Mateo 22:30 - AHYERƐLƐ KRONGRON

³⁰ Ofikyɛ awufoɛ dwɔsolɛ ne anu, bengya, yeɛ bɛmva ebie bɛmma agyaa, na mmom bɛte kyɛ nyameɛso abɔfo mɔ.

Mateo 22:30 Iomraidhean Croise

Edwein 103:20

Ao AWURADE abɔfo mɔ, ɛ́mɔye ye ayɛ: ɛmɔ anwoserɛfoɛ bɔ ɛmɔyɔ ye apɛdeɛ ná ɛmɔyɔ sotie bɛma ye dwirɛ ɔ.

Sakaria 3:7

“Asafo AWURADE nwa nyoo: Sɛ ɛfa m’atee so ná edi m’ahyɛdeɛ so a, ye de ngɔfa m’awuro ne ngowura wɔ sa, na ɛkɔnea m’aluo berɛ so, na ngɔmaa ekonya atee ɛkɔboka bɛ bɔ begyigyi ɛwa nemɔ aso.

Mateo 13:43

Na teneneefoɛ kɔta kyɛ eyia wɔ bɛ Baba ahennie ne anu. Bɔ ole asoɛ ne, maa otie!

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Mateo 22:31

Bɔ ɔfa awufoɛ etingyelɛ nwo de, aso ɛmɔkkenngale bɔ Nyameɛ hã hyirele ɛmɔ ne,

Mateo 24:38

Sɔ mmerɛ ne, anzana nzueyilɛ ne baawa ne, mmenia didili na bɛnone, begyigyale, na bɛmane agyaa maa odwuli kyẽa bɔ Nowa fole ɛlɛen ne anu ɔ;

Luka 17:27

Bedidili, bɛnone, begyigyale mmraa, na bɛmane agyaa maa oodwuli kyẽa bɔ Nowa fole ɛlɛen ne anu, ná nzueyilɛ ne wale oohuni bɛ mukoraa ɔ.

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”