Mateo 22:39 - AHYERƐLƐ KRONGRON

³⁹ Na bɔ ɔtɔ so nyɔ ne koso ɔte kyɛ ɛhene ala: Kuro ebiɛngo dwirɛ kyɛ wɔ bɔbɔ wɔ nwo!

Mateo 22:39 Iomraidhean Croise

Lewitikɔso 19:18

Nnɛtɔ wɔ mmenia ne anu biala so wereɛ, yeɛ nnɛfa ebiala nwo dwirɛ sie wɔ ti anu, na mmom kuro ebiɛngo dwirɛ kyɛ wɔ bɔbɔ wɔ nwo: me ole AWURADE.

Mateo 19:19

Di ɛse ne eni ni; yeɛ kuro ebiɛngo dwirɛ kyɛ wɔ bɔbɔ wɔ nwo.”

Mateo 22:38

Mmeraa dwirɛ bɔ ɔte piri paa bɔ oli moa hɔ ɛne.

Marko 12:31

Bɔ ɔtɔ so nyɔ ɛhe: ‘Kuro ebiɛngo dwirɛ kyɛ wɔ bɔbɔ wɔ nwo.’ Na mmeraa dwirɛ biala nne berɛ bɔ ye nwo hia tra ɛhemɔ ɔ.”

Romanfoɛ 13:8

Nnɛmɔma ebiala kerɛ, sana ɔdɔ bɔ ɛmɔfa bekurokuro ɛmɔ nwo dwirɛ ɔ; ofikyɛ ebiala bɔ okuro obiɛngo dwirɛ nen, né wali mmeraa ne aso.

Romanfoɛ 15:2

Na mmom ɛ́mɔma yɛ nu biala ɔyɔ bɔ ɔkɔma obiɛngo nwo kɔtɔ ye ɔ, bɔ ɔte paa ma ye, bɔ ɔkɔmaa okonyi gyidie nu ɔ.

Galatiafoɛ 5:14

Ofikyɛ babɔ mmeraa ne amukoraa porɛ komapɛ kyɛ, “Kuro ebiɛngo dwirɛ kyɛ wɔ bɔbɔ wɔ nwo.”

Galatiafoɛ 6:10

Yiti mmerɛ bɔ atee wɔ berɛ ma yɛ ye de, ɛ́mɔma yɛyɔ mmenia amukoraa paa, nganga bɛ bɔ bɛwɔ agyidifoɛ abusua fekue ne anu ne.

Yakobo 2:8

Yiti sɛ ɛmɔdi dehyeɛ mmeraa ne aso nahorɛ nu, kyɛbɔ Ahyerɛlɛ ne kã kyɛ, “Kuro ebiɛngo dwirɛ kyɛ wɔ bɔbɔ wɔ nwo” ne a, ye de né ɛmɔayɛ nikye.