Mateo 22:29 - AHYERƐLƐ KRONGRON

²⁹ Yeɛ Yesu buale bɛ kyɛ, Ɛmɔafõ, ɔnate kyɛ ɛmɔnze Ahyerɛlɛ ne, anaa Nyameɛ tumi ne.

Mateo 22:29 Iomraidhean Croise

Gyenesise 18:14

Aso nikyee bie wɔ berɛ bɔ ɔyɛ se ma AWURADE hɔ ɔ? Na mmerɛ bɔ mahyɛ ne, afoɛ bieku bekye sɔa ala, ngosa ngɔwa wɔ wa, na Sara konya baa bienzua.”

Edwein 17:15

Na me de, ɔnate kyɛ metengyɛ ne ati, ngonwu wɔ nyunu; sɛ medafe metingye a, m’ahone kɔtɔ me kunu, kyɛ manwu wɔ nyunu ɔ.

Yesaya 25:8

Okonunu ewue boso kofi berɛ afebɔɔ. AWURADE Nyameɛ kokyikyi ebiala nye moen, na ɔkɔye ye maen animguaseɛ kofi aseɛ so amukoraa; ofikyɛ AWURADE noa dwirɛ ɛne!

Yesaya 26:19

W’awufoɛ mɔ bekonya ngoa, bɛ fuin nemɔ bekotingye. O ɛmɔ bɔ ɛmɔla nnɛterɛ nu ɔ, ɛ́mɔdwɔso bɛ́to dwein beli ahurusi! O AWURADE, wɔ bosue ne, ɔte kanea bosue, na aseɛ kɔye bɛ bɔ bawuwu ɔ kɔwa.

Yeremia 32:17

‘Ao, AWURADE Nyameɛ! Tie oo, wɔ yeɛ ele wɔ tumi piri ne wɔ tumi asaa bɔle anwuro ne aseɛ ɔ! Nikye fee nne berɛ bɔ ɔyɛ se ma wɔ ɔ;

Hosea 13:14

Aso mbɔ bɛ mvi ɛborɔ tumi nu anaa? Aso mbepɛ nne bɛ mvi ewue nu anaa? Wɔ, ewue, wɔ yealɛ ne wɔ ni? Wɔ, ɛborɔ, wɔ sɛkyelɛ ne wɔ ni? Anwumvoinnwunɛ atu afi me nye so.

Mateo 22:28

Yiti awufoɛ dwɔsolɛ ne anu, mmenia nzoo nemɔ anu beni yeɛ braa ne kɔyɛ ɔye ɔ? Ofikyɛ bɛ mukoraa begyale ye.”

Marko 12:24

Na Yesu buale bɛ kyɛ, “Aso nna ɛselɛ bɔ ɛmɔnze Ahyerɛlɛ ne ne Nyameɛ tumi ne ati yeɛ wamaa ɛmɔafõ ɔ?

Luka 1:37

ofikyɛ Nyameɛ de, nikyee biala nne berɛ bɔ ɔngora nyɔ ɔ.”

Yohane 20:9

Né bennya bɛttele Ahyerɛlɛ ne abo, kyɛ odi kyɛ otingye fi awufoɛ nu ɔ.

Asomafoɛ 26:8

Na nzu ati yeɛ ɔyɛ se ma ɛmɔ, Yudafoɛ, kyɛ ɛmɔkole bekoli kyɛ Nyameɛ tingye awufoɛ ɔ?

Romanfoɛ 15:4

Na nikyee biala bɔ bɛhyerɛ bɛtole berɛ tetetete ne, bɛhyerɛle maa ɔyɛle ngyerɛkyerɛ mane yɛ, kyɛ yɛfa aboterɛ ne Ahyerɛlɛ ne anu aworakyekyerɛ so yɛnya anyelasoɛ.

1 Korintofoɛ 15:34

Ɛ́mɔfa adwene paa ná ɛ́mɔyakyi bɔne yɔlɛ, ofikyɛ ɛmɔ nu biemɔ belle Nyameɛ nwo nimdeɛ. Mekã he maa ɛmɔ nyunu gua ase.

Filipifoɛ 3:21

na tumi bɔ ɔkora maa ɔfa nnningyein amukoraa wura ye bo ne, ɔkɔfa kɔsakyera yɛ awiɛmvoɛ nipadua ne maa ɔkɔyɛ kyɛ ye animnyam nipadua ne.