmmu bɛ nwo kyɛ ɛmɔfata daa ngoa ne ati, ɛ́mɔtie, yɛkɔyakyi yɛkɔhɔ Amaenmaensofoɛ mɔ berɛ.

Romanfoɛ 8:32

Sɛ wamva ye bɔbɔ Ɔwa wammɔ atianuserɛ, na mmom yɛ mukoraa yɛ ti ɔyele ye mane a, ɔkɔyɛ sɛɛ bɔ ɔngɔfa nningyein mukoraa ngɔboka ye so ngɔma yɛ ɔ?