Mateo 22:17 - AHYERƐLƐ KRONGRON

¹⁷ Yiti kyire yɛ w’adwene. Aso mmeraa ma ate kyɛ yɛtua ɛtoɔ yɛma Kaesare, anaakyɛ ɔmma ate?”

Mateo 22:17 Iomraidhean Croise

Ɛsra 4:13

Nana, yɛbɔ wɔ amaneɛ kyɛ, sɛ besa bɛkyekye sɔ kuro ne, ná bɛto ye nwo fasue beyie a, ye de bengotua ɛtoɔ, anaa ndɔ, anaa aseɛ nwo toɔ ne. Sɛ ɔba ye sɔ a, sikaa bɔ ɔba ahemvie dɔ ne, so kɔte.

Ɛsra 7:24

Yɛ́ma ɛmɔte kyɛ, sɛ ɛmɔde asɔfo nemɔ, anaa Lewifoɛ, anaa edweintolɛfoɛ, anaa anoa wɛmvoɛ, anaa asɔneyɛɛ sua nwo awɛmvoɛ, anaa Nyameɛ awuro he anwo somvoɛ biala toɔ, anaa ndɔ, anaa aseɛ nwo toɔ a, otia mmeraa.

Nehemia 5:4

Na né ebiemɔ koso bɛkekã kyɛ, “Ɛtoɔ bɔ odi kyɛ yɛtua yɛma Nana wɔ y’aseɛ ne yɛ bobe boo nwo ne, ɔyɛ a yɛbɔ bosea koraka né yatua.

Nehemia 9:37

Ahemvo mɔ bɔ ɔnate yɛ bɔne bɔ yayɔ ti amaa bali yɛ so ne, bɛ mmom yeɛ bedi aseɛ ne aso aleɛ paa ne ɔ. Bele yɛ nipadua ne y’ayɛmmoa mɔ so tumi. Bɔ bekuro yeɛ bɛfa bedi yɛ ɔ, na edwirɛ piri paa yeɛ wato yɛ ɔ.”

Yeremia 42:20

Ɛmɔlakalakale ɛmɔ bɔbɔ ɛmɔ kra. Ofikyɛ ɛmɔsomane me wɔ AWURADE ɛmɔ Nyameɛ berɛ kyɛ, ‘Bɔ mbaeɛ kyire AWURADE yɛ Nyameɛ ma yɛ, na bɔ AWURADE yɛ Nyameɛ kɔhã biala, fa to yɛ nyunu, na yɛkoli so.’

Mateo 17:25

Na obuale kyɛ, “Otua.” Na Petro wale awuro nen, Yesu lili moa bisale ye kyɛ; “Simɔn, ɛdwene ye nwo sɛ? Nwa mɔ dɔ yeɛ aseɛ so ahemvo mɔ bedide ndɔ anaa ɛtoɔ ɔ? Bɛ mma mɔ dɔ, anaa amanvrafoɛ mɔ dɔ?”

Mateo 22:18

Nakoso Yesu nwuni b’adwenemmɔne ne, na obuale kyɛ, “Ɛmɔ, nyaatwomfoɛ! Nzu ati yeɛ ɛmɔbaatetɛ me noa ɔ?

Luka 2:1

Mmerɛ sɔ ne anu, Kaesare Augusto hyɛle mmeraa kyɛ bɛha ewiase mmenia amukoraa, ná bɛhyerɛ bɛ dumaa.

Luka 20:22

Aso otia mmeraa kyɛ yɛtua ɛtoɔ yɛma Kaesare, anaakyɛ ondia?”

Luka 3:1

Na Kaesare Tiberio ahennie afoɛ bɔ ɔtɔ so buru ne nnu ne, bɔ né Pontio Pilato te amrado wɔ Yudea nen, bɔ né Herode yeɛ ɔnea Galilea manzini ne aso ne, né oliɛma Filipo yeɛ ɔnea Yiturea ne Trakoniti manzini nemɔ aso ɔ, yeɛ né Lisania koso ɔne Abilene manzini so ɔ.

Asomafoɛ 17:7

na Yason asikye bɛ wɔ ye awuro. Bɛ mukoraa bebu Kaesare mmeraa so, na bɛnwa ɛhene bieku koso wɔ berɛ bɔ oli Yesu ɔ.”

Asomafoɛ 25:8

Nakoso Pɔɔlo sale ye nwo kyɛ, “Nnyɔle hwee nndiale Yudafoɛ mmeraa, anaa asɔneyɛɛ sua ne, anaa Roman hene Kaesare.”

Asomafoɛ 28:22

Nakoso yɛpena kyɛ ekyire yɛ w’adwene, ɔnate kyɛ yɛse kyɛ nekaa biala mmenia dwudwo tia sɔ som he.”

Asomafoɛ 5:37

Ɛhe asi ne, Yudase bɔ ofi Galilea wale wɔ mmerɛ bɔ né bɛka mmenia ɔ, ɔhwene ɛlɔen lili ye si, na ye koso behuni ye, na ye mmenia bɔ beli ye si ne bɔle aya.