Mateo 22:3 - AHYERƐLƐ KRONGRON

³ Na ɔsomane ye somvoɛ mɔ kyɛ bɛɛfrɛfrɛ bɛ bɔ wato ye sa wafrɛ bɛ kyɛ bɛbra atɔmvorɛ ne abo ne, nakoso bambene so kyɛ bɛkɔwa ɔ.

Mateo 22:3 Iomraidhean Croise

Edwein 68:11

AWURADE fa ye noa dwirɛ ne ɔma, na bɛ bɔ bɛbɔ ye nwo dawure ne, bɛsone pee.

Yesaya 30:15

Na AWURADE Nyameɛ, Yisrael Krongronniɛ ne, ɔnwa: “Sɛ ɛmɔsa bɛba me berɛ, ɔne kyɛ ɛmɔde bɛ nwome wɔ me nu a, yeɛ ɛmɔkonya ngoa ɔ; konnyɛlɛ ne anyelasoɛ nu yeɛ ɛmɔ anwoserɛ wɔ ɔ.” Nakoso ɛmɔanguro ye sɔ,

Yeremia 25:4

Na ɔwɔ nu kyɛ AWURADE hɔle so somane ye somvoɛ ngɔmhyɛlɛfoɛ amukoraa maa bɛwale ɛmɔ berɛ de, nakoso ɛmɔandie, yeɛ ɛmɔanyɛ asoɛ bandie.

Yeremia 35:15

Mahɔ so masoma me somvoɛ ngɔmhyɛlɛfoɛ amukoraa wɔ ɛmɔ berɛ dee kyɛ, ‘Odi kyɛ ɛmɔ anu biala sakyera ye adwene wɔ ye bɔne atee nwo, ná ɔbɔ bra paa; na nnɛma ɛmɔkodi nyameɛ foforɛ mɔ si bɛso bɛ, amaa ɔnate so ɛmɔatena aseɛ bɔ mva mane ɛmɔ ne ɛmɔ nana mɔ ne aso. Nakoso ɛmɔanyɛ asoɛ bandie me dwirɛ.

Hosea 11:2

Na ngu so bɔ mefrɛ bɛ ne, né me nwo ala yeɛ befi bɛkɔ ɔ. Bɛbobɔle afɔleɛ mɔ bɛmane Baal mɔ, na bɛyerale ɛyɛɛ bɛmane amoen mɔ.

Hosea 11:7

Me maen asi bɛ hue kyɛ bɛtwe bɛ nwo befi me nwo, ɔwɔ nu kyɛ bɛfrɛle bɛ kyɛ bɛhã bɛhɔ Anwuro Anwuroniɛ ne anwo, nakoso bɛ nu biala wangamvo ye.

Sefania 1:7

Ɛ́mɔyɛ konn wɔ AWURADE Nyameɛ nyunu! Ofikyɛ AWURADE kyẽa ne wapingye, yoo, AWURADE asiesie afɔleɛ, na wate bɛ bɔ wato ye sa wafrɛ bɛ nemɔ anwo.

Mateo 21:34

Na mmerɛ bɔ bobe telɛ dwuli nen, ɔsomane ye somvoɛ mɔ maa bɛhɔle hwɛsofoɛ nemɔ berɛ kyɛ beele ye mmakaammaa deɛ bɛbrɛ ye.

Mateo 23:37

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ pee yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Mateo 3:2

Ɔnwa, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 9:15

Na Yesu buale bɛ kyɛ, “Ɔkɔyɛ sɛɛ né atɔmvorɛ bo ama bɛ wora abɔ, wɔ aberɛ bɔ atɔmvorɛ biaa ne ɔne bɛ wɔ berɛ ɔ? Mmerɛ bie kɔwa bɔ bɛkɔfa atɔmvorɛ biaa ne bekofi bɛ nwo bɛkɔhɔ ɔ, na afei bekoli abuadaa.

Luka 13:34

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ nyɛɛ ɛhe yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Luka 15:28

“Nakoso ɔfɛle yaa, na wanguro kyɛ ɔkɔhɔ awuro berɛ ɔ. Yiti ye baba fite wale ɔɔkorɔkorɔle ye kyɛ ɔbra awuro.

Luka 19:27

Na me pɔfoɛ mɔ bɔ né bɛmbene so kyɛ medi bɛ so hene ne de, ɛ́mɔfa bɛ bɛbra wa beehu bɛ me nyunu wa!’ ”

Yohane 5:40

Nakoso ɛmɔnguro kyɛ ɛmɔkɔwa me berɛ, ná ɛmɔanya ngoa.

Asomafoɛ 13:45

Na mmerɛ bɔ Yudafoɛ nemɔ nwuni ɛlɔen ne nen, ɔyɛle bɛ anyeboro, yiti bɛne Pɔɔlo suli edwirɛ bɔ né ɔkã ne nwo aporowaa, na bɛpepɛle ye nzoaa.

Romanfoɛ 10:21

Na ɔfa Yisrael nwo de, ɔhane kyɛ, “Alehyeleɛ biala, matrɛ me sa nu kyɛ ngole asoserɛfoɛ mmenia bɔ bayɛ me so lɔen ɔ.”

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Hebrifoɛ 9:15

Ye sɔ ne ati, Yesu te apam foforɛ ne anu ndamgyinaniɛ. Ɔnate kyɛ, ɔfale ye wue bɔ owuli ne yele adasa fili bɛ bɔne bɔ bɛyɔle ye wɔ apam bɔ oli moa ne anu; amaa bɛ bɔ Nyameɛ afrɛ bɛ ne banya agyapadeɛ afebɔɔ bɔhyɛ ne.

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.

1 Samuel 9:13

Sɛ ɛmɔdwu kuro ne aso ala a, ɛmɔkonwu ye koraka né wafo wahɔ asɔneyɛɛ so berɛ waadidi. Sɛ ɔwwale a, mmenia nnidi, ofikyɛ ye yeɛ odi kyɛ oyira afɔleɛ ne aso koraka ɔ. Na ɛhe asi ne, mmenia bɔ bato bɛ sa bafrɛ bɛ ne, bedidi. Yiti ɛ́mɔfo bɛhɔ, na ɔngɔhyɛ biala ɛmɔkonwu ye.”